# Piah peih ngak Danak dak bruk ngak di Rajaei ka bruk pathau khan, yaih khan ASEAN, bahrau ini, Tổng công ty Bưu điện Việt Nam di Mentri Khaw tin saong truyền thông hu peih bruk pakacah cih mẫu tem bưu chính “ Salam uan Dom taneh ia ASEAN 2015”. Bruk pakacah ini peih tabiak ka dom urang cih tem chuyên nghiệp di Tổng Công ty Bưu điện Việt Nam saong dom urang cih hu rilo ilamu cih mẫu tem bưu chính gam saong dom urang cih mbang camereip tame pakacah cih tem. Bruk patabiak tem piah pathau khan brei bhap bini thau jang saong mboh lac drei ini sa binah dalam Cộng đồng ASEAN, meng nan rik daong ka bruk kham merat di khu vực nan lac dak padang Cộng đồng ASEAN tapa dom bruk ngak yaok harei yau taom gaok klah rabha ilamu, dulich, bac da-a saong dom bruk ngak kinh tế.

# Di Ha Noi, Kadung jien patagok saong klah rabha ilamu Đan Mạch-Việt Nam hu peih parang iek Rup cih Viet Nam di Đại sứ quán Đan Mạch mbang ka 3. 25 blah rup cih di 18 urang cih hu ba tame parang iek dalam mbang ini. Dom blah rup cih hu ba tame parang iek jeng hu cih tabiak meng raidiuk ngan saong dom thaot binguk yau: uranaih, urang mein capi, anai dara bangsa Dao bhong, dom palei ngak di Ha Noi, palei tasik, jalan palei, patau bhum glaong…tapa nan yau brei mboh hatai sahneng di urang cih ka ridiuk, ilamu, meyut meyau, bruk kham merat yam tagok…

# Le jao giải Ilamu Phan Châu Trinh birau rah tabiak di ban raya Ho Chi Minh. Mai pataom mbaok hu amuk Nguyễn Thị Bình, dahlau diah ngak Phaok akaok negar, Akok Hội đồng khik ramik Kadung jien ilamu Phan Châu Trinh. Thun ini hu 3 giải thưởng hu alin brei ka dom urang nan lac: nhạc sĩ Lư Nhất Vũ saong urang cuah ariya Lê Giang taduan hu giải Brei ka bruk ilamu – pato megru kayua hu rik daong biak rilo ka bruk roh duah, pato tacei, pathau khan ilamu bhap bini Nam bộ; ong Thomas J.Vallely kayua rik daong biak praong dalam bruk  pato megru đại học Viet Nam. Phó Giáo sư Ngô Đức Thọ taduan hu giải lang sap kayua ong rik daong biak praong ka bruk lang sap saong tacei pato ilamu Hán Nôm. Giải Roh duah hu pok brei ka urang roh duah  sử học  Tạ Chí Đại Trường kayua ong hu rik daong biak rilo ka bruk  roh duah sajarah.

# Bruk mbaoh tangin tame Danak dak pambuak bruk di Cục Ilamu parang iek saong dom kapul ilamu nghệ thuật pakat negar hu rah tabiak di Hà Nội, hu mbaok di urang pan akok Cục Ilamu parang me-in, urang pan kaok dom Kapul karei karei yau: Kapul  urang tamia Việt Nam, Kapul Nghệ sĩ sân khấu Việt Nam, Kapul Nhạc sĩ Việt Nam saong dom urang lambaok vakil dom jabat gah Cục Ilamu parang me-in saong lambaok dom gah pambuak tal. Lambaok klau Kapul hu ndem biai nao mai tapak saong caong khin Danak dak pambuak bruk meda peih tabiak dom siam mekre birau ka gah ilamu nghệ thuật saong bruk daoh, tamia, sân khấu, daong jhul pakhang ilamu nghe thuat di taneh ia dak harei dak cak rok patagok.

# Pamaong tal bruk pahadar 60 thun Jayah Dien Bien Phu (7/5/1954 – 7/5/2014), di tỉnh Điện Biên hu peih mbaok rija kandi Hoàng Công Chất - Thành Bản Phủ di xã Noong Hẹt, huyện Điện Biên. Ini jeng lac bruk ngak piah pahadar 245 thun harei plăng lahik di tướng Hoàng Công Chất, urang pan kaok bruk brok tagok di urang ngak nong Sơn Nam, Thái Bình. Ong bhian hu ba bol bala tagok Mường Thanh, huyện Điện Biên padang labik taong kol khamang meblah taneh ia. Rija hu peih ngak dom bruk yau raok rup patau, pok gilau, bac kadha hadar dhar phol bruk ngak di tướng Hoàng Công Chất saong pok panuac ieu jum pataom dom bangsa. Langiu di nan, daok hu dom kadah daoh tamia; pakacah dom janih thể thao bangsa yau cuh siuk, jhuk gai, katung talei, pakacah ngak mbang huak; parang iek thaot binguk “Điện Biên Phủ - 60 thun sa jalan…Ini lac tyukvak piah ka Điện Biên yaih khan, pok paglaong ilamu, daoh tamia bhap bini jeng yau pachreih urang buh jien padai tame ngak mbang patagok dulich di tỉnh.

# Harei ini, 30/ 3, di ban raya Ho Chi Minh tamat Harei pataom tapuk ban raya Ho Chi Minh mbang 8. Dalam 7 harei rah tabiak, hu jaik 1 triệu mbang urang mai maong iek. Harei pataom tapuk mbang ini hu peih ngak praong, hu tal 500 gian hàng, rilo jang 10%  duk saong harei pataom tapuk mbang 7, hu mbaok jaik 160 đơn vị nan lac dom sang patabiak tapuk, dom cong ty patabiak tapuk, dom cong ty pathau khan ilamu dalam saong langiu negar. Harei pataom tapuk thun ini parang iek saong pablei labaih 20 triệu baoh tapuk gam saong rilo bruk taom gaok, ndom biai nao mai, yaih khan dom kadha, urang vak…Ini lac sa bruk ngak piah pok paglaong ialmu bac tapuk, rah tabiak dalam tuk Rajaei brei palih ruah harei 21 bilan 4 yaok thun ngak harei tapuk Viet Nam. Bruk ngak ini hu rik daong paglaong jalan sahaneng dalam raidiuk di bhap bini, abih di nyu nan lac dom urang bac tapuk daok ranaih umo./.