# Parang iek Salam uan xuan 2016 kayua Cục Mỹ thuật, Nhiếp ảnh saong Parang iek peih tabiak di Hà Nội. Parang iek hu parang tabiak 42 blah thaok binguk, dalam nan hu 21 blah thaok cih, 19 blah thaok binguk di 15 urang. Yaok sa blah rup thaok hu parang tabiak di labik ini, hu brei mboh hatai anit ranam di urang cih, urang thaok ngan saong dom gheih mekre di alam dunya, raidiuk, palei negar saong anek manuac Viet Nam. Urang mai maong iek meda hu mboh hu thau dom caong khin ka sa thun birau hu rilo siam mekre, trei sir, haniem phol.

# Di xã Yên Phú, huyện Hàm Yên, tỉnh Tuyên Quang birau rah tabiak Lễ hội Thắng cảnh quốc gia Động Tiên saong nyaom darak palei pala thun 2016. Ini lac Lê hội meng kan di bhap bini bangsa tỉnh Tuyên Quang  peih tabiak di akok thun birau  yaok thun saong hatai caong ka sa thun bahrau hajan siam, hangin lagaih, pala drak njauk, saong tapa nan yaih khan kaya nong di palei drei. Inem mek thắng cảnh Quốc gia Động Tiên meng lavik mai  lac labik biak gheih, hu rilo la-on la-ar biak mekre. Le hoi ini hu rilo bruk ngak ilamu nghe thuat saong kadha main di bhap bini bangsa Mông, Dao, Cao Lan.

 # Lễ hội Đền Mẫu Âu Cơ Xuân anek thak tra 2016 birau hu peih tabiak di xã Hiền Lương, huyện Hạ Hòa, tỉnh Phú Thọ. Le hoi pachreih hu rilo urang mai maong iek, tuai damuai mai cuh gilau, hu mbaok tame dom adat kakuh Amaik Au Cơ. Ini lac sa dalam dom le hoi praong, peih mbaok ka rilo le hoi gheih karei di tỉnh Phú Thọ ngan saong rilo bruk ngak ilamu, daoh tamia, the thao saong dom kadha main bhap bini ndung bak ialmu bhum taneh halau gha.

# Di pasak Ilamu Huyền Trân, phường An Tây, ban sit Huế, tỉnh Thừa Thiên - Huế, birau peih le hoi kalan Huyền Trân. Le hoi kalan Huyen Tran hu peih ngak yaok thun, brei mboh jalan diukrai “menyum ia hadar tal halau ia” di bangsa piah hadar dhar phol dom patao Trần buh rilo prein yawa daong bhap bini, daong taneh ia. Le hoi hu cuh gilau saong dom adat cambat meng kan di Điện Huyền Trân công chúa, Kalan kakuh Patao Trần Nhân Tông saong dom bruk ngak yang mebang; parang iek, nyaom darak pasar saong peih dom kadah main bhap bini, daoh tamia.

# Phim The revenant (Urang mai veik meng a lot diah) birau mek hu giải glaong di  Viện Hàn lâm điện ảnh saong truyền hình Anh. Phim nan kayua urang ngak phim Mexico Alejandro González Iñárritu mek hu giải di Viện Hàn lâm điện ảnh saong truyền hình Anh lac phim gheih mekre di abih, đạo diễn xuất sắc di abih saong lac urang likei diễn viên chính xuất sắc di abih brei ka DiCaprio. Meng dom jayak nan, phim The revenant brei mboh labik dang  di ứng cử viên dang akok di le jao giai Oscar di harei 28-2 anak tal.

#  Di ban Lốt An-giơ-lét (Mỹ) birau rah tabiak bruk jao Giải âm nhạc Grammy mbang 58 - thun 2016 di Viện Thu âm Nghệ thuật saong Khoa học negar  Mỹ. Giai thưởng thun ini  pok meyaom dom nghe si, kadha am nhac gheih di abih  dalam thun 2015, ngan saong 83 hạng mục. Di var jao giai thuong nan, ca si Tay-lo Xuýp (Taylor Swift)  hu pok brei angan lac “ Công chúa nhạc đồng quê” ngan saong 3 giai Grammy: “Vi-đê-ô ca nhạc gheih di abih" brei ka vi-đê-ô Bad Blood gam saong dua giai “An-bum nhạc Pop gheih di abih” saong “An-bum di thun” brei ka an-bum 1989. Tay-lo Xuýp  jeng alc ca si camereip mek hu dua giai an –bum di thun pak Grammy.