# Di labik du lịch Paradise, ban sit tasik Vũng Tàu barau rah tabiak Festival kalang pakat dunya thun 2015, ngan saong kadha “ par haong Việt Nam”. Festival mbang ini pachreih hu jaik 50 nghệ nhân mai meng dom taneh ia yau : Mỹ, Pháp, Australia, Nam Phi, Philippines, Thái Lan, Italia, New Zealand, Đài Loan, Indonesia… saong 44 nghệ nhân Việt Nam hu mbaok tame. Nghệ nhân Việt Nam hu yaih khan “ talang sáo tapa câu liêm”, janih talang hu angan  atah di ini  600 thun di bhapbini huyện Vũ Thư, tỉnh Thái Bình.  

# Harei pataom ragu daoh bhapbini Việt Nam bhum Bắc Trung bộ barau rah tabiak di ban sit Huế. 81 nghệ nhân di rilo bangsa adei saai hu : Pa Cô, Kinh, Bru-Vân Kiều, Khơ Mú…mai meng dom tỉnh Thừa Thiên – Huế, Quảng Bình, Hà Tĩnh saong Nghệ An hu mbaok tame parang me-in 13 kadha daoh bhapbini ndung bak ilimo bhum palei. Harei pataom ragu daoh  bhapbini VN lac mblang me-in kayua rayo papar binguk VN peih ngak 2 thun sa mbang piah khik ramik dom ragu daoh bhapbini meng kan, taphia nan lac labik piah dom nghệ nhân, nghệ sĩ mai meng dom bhum palei hu taom gaok gauk, duah thau yaom glaong gheih mekre dalam ilimo bangsa.

# Pahadar 125 thun harei menek Chủ tịch Hồ Chí Minh (19-5-1890 - 19-5-2015), miuyim sajarah ban raya Hồ Chí Minh peih bruk parang iek pandap klak roh duah 40 thun. Tapa nan yaih khan 250 pandap rilo janih. Dom pandap nan mek meng dom jabat khik ramik karja ngan saong rilo cổ khí rai  Minh Mạng, tượng thờ Bắc bộ, lan am meng kan Cù lao Chàm. Dom pandap meng khai quật khảo cổ học hu khai quật meng dom inem mek Rỏng Bàng (Hóc Môn), Hội Sơn (quận 9), Giồng Am, Giồng Phệt, Giồng Cá Vồ (Cần Giờ), lò gốm Hưng Lợi (quận 8)... Parang iek “Pandap klak roh duah 40 năm” hu peih tabiak raok tuai damuai meng ini tal abih bilan 10-2015. 

# Di huyện Đam Rông, tỉnh Lâm Đồng barau rah tabiak Harei pataom ilimo cồng chiêng tỉnh Lâm Đồng mbang yaka IX – 2015. Harei pataom cồng chiêng tỉnh Lâm Đồng mbang yaka IX hu mbaok 12 kapul dalam tỉnh ngan saong labaih 500 nghệ nhân lac urang bangsa asal di Tây Nguyên yau K’Ho, Mạ, Chu Ru, M’Nông. Harei pataom lac tuk piah bhapbini dom bangsa dalam tỉnh Lâm Đồng hu taom gaok gauk, patagok bruk jum pataom dalam bhapbini dom bangsa VN. 

# Akaok bilan 5 ini, bhapbini 4 ban praong di VN yau :  Huế, Đà Lạt, Hà Nội saong ban raya Hồ Chí Minh hu pang dom kadha di urang kumei ca sy - nhạc sĩ Marie Warnant. Nai lac sa dalam dom nghệ sy daok tagok di Wallonie-Bruxelles (Bỉ). Nao gam saong Nai dalam mbang lưu diễn ini hu nghệ sĩ trống Lê Quốc Hưng, tuai daa đặc biệt di danakdak .  

 # Puac bilan 4 meng blaoh, “ dom danh y “ hu rilo urang hu angan je di điện ảnh negar Hàn Quốc hu tabiak mbaok urang maong binguk dalam dalikan chreih chrai saong biak bahrau ka raidiuk di dom urang cuk ao  blousse. “Dom urang danh y” – “Media Top Team” lac dalikan ndom ka dom bác sỹ naih gheih di abih hu pilih ruah meng rilo bhum palei karei di gauk, mesruh piah ba mai bruk kì diệu di dom mbang mesruh quyền lực dalam sang iek ruak.