Khaw tin ilimo 

# Sở ilimo padhih saong Du lịch tỉnh Cao Bằng barau peih mbang pakacah daoh ragu daoh bhapbini, parang iek angui cuk akhar ao bangsa saong pakacah padih thun 2016. Tui nan, labaih 200 diễn viên, nghệ nhân, vận động viên mai meng dom huyện dalam tỉnh hu parang me-in labaih 30 kadha daoh tamia ngan saong dom ragu daoh bhapbini ndung bak ilimo bangsa, pok meyaom pale negar, taneh ia, pok meyaom Đảng, Wa Hồ, bruk meyut meyau. Taphia di nan, parang iek angui cuk akhar ao dom bangsa : Kinh, Tày, Nùng, Mông, Dao, Sán Chỉ, Lô Lô saong pakacah padhih, mein kadha mein mengkan yau cầu lông, guốc ván, tung còn.

# Harei 29/3, di miunyim Đà Nẵng meda rah tabiak danakdak parang iek, yaih khan ilimo mbang menyum, akhar ao angui cuk, rija mengkan saong ngak mbang  ngak huak di bhapbini bangsa Cơ Tu daok di Đà Nẵng saong Quảng Nam ngan saong kadha “ ilimo bangsa Cơ Tu - Nơi labik khik ilimo bhapbini’. Danakdak hu 3 phần : yaih khan akhar ao angui cuk meng kan, rija ilimo, saong ngak thủ công mengkan di bhapbini Cơ Tu.

# “Dam dara saong inem krung ilimo cồng chiêng” lac kadha di harei pataom cồng chiêng tỉnh Lâm Đồng mbang yaka 10 thun 2016 kayua Sở ilimo, padhih saong du lịch tỉnh Lâm Đồng peih ngak meda rah tabiak meng harei 31/3 tal 1/4 di huyện Đức Trọng. Labaih 600 nghệ nhân daok ranaih,  umo meng 18 – 30 thun, urang bangsa takik dalam tỉnh saong 11 kapul cồng chiêng mai pataom mbaok. Harei pataom lac bruk ngak siam lagaih piah daong khik ramik, patagok saong pok meyaom ilimo cồng chiêng saong brei mboh labik dang di ilimo cồng chiêng dalam raidiuk bhapbini dom bangsa Tây Nguyên.

# Tal urak ini, tỉnh Lào Cai hu 1.322 sang ilimo palei, bản, tổ dân phố. Tui nan, dom sang ilimo hu jeng pasak taom gaok ilimo, padhih di labaih 1.000 kapul daoh tamia saong  997 kapul padhih palei, bản, rik daong praong tame bruk paglaong raidiuk mbnag ngui daok dang ka bhapbini, dalam nan hu bhapbini bangsa takik dalam tỉnh.

# harei pataom ilimo mengkan dom bangsa huyện Buôn Đôn, tỉnh Đắk Lắk thun 2016 barau hu peih ngak meng rilo bruk ngak ye : harei ieu yang bến ia; harei ieu yang pren yava ka limen; harei mbang kubao pauan bilan; daoh ragu daoh bhapbini, dân vũ, alat ragam dom bangsa, parang iek akhar ao angui cuk dom bangsa, dom kadha mein mengkan di puk palei.

# Pa-uan harei tết cổ truyền Chol Chnam Thmay thun 2016 di bhapbini Khmer, meng harei 13 tal harei 14/4, Sở ilimo, padhih saong Du lịch tỉnh Vĩnh Long meda peih harei pataom daoh tamia bhap bini. Dalam tukvak meng 35- 45 minit, dom kapul hu padang danakdak  parang mein dom janih yau: daoh, daoh tamia, tamia mengkan, hòa tấu ngũ âm, daoh À dây, trích đoạn Dù kê. Pachreih dom kapul daoh DUA-DUA sap Khmer - Việt pok meyaom  Đảng, Wa Hồ, taneh ia, palei negar…/.