1# Harei pataom tamia rối Ha Noi 2015 birau tamat blaoh, hu mbaok di 9 kapul tamia rối dunya saong klau kapul tamia rối di taneh ia drei lac sang daoh tamia rối Trung ương, Sang daoh tamia rối Thăng Long saong Sang daoh tamia rối Hải Phòng. Harei pataom lac tuk piah ka dom kapul  tamia rối brei mboh bruk naih gheih di drei, dom kadha tamia ghieh mekre di drei, saong daok lac tuk piah taom gaok bac megru dom kadha birau meng dom ayut sahabat dalam saong langiu negar. Dom ilamu ky thuat birau, kỹ xảo birau saong dom kadha tamia birau hu dom nghệ sĩ bac megru, duah thau tapa Harei pataom.

2# Tỉnh Kon Tum birau tamat Harei pataom capi, daoh ragu daoh bhap bini saong pacakah angui cuk khan ao meng kan di dom bangsa tỉnh Kon Tum thun 2015. Hu mbaok tame harei pataom, hu 10 kapul ngan saong labaih 100 nghệ nhân bhap bini mai meng 10 huyện, ban dalam tỉnh Kon Tum, lambaok ka dom bangsa Xê Đăng, Ba Na, Gia Rai, Giẻ Triêng, Rơ Mâm…Ini lac tuk piah yaih khan dom ragu daoh bhap bini, dom ragam tamia, alat ragam meng kan di dom bangsa dalam tỉnh Kon Tum tal urang dalam taneh ia saong langiu negar.

3 #  Di Pasak ilamu tỉnh Bà Rịa -Vũng Tàu, Sở Ilamu, thể thao saong Dulich Bà Rịa -Vũng Tàu pambuak saong Kalup kapul thơ ca Hương biển Vũng Tàu birau peih bruk taom mbaok pahadar sa thun dak padang saong tabiak mbaok tapuk ariya “Hương biển”. Ini lac baoh tapuk ariya camereip di Kapul kapul thơ ca Hương biển meng tuk tabiak rai tal ini. Dalam dom bruk di tuk tabiak tapuk ariya “Hương biển”, rilo urang cuak ariya, mai meng dom kapul ariya dom tỉnh Đồng Nai, La Gi tỉnh Bình Thuận, ban raya HCM hu taom gauk cuak ariya. Rilo ariya dalam tapuk ariya Hương biển hu dom urang cuak ariya puac dalam var nan  yau kadha “Đại tướng Võ Nguyên Giáp”, “Dom blah thư sambo tím”...

4 # Jalan tapuk Ban raya Ho Chi Minh daok angaok jalan Nguyễn Văn Bình quận 1 atah 144 mét, praong 8 mét saong tapen dua gah jalan praong 6 mét, hu ngak sa gah 19 gian hàng tapuk, sa gah lac café tapuk, labik parang iek. Tui kuhria, jalan tapuk hu  peih tabiak meng harei 23 bilan 11 tuk pahadar 75 thun harei Nam kỳ khởi nghĩa. Dalam dom harei bahrau peih tabiak, hu rilo bruk ilamu di jalan tapuk yau: Parang iek dom kadha cih vak di Nguyễn Du pahadar 250 thun harei menek di ong, pakacah lẩy Kiều, bói Kiều; dom nyaom darak tapuk quý hiếm, tapuk karei karei…

5 # Di Palei ilamu – Dulich dom bangsa Viet Nam pak Đồng Mô, Sơn Tây, Hà Nội, daok rah tabiak adit “ Jum pataom dom bangsa – Drap ar ilamu Viet Nam” thun 2015. Adit nan thun ini hu mbaok di dom bangsa Thái, bangsa Khơ Mú, tỉnh Điện Biên; bangsa Tà Ôi, tỉnh Thừa Thiên – Huế; bangsa Chăm H’roi, tỉnh Bình Định; bangsa M’nông tỉnh Dak Lak; bangsa Sán Chay, tỉnh Bắc Giang; bangsa Kinh, Hoa, Khmer…

6 # Di Hà Nội, Pasak Ilamu Hàn Quốc birau peih bruk parang iek thaot binguk ngan saong kadha “Tình”. Parang iek hu 42 thaok binguk nghệ thuật di urang thaot Han Quoc angan Lee Sang Bok saong urang cih Viet Nam Vũ Bạch Liên ndung bak dom hatai anit ranam bo yaok urang cih caong khan brei thau ka taneh ia bo drei daok ngak bruk yau ye palei negar ka dua di drei. Parang iek lac bruk pambuak hatung hatian tapa talei rohim di dua taneh ia Việt Nam saong Hàn Quốc./.