# Ủy ban bhapbini tỉnh Khánh Hòa barau peih bruk brei thau saong taduan mek harak inem krung ilimo phi vat the pakat negar “ Rija Bỏ mả di urang Raglai”. Rija Bỏ Mả nan lac adat cambat praong abih dalam dom adat cambat dalam rai ngak menuac di urang Raglai. Ini lac bruk likau drei dom urang daok diuk saong urang metai. Adat bỏ mả hu peih ngak tui dua jalan nan lac : bỏ mả di tuk ngak ba urang metai nao dar saong bỏ mả hu tukvak kuhria caga. Yau nan ye, piah peih bruk bỏ mả, sang nan njauk ngak sa gilai meng kayau saong rilo pandap trang tri, tuan di angaok tapung sang kubo. Le Bo ma urak ini daok hu khik dalam bhapbini Raglai di dom huyen bhum ceik  tinh Khanh Hoa.  

# Pahadar 39 thun harei peih paha tỉnh Ninh Thuận (16/4), 60 thun jayah Điện Biên Phủ(7/5/1954 – 7/5/2014), miuyim Ninh Thuận barau peih bruk parang iek ngan saong kadha “Ninh Thuận 30 thun kalin kan – peih paha (1945 – 1975)”. Labaih 200 pandap saong thaot binguk tư liệu hu parang tabiak di 3 labik, brei mboh bruk methuh metak anh dung, kien cuong di bol bala saong bhapbini Ninh Thuan dalam dua mbang methuh taong Prang saong My. Labik pasak hu parang iek huan chuong, huy chuong hala dok luu niem saong angan dom amaik Viet Nam anh hung, anh hung tapol nyaom bol pan phao kraong bhapbini, dom urang taha dahlau deih nghak bruk cach mang di Ninh Thuan. Dua labik daok veik parang iek phao ndao thô sơ saong barau, hu pandar dalam tuk methuh, dom pandap pandar yaok harei, dom harak gar, bao chi kháng chiến, thaot binguk ka bruk hau can, dan van di saman methuh. Parang iek peih pambang meng ini tal abih harei 30/6/2014.

#  “Harei pataom tapuk saong internet” barau peih tabiak di Gilang tapuk tinh Binh Thuan. Ini lac sa bruk ndih dalam dom bruk di danakdak “Paglaong ilamu pandar komputer saong tame internet công cộng di Viet Nam”. Harei pataom tapuk saong Internet pachreih hu rilo anek saih, sinh vien di dom sang bac daok dalam ban sit Phan Thiet. Mai tal labik ini, tuai damuai hu puac tapuk saoh saong blei tapuk trun yaom meng 10% tal 70%. Langiu di nan, dom anek saih, sinh vien daok hu thau hu dom bruk, dom kadha kein lagaih. Tui kuhria, harei pataom tapuk saong internet hu peih tabiak di 42 labik dalam tinh piah daong paglaong ilamu meng tapuk, paglaong bruk pandar komputer saong tame internet cong cộng di bhapbini.

# Di xã Phú Lý, huyện Vĩnh Cửu, tỉnh Đồng Lai barau rah tabiak rija kakuh Yang padai - Sayangva – rija praong abih dalam thun di bhapbini Chơro. Yaok rabau bhapbini Chơro daok di dom puk palei dalam tinh Dong Nai pataom gauk mai sang Atah di xa Phú Lý bui sambai rok rija. Abih gauk hu peih ngak adat kakuh rok yang padai mai tame bồ padai, kakuh nhang sang, nhang padai, nhang glai saong pataom tame daoh tamia...Di Dong Nai urak ini hu labaih 20 rabau urang Choro daok diuk rai saong bhapbini 32 bangsa adei saai dalam tinh.

 # "Yam tapa sup melup” nan lac angan ieu di kadha parang iek thaot binguk di urang thaot Trần Thế Phong barau hu peih ngak di sang bac phổ thông đặc biệt Nguyễn Đình Chiểu, ban raya Hồ Chí Minh.  108 blah thaot binguk mbong jhuk dalam parang iek hu brei mboh rilo gah ka raidiuk di dom urang sup meta. Piah hu dom blah thaot binguk ngak drut drui hatian menuac, urang thaot Trần Thế Phong hu ba drei tame raidiuk di dom uranaih sup meta dalam tukvak suai livik. Hadei di mbang parang iek, tac gia alin abih thaot binguk nan ka sang bac Nguyễn Đình Chiểu. Yaom jien mek hu meng bruk pablei tapuk binguk “ yam tapa sup melup” hu pandar piah padang kadung jien brei ka dom adei sup meta di ban raya Ho Chi Minh saong dom tinh, ban dalam taneh ia.

# “ Dom urang lin angaok mbuan A1” lac baoh tapuk truyện kí di Thiếu tướng, urang vak van Nguyễn Chu Phác barau hu sang patabiak tapuk Kapul urang vak van brei tabiak di tuk pahadar 60 thun jayah Điện Biên Phủ (7/5/1954-7/5/2014). Oh nao tame dalam dom bruk dom kadha, meng meta maong di urang hu mbaok dalam bruk methuh nan, urang vak van Chu Phác hu khan brei thau dom dalikan meng dalam chiến hào, bruk mbang huak, ndik daok saong mesruh metak di dom urang lin di Dien Bien Phu. Nan lac dom mbang taong oh var hu atau dom tukvak chreih hatai saong kadha daoh pagam saong saman daok dam bo dom urang lin hu daoh di mbang methuh Dien Bien Phu; lac dom kreih camin var klaak rup drei, ndih trun ka taneh ia tuk umo bahrau bak 20 thun. Urang vak van Chu Phác jeng lac tac gia di rilo tieu thuyet, truyen ki ka Dien Bien Phu, dalam nan njauk ndom tal tieu thuyet “Noong Nhai Hồng Cúm”, “sap ieu”, truyen ki “ Dalam chiến hào Điện Biên”, “Đồng Đội”, "55 harei bão táp"./.