# Meng harei 20/4 tal harei 22 bilan 4, tỉnh Nghệ An peih pakacah urang kumei siam binai dom bangsa takik, hu mbaok di dom kapul nyaom nghe thuat bhap bini mai meng 11 huyen, ban sit bhum ceik dalam tỉnh. Pakacah tui dua kadha: Danak dak daoh tamia bhap bini saong urang siam binai dom bangsa takik. Pakacah urang siam binai dom bangsa takik meda palih ruah 22 urang kumei, umo meng 18 tal 25 thun, lac dom bangsa Thái, Thổ, Ơ Đu, Mông, Khơ Mú pakacah angui cuk khan ao bangsa saong khan ao tui hatai takre.

# Di mblang bein gah Meraong bờ tây Cầu Rồng, meng harei 20 tal harei 24/4, Sở Thông tin saong truyền thông, Sở Văn hóa, Thể thao saong Du lịch tỉnh Quảng Nam peih harei pataom tapuk Hải Châu, hu labaih 80 gian hang di 24 đơn vị, công ty patabaik tapuk, sang pablei tapuk saong doanh nghiep. Ini lac sa dalam dom bruk pamaong tal “Harei tapuk Viet Nam” 21/4, oh lac piah pok meyaom saong brei mboh makna praong di tapuk dalam raidiuk bo daok pachreih bruk bac tapuk dalam bhap bini, paglong ilamu, rik tame pato pakai saong pasram jalan diuk rai siam mekre di anek menuac. 

# Di tỉnh Thừa Thiên – Huế daok rah tabiak harei pataom sân khấu hài kịch không chuyên pakat negar thun 2016, hu mbaok di 22 kapul nghe thuat  oh chuyên dalam taneh ia. Kadha di harei pataom brei mboh raidiuk xã hội, dom bruk kanjak jhak, hatai sahneng oh siam…tapa nan pok meyaom jalan diuk rai văn minh, hu ilamu, dom siam gheih dalam adat cambat, rik daong peih ngak siam bruk jak ba “Taong abih bhap bini jum pataom dak padang radiuk birau” saong “Grauk labik dalam taneh ia padang ngak palei pala birau”.

# Melam daoh take hadar 15 thun harei plang lahik di aruah nhac si Trịnh Công Sơn ngan saong kadha “ Pambuak gavang tangin praong” rah tabiak mong 19 tuk meteh harei 22 bilan 4 di mblang bein Hồ Bán Nguyệt, Q7, ban raya Ho Chi Minh. “ Pambuak gavang tangin praong”  2016 ngan saong kadha pamaong tal puk paga, palei negar. 26 kadha hu parang me-in dalam melam daoh take  nan lac dom kadha daoh di aruah nhạc sĩ  Trịnh Công Sơn hu daoh tui jalan birau  tapa sap daoh di dom ca si Thanh Lam, Hồng Nhung, Trần Thu Hà, Trịnh Vĩnh Trinh, Quang Dũng, Tùng Dương…

# Di baha Kỳ Son, xã Loan Mỹ, huyện Tam Bình, tỉnh Trà Vinh birau rah tabiak dom bruk ngak ilamu, daoh tamia, the thao, pandap mbang huak, dalam nan hu daoh tamia bhap bini Khmer; Pakacah parang iek thaot binguk ngan saong kadha “ Bol bhap Khmer Vĩnh Long ba gauk khik ramik ilamu bangsa”; Parang iek, yaih khan tapuk ilamu bangsa Khmer; Pakacah ngak pandap mbang huak meng kan di urang Khmer tui kadha “ Pandap bingi harei Tết” …Harei pakacah hu peih ngak piah uan raok Tết Chol Chnam Thmay di urang Khmer./.