# Di labik phức hợp thể thao giải trí FLC Vĩnh Thịnh Resort tỉnh Vĩnh Phúc birau peih họp báo brei thau ka bruk pakacah “Urang kumei siam biai ilamu Viet dunya 2016 ”. Melam tamat tui kuhria hu peih tabiak di bilan 7 thun 2016, di  labik du lịch padeih padai sinh thái FLC Sầm Sơn. Langiu bruk palih ruah di dom labik dalam negar, bruk pakacah daok hu kuhria peih ngak pak Mỹ -Nga saong Đức, lac  labik hu rilo bhap bini urang Việt daok.

# Sang daoh kịch Việt Nam birau hu var parang  me-in piah pabak, pasiam veik mbang puac di abih vở kịch kinh điển Hăm-lét di W.Sếch-xpia caga ka mbang nao parang me-in pak Xin-ga-po meng harei 23 tal 27 bilan 3. Ini lac mbang nao parang me-in di negar lingiu camereip dalam thun di sang daoh piah pachreih tui thun Shakespeare dunya 2016. Gam saong mbang nao parang me-in akaok thun di Xin-ga-po, Sang daoh kịch Việt Nam hu ba kịch "Lâu đài cát"  nao pataom mbaok dalam mbang pataom Sân khấu dunya di Trịnh Châu negar Trung Quốc di bilan 4 anak tal. 

# Harei pataom Ao atah kumei Ban raya HCM mbang ka 3 thun 2016 birau peih tabiak di Sang ilamu Dam dara ban raya ngan saong kadha “Ban raya Ho Chi Minh – Ban raya ao atah”.  Harei pataom hu peih tabiak dalam chreih chrai ngan saong rilo bruk ngak, dalam nan praong di abih lac bruk hu jaik 1.000 kumei dara cuk ao atah daoh tamia dom kadha pok meyaom taneh ia, palei negar Viet Nam, pok meyaom ban raya tui jalan cak rok patagok.                            

# Parang iek “Rup cih angaok mbao klak” birau peih pakak di Tòa soạn mbao Nhân Dân, pak Ha Noi. Parang iek pataom hu dom blah rup cih angaok mbao klak meng dom ấn phẩm di mbao Nhân Dân, kayua dom urang cih hu angan dalam gah my thuat ngak tabiak. Parang iek ini lac sa dalam dom bruk ngak piah pahadar  65 thun harei mbao Nhân Dân tabiak rai harei 11/3/1951 – 11/3/2016. Hadei di tuk tamat bruk parang iek, dom blah rup cih dalam parang iek hu alin brei ka muyim di Hội Nha bao Viet Nam saong Sang ilamu Mbao Nhân dân.

# Patui bruk jak jeng di “Cười xuyên Việt” phiên bản thường saong phiên bản nghệ sĩ, Kmedia peih mbang ka 3 phiên bản Cười xuyên Việt – Tiếu lâm hội. Ini lac mblang me-in caik ka dom kapul nyaom kịch naih gheih min oh ka hu tagok sân khấu praong parang  me-in. Yaok sa kapul lac labik pataom dom dam dara takre hài kịch ngak tabiak dom kadha siam gheih…5 kapul kịch nan lac: Chuồn chuồn giấy; Đời; Buffalo; CMV; Xpro. Melam pakacah camereip di tuk 21 tuk harei 17 bilan 3 angaok riyak Rayo papar binguk Vinh Long 1.

# Bộ phim thần thoại Gods of Egypt lang tui sap Việt lac: Dom poyang Ai Cập di hãng Lionsgate daok taduan hu rilo panuac meyaom meng dom harak mbaok saong dom urang Viet Nam takre kayua nyu praong prang, maong  gheih meta saong asar kadha biak dui pachreih urang. Bộ phim ini daok ba jien tame hu labaih 72 triệu đô la Mỹ. Kadha di phim ndem tal mbang nao ghaih glar di po Horus (Nikolaj Coster-Waldau) saong urang likei dam Bek (Brenton Thwaites) piah cakak bruk kateik greik di yang Set (Gerard Butler), daong ka Ai Cập./.