Khaw tin ilimo harei 1-5-2015 

# Tui angan ba tagok barau hu báo The Guardian brei thau 10 jalan ngoạn mục bo dom urang ndik radaih njauk nao tapa, dalam nan hu đèo Hải Vân. Tui nan, The Guardian oh lac ieu đèo Hải Vân lac “ jalan dalam aih taginum” bo daok ndom lac, ini sa dalam dom jalan tapen tasik siam di abih di dunya urak ini. Tuai du lich meda pah radaih patuh atau ôtô piah nao tapa jalan ini tok dalam sa harei. Gam saong  đèo Hải Vân lac 9 jalan di  Nhật Bản, Na Uy, Thụy Sĩ, Brazil, Mỹ… laik tame Top 10 jalan ngoạn mục di dunya.

# Dalam dom rija roya mengkan Trường Yên di labik inem mek Đền thờ patao Đinh, patao Lê (xã Trường Yên, huyện Hoa Lư, tỉnh Ninh Bình) hu rah tabiak rilo bruk ngak gheih mekre, dalam nan njauk ndom tal dom adat raok ia. Ini lac sa adat cambat mengkan hu sajarah lavik rai, hu bhapbini Hoa Lư khik ramik peih ngak yaok thun ngan saong hatai caong khin  quốc thái dân an, hajan siam angin lagaih, bilan yuak paik bội thu, sang sang drei sir.

# Miunyim sajarah saong cách mạng Thừa Thiên Huế barau peih parang iek chuyên đề Sách đồng saong mộc bản rai Nguyễn. Bộ sưu tập Sách đồng rai Nguyễn hu 27 baoh tapuk meng ban di urang duah pataom cổ vật Lâm Dũ Xênh (Quảng Ngãi). Bộ sưu tập 54 mộc bản rai Nguyễn hu Phân viện roh duah ilimo nghe thuat Huế duah mboh saong duah pataom meng baha Thiên Hòa (palei Hạ 1, phường Thủy Xuân, ban sit Huế). Tapa nan, urang duah pataom cổ vật Lâm Dũ Xênh hu alin brei ka miunyim bộ sưu tập lan am Chu Đậu saong 69 hiện vật.

# Công ty cổ phần xây dựng kiến trúc AA pambuak bruk saong Tạp chí Xưa & Nay patabik tapuk Sài Gòn – klau abap patagok saong dak padang. Blah tapuk hu patabiak mbang akaok mereip thun 1998 ( dalam harei pahadar 300 thun Sài Gòn – ban raya Hồ Chí Minh) kayua karja ban raya pambuak bruk saong bhapbini đô thị Lyon (Pháp) saong Tổng lãnh sự Pháp peih ngak. Tapuk yaih khan 63 labik saong kiến trúc praong prang di Sài Gòn. Meng hình thức pambuak pagam di dom tài liệu biên khảo sajarah saong thaot binguk minh họa di rilo urang roh duah đầu ngành di VN saong Pháp, baoh tapuk hu daong urang puac hu thau ka dom kiến trúc Pháp di taneh Sài Gòn saong bruk mbeik drei tame di thị dân đa sắc tộc daok di Sài Gòn. 

#  Hội đồng xác lập kỷ lục Việt Nam barau brei harak chứng nhận kỷ lục ka blah  rup cih Pô Hùng praong abih hu ghép meng dom viên khối hình chữ nhật” kayua ông Goh Wee Keng, lambaok pasak pablei salih SC VivoCity, quận 7, ban raya Hồ Chí Minh. Blah rup cih hu lắp ghép meng 3.258 khối chữ nhật. Ini lac bruk ngak biak gheih saong hu makna brei thau hatian pok je urang patao akaok meti di VN dalam harei pacit da-a Pô Hùng 10 bingun bilan 3 saka ia bilan.  

# Jaik 300 urang ranaih umo Huế barau hu sa màn nhảy flashmob biak gheih di beir mein 3-2 taphia baok kraong Hương. Ini lac bruk ngak di danakdak Trải nghiệm raidiuk kayua dom urang tanaih umo Huế peih tabiak piah salam uan festival palei ngak mengkan Huế. Màn nhảy flashmob ini hu brei mboh di nền nhạc di dua kadha daoh "Nối vòng tay lớn" di nhạc sĩ Trịnh Công Sơn saong dom baoh hatai Việt Nam" di nhạc sĩ Phương Uyên.

# Viện Âm nhạc barau patabiak Album "raidiuk Trường Sa -Tình khúc Nguyễn Hồng Sơn" di Thiếu tướng, nhạc sĩ - bác sĩ Nguyễn Hồng Sơn. Album pataom 8 kadha daoh ka Trường Sa, ka dom urang lin kayua nhạc sĩ Nguyễn Hồng Sơn paneh ngan saong nền phối khí  barau abih di dom nhạc sĩ Xuân Thủy, Huyền Trung saong Sơn Thạch. Album raidiuk Trường Sa brei mboh ka raidiuk, bruk mesruh metak saong hatung hataindi urang lin saong bhapbini labik pulao kaoh ginreih, ralo darah oh meda klah rabha di negar . 

# Dom họa sĩ Việt Nam Tiffany Chung, Hoàng Dương Cầm, Nguyễn Huy An, Nguyễn Mạnh Hùng... di galerie Quỳnh, quận 1, ban raya Hồ Chí Minh hu pataom mbaok parang iek Art Brussels 2015, Bỉ. Ini lac mbang parang iek mỹ thuật đương đại angan je di dunya, thun ini tui kuhria pachreih hu 29.000 tuai damuai saong họa sĩ, urang duah pataom, po gallery...ngan saong rilo bruk parang iek,  trình diễn nghệ thuật đương đại, chiếu phim, tọa đàm./.