# Miunyim Dân tộc học Việt Nam hu danakdak bui mein biak karei dalam tuk padheih lễ 30-4 saong 1-5 dui atah 6 harei meng harei 28-4 tal  3-5. Danadak meda yaih khan tal bhapbini dom bruk ilimo bhapbini meng kan di rilo bhum yau : nghệ thuật tamia rối angaok thu di phường rối Minh Tân, Hải Phòng; nghệ thuật tamia rối ia di phường rối ia Nguyên Xá, Thái Bình. Gam saong dom kadha mein bhapbini di urang Kinh, Si La, Cao Lan yau meian klaik cờ, kéo co, quay chảo, lăn bưởi, ndik gheng, nao tatua tuan, nao goòng, nao cà kheo palao gai duh tame kalok …

# Mintri ililo saong padhih saong Công đoàn Viên chức Việt Nam barau mbaoh tangin tame pambuak bruk, patabik bruk sang thun 2015. Patui nan, dua gah meda pambuak bruk peih ngak dua nyaom biai pasram di HN atau Bắc Ninh saong di bhum Tấy Bắc ( tui kuhria di tỉnh Lào Cai di kreih bilan 9). Asal kadha pasram pataom tame bruk brei thau, pathau khan dom jalan adat, sarak barau di Đảng, adat hukum di karaja ka bruk dak padang sang dalam tukvak công nghiệp hóa, hiện đại hóa taneh ia ; danakdak dom bruk ngak di harei dunya haniem phuan yaok thun; kiến thức, kỹ năng dak padang sang trei sir, barau, haniem phuan…

# Ban Thường vụ Tỉnh ủy Nghệ An barau peih mbang nyaom asal kadha danakdak bruk pakacah paneh mẫu phác thảo tượng đài Xô viết Nghệ Tĩnh dalam danakdak : khik ramik saong patagok yaom inem mek Xô viết Nghệ Tĩnh.Tượng đài Xô viết Nghệ Tĩnh 1930-1931 hu padang di huyện Hưng Nguyên, labik rah tabiak bruk sajarah harei 12.9.1930, lac công trình ilimo, brei thau hatai pok je saong thau dar phor dom urang lin saong bhapbini ndih trun dalam tabung glaong Xô viết 1930-1931.

# Meng phun jien danakdak 30a di rajaei, huyện Vĩnh Thạnh, tỉnh Bình Định hu buh tame labaih 1,4 tỉ đồng padang ngak sang ilimo bhapbini palei Định Quang, xã Vĩnh Quang. Tui nan, sang ilamu nan hu padang pakat 4 di angaok taneh praong labaih 190m2, tabung tak kiak, pambang praong saong pambang thô ngak meng kayau. Bruk ba tame pandar sang ilimo palei Định Quang pabak  hu bruk taom gaok, ginum biai di bhapbnini puk palei.

# Ban sit Cần Thơ barau peih “harei pataom bhapbini Nam Bộ mbang yaka 4 thun 2015” ngan saong kadha “ Ahar bhapbini Nam Bộ pamaong tal bruk mbeik drei tame”. Harei pataom hu 100 gian hàng, dalam nan hu dom gian hàng di doanh nghiep dunya ngan saong labaih 100 janih pandap bhapbini saong 50 pandap mbang đặc sản di bhum dalam saong langiu taneh ia. Ini lac harei pok je dom yaom ilimo mengkan di pandap bhapbini saong yaom ilimo mbang menyum di gah meraong. Taphia nan, ngak jeng sa mblang mein, dom bruk ngak bhapbini hu makna lac labik taom gaok ilimo, brei thau hatai jum pataom di dom bangsa Kinh, Khmer, Chăm, Hoa di bhum taneran kraong Cửu Long. 

# Piah patagok kein laba di dom mô hình pambuak tal gah dak padang raidiuk ilimo saong sang di thun 2015 dalam tỉnh, Sở ilimo padhih saong du lich Lâm Đồng hu pilih ruah xã Lộc Thanh, ban sit Bảo Lộc piah patagbiak mô hình ilimo palei pala barau thun 2015. Yau nan, urak ini, dalam ban sit Bảo Lộc daok patabiak dua mô hình điểm di tỉnh di gah dak padang raidiuk ilimo saong sang, nan lac mô hình điểm : danakdak “ pathau khan, pato pakai đạo đức, bruk daok dang dalam sang VN tukvak 2010 – 2020” di phường Lộc Tiến saong danakdak “ ilimo palei pala barau ” di xã Lộc Thanh.

# Liveshow "Pahadar” di Nguyễn Ánh 9 meda rah tabiak di harei 16 saong 17-5 di Nhà hát praong (Hà Nội). Kadha njauk biai nan lac, danadak hu mbaok di dua 2 urang mein capi dương cầm yau caong khin di nhạc sĩ Nguyễn Ánh 9 saong dua urang anek ông gam hòa tấu.  Urang nhạc sĩ taha caong khin, khán giả HN hu maong sa melam nhạc biak siam, biak mekre meng hatung hatian, bruk thau dhar phuan di ông brei ka Hà Nội.