1# Rah tabaik dalam 9 harei, meng harei 15 tal harei 23 bilan 11 thun 2015, di palei Ilamu – Du lcih dom bangsa Viet Nam, pak di Đồng Mô, Sơn Tây, Hà Nội, Adit “ Praong jum pataom dom bangsa – Drap ar ilamu Viet Nam” thun 2015 hu rilo bruk ngak chreih chrai bui sambai, hu mbaok di bhap bini dom bangsa: Thái, Khơ Mú (Điện Biên); Tà Ôi (Thừa Thiên Huế); Chăm (Bình Định); M’nông (Đắk lắk); Sán Chay (Bắc Giang); Kinh, Hoa, Khmer (Cần Thơ); Kinh (Trà Vinh, Hà Nội)…

2# Tỉnh Cao Bằng birau pambuak bruk saong Kapul thaot binguk Việt Nam birau peih harei pataom thaok binguk nghệ thuật bhum ceik gah barak negar mbang ka 15 thun 2015 ngan saong kadah “ taneh ia – anek manuac bhum ceik gah barak harei ini” saong “Dom kraong ia bhum bhaok palei negar” di Cao Bằng. Dom kadha pakacah jeng brei mboh ka taneh ia, anek manuac, bruk gheih mekre meng langik tasik ceik glai di dom tinh gah barak negar; khik ramik ilamu dom bangsa…

3# Thánh địa lac kadha parang iek di họa sĩ Nguyễn Huy Hoàng barau peih tabiak di miunyim Mỹ thuật Việt Nam. Parang iek yaih khan 11 blah rup cih sơn mài praong patabiak meng bruk tâm linh saong bruk ngak mbang daok dang di urang Cam. 11 blah rup cih jeng lac bruk ngak hu di jaik 10 thun duah thau saong roh dauh ka ilimo Cam; bruk duah thau, thực hành saong sáng tạo oh padheih padiay di họa sĩ ka nghệ thuật sơn mài. Parang iek dui atah tal puac harei 19/12.

4# “Adit ilamu Campuchia di Viet Nam 2015” ngan saong angan “Prang iek Hoàng gia ka ilamu meta saong dom pandap ilamu rilo sambo màu”, birau rah tabiak di Muyim Ban raya Ho Chi Minh. Pak ini, dom bộ phim tài liệu ka chat tamia meng kan di bangsa Khmer, tamia rối binguk praong, nghệ thuật kim hoàn hu ba tabiak chiếu; parang iek 20 blah thaot binguk birau, klak saong dom janih sarak mekre ka bingu caraih, tamia Khmer meng kan dalam dom baoh baha, brei mboh raidiuk di anek manuac saong drap ar ilamu UNESCO di taneh ai Campuchia; yaih khan ka ilamu sarak CPChia saong 6 rup binguk meng ban, patau, cẩm thạch, kayau praong sit karei di gauk.

5# Tổ chức Kỷ lục Việt Nam birau brei thau 5 kỷ lục Viet Nam ka Truyện Kiều gam ngak brei salah hồ sơ pok tagok Kỷ lục dunya Guinness brei ka bruk ini di hạng mục Akayat văn học hu rilo kỷ lục quốc gia di abih. Tui nan, 5 kỷ lục birau hu ba tame nan lac ariya hu ba angan urang vak jeng Danh nhân Văn hoá thế giới; Baoh tapuk ariya oh vak tabiak piah glang, bhap bini hu pandar iek, ngak jeng iek bói Kiều; Baoh tapuk ngak jeng bruk “vịnh Kiều”; “lẩy Kiều”; baoh tapuk ngak jeng rilo panuac pandao di abih. Yau nan, dalm 10 thun tapa, Dalikan KIỀU di Nguyễn Du mek hu 26 kỷ lục negar. langiu di nan, Dalikan KIỀU di Nguyễn Du hu Tổ chức Kỷ lục Việt Nam pok tagok Liên minh Kỷ lục Dunya likau ba tame kỷ lục thế giới: “ Akayat văn học ba mai ka taneh ia rilo kỷ lục di abih ”.

6# Di Hà Nội, kapul Liên hiệp châu Âu (EU) di Việt Nam pambuak bruk saong Pasak peih bruk parang me-in nghệ thuật (Cục Nghệ thuật parang me-in di Mintri Ilamu, Thể thao saong Du lịch), dom viện ilamu châu Âu saong Đại sứ quán dom taneh ia di EU bahrau peih họp báo ka Harei pataom Âm nhạc châu Âu 2015 di Việt Nam. Harei pataom Âm nhạc châu Âu 2015 lac kadha praong dalam dom bruk ngak pamaong tal pahadar 25 thun harei padang talei pambuak bruk ngoại giao EU - Việt Nam; daong patagok talei rohim saong thau gauk jang di bhapbini châu Âu saong Việt Nam. Kadha nan rah tabiak di ban Hà Nội saong ban raya Hồ Chí Minh meng harei 18 tal harei 29-11, kayua dom nghệ sĩ mai meng 8 taneh ia di EU parang me-in./.