# Meng harei 14 tal harei 17 bilan 5 di ban Hạ Long, tỉnh Quảng Ninh rah tabiak Parang iek thaok binguk saong Phim phóng sự - Tài liệu SEAN. Parang iek kayua Pasak Báo chí saong Hợp tác truyền thông Dunya pambuak saong Sở Thông tin saong Truyền thông tỉnh Quảng Ninh peih ngak. Parang iek hu labaih 300 blah thaot binguk saong jaik 60 phim phóng sự - tài liệu mek hu giải saong tame chung khảo di Jum pataom Dunya Thaok binguk saong Phim Phóng sự - Tài liệu khan ka bhum palei, anek manuac di dom taneh ia ASEAN thun 2010 lac thun Viet Nam ngak Akok ASEAN, Harei pataom Thaok binguk saong Phim Phóng sự - Tài liệu ka bruk Khik caga alam moi truong  saong Biến đổi khí hậu dalam dom taneh ia ASEAN thun 2013, harei pataom Thaok binguk – Phóng sự saong phim Tài liệu ka dom bangsa dalam ASEAN thun 2015, kayua Mentri Thông tin saong Truyền thông peih ngak.

          # Viện Âm nhac negar Viet Nam pambuak saong Sở Ilamu the thao Du lich tinh Cao Bằng birau peih Nyaom biai ilamu Drap ar Then Tày - Nùng tỉnh Cao Bằng saong bruk padang ngak ho so pakat negar “Then, Tày, Nùng, Thái Việt Nam” pok tagok UNESCO ba tame angan Drap ilamu phi vật thể di dunya. Dalam nyaom biai, dom urang roh duah, dom nghe nhan, dom urang khik ramik ilamu hu klak rabha, ginum biai piah ngak brei cambiac laic, brei pabak ginup dom kadha ka daoh Then, duh ka bruk ngak hồ sơ pakat negar; Ba tabiak jalan ngak saong dom danak dak, jalan langyah lagaih tui bruk khik ramik, patagok ialamu di inem krung Then dalam raidiuk harei ini.

# Di labik Inem mek sajarah dak rai Kim Ndong, Hội đồng Đội Trung ương pambuak saong Hội đồng Đội tỉnh Cao Bằng peih bruk pahadar 75 thun harei padang Đội Thiếu niên tiền phong Ho Chi Minh, harei 15/5/ 1941 – 15/5/ 2016. Thun bac 2015 – 2016, uranaih dalam tỉnh kham pakacah tui kadha: “ Uranaih Cao Bằng, hadah mbaok meta bruk takre bac, naih gheih, yam tagok tui Đoàn” ngan saong labaih 15.000 urang siam, bruk siam; taduan saong alin labaih 50.000 paok pandap, paok jien bac, 60 sruh radaih jauh, 150 taphon manuk khăn quảng đỏ ka ayut kan kathaot. Mbiah tal urak ini, tỉnh hu ba tame 5.000 urang đội birau, ba tagok Đoàn pasang iek ba tame 4.000 urang đội naih ghieh; pakat cơ sở meyaom 975 urang đội, pakat tỉnh meyaom 75 akok Liên đội naih gheih.

              # Harei 4/5, dom nghệ sĩ di kapul Hội Ngộ hu alin brei dom pandap sarak di drei ka Muyim Ilamu Huế. Dalam nan, urang sarak angan Nguyễn Văn Vũ daok ieu lac Liên Vũ hu alin brei dua drei nghê Việt hu ngak meng composit ka muyim caik ka urang mai maong iek.  Langiu di urang sarak Nguyễn Văn Vũ, rilo urang sarak mai meng Ấn Độ, Lào, Pháp…di kapol Hội Ngộ hu alin brei  dom pandap sarak ka Muyim Huế.

# Sa kapol dom dam dara di ban sit Phan Rí Cửa, huyện Tuy Phong, tỉnh Bình Thuận jak gauk puh ramik, pataom mek hareik di tapen tasik labik ini. Kapol hu tha pluh urang  halan hatian ngak bruk daong ramik hacih tapen tasik saong paglaong jaln sahaneng di bhap bini tuk mai ma-in atau menei di labik tasik ini. Urak ini, tapen tasik Phan Rí siam ghieh min biak rilo hareik nerak kayua dom baoh sang daok jaik tapen tasik tuh hareik, oh thau sahaneng tal alam moi truong. Tui jalan ngak, yaok harei adit, kapol brei pataom hareik cuh dua mbang page saong biar harei. Camereip hu rilo mikva labik nan njauk hatai, pachreih tame. Caong khin bruk ngak ini suai lavik nao hu daong mikva paglaong jalan sahaneng jang, taklik klak hareih ban glai ban glo labik tasik khik brei tapen tasik Phan Rí hu hacih sa-at.

# Thành đoàn Ban raya HCM peih bruk parang iek thaot binguk  “ 75 bilan bingu, Đội drei  praong tagok tui taneh ia” piah pahadar 75 thun Harei padang Đội Thiếu niên Tiền phong Ho Chi Minh ( 15/5/1941 – 15/5/ 2016) saong 126 thun Harei menek Chủ tịch Ho Chi Minh ( 19/5/1890 – 19/5/2016). Parang iek 150 blah rup thaot brei mboh ka sajarah dak rai, meng kan saong bruk dak padang Đội Thiêu niên Tiền phong HCM; Dom bruk ngak hu jak jeng di đội viên, thiếu nhi dalam taneh ia saong di ban raya HCM tapa dom bruk ngak di Đội saong bruk ngak di uranaih. Parang iek dui atah tal harei 20/5.

         # Sang patabiak tapuk Kim Đồng hu peih pakak Pasak tapuk Kim Đồng di labik 248 Cống Quỳnh, ban raya Hồ Chí Minh  dalam tuk pahadar 75 thun harei padang Đội Thiếu niên Tiền phong  Hồ Chí Minh saong 40 thun harei padang dhar.  Ini lac pasak tapuk uraniah akaok meti di taneh ia, lac labik ilamu caik ka uraniah ban raya jeng yau uraniah gah meraong. Dalam 10 thun (2006 – 2015), Dhar sang patabiak tapuk  Kim Đồng hu in ấn saong patabiak labaih 80 triệu bản tapuk saong yaom jien mek tame abih tih jaik 800 tỉ đồng, pabak hu bruk puac tapuk di rilo urang puac tapuk daok ranaih umo saong lac labik caik hatai jia di dom urang vak, urang pambuak bruk di dom tỉnh gah meraong negar./..