# Di baha Bái Đính - tỉnh Ninh Bình barau rah tabiak nyaom biai mbang yaka 2 UB peih ngak pakat dunya Đại lễ phật đản Vesak Liên Hợp Quốc 2014. Pataom mbaok tame nyaom biai hu 1.500 urang dang akaok dom Giáo hội hệ phái phat giao, dom Giáo sư, Tiến sĩ, học giả Phật giáo, dom phat tu di rilo gah phat giao mai meng 100 taneh ia, bhum taneh saong 8.500 urang tui agama Phật. Ngan saong kadha “ phat giao rik daong peih ngak hu dom bruk cakrok sa ribau thun di Lien hiep quoc”, dalam dom bruk di harei Đại lễ hu 5 mbang ginum biai alamu. Taphia nan, hu dom bruk parang iek ilimo phat giao Viet Nam, Nyaom darak ilimo – mbang menyum saong daoh tamia tap ky, pataom iek phim phat giao… Ini lac bruk prong rik daong paglaong labik dang di Phat giao Viet Nam angaok dunya, lac tukvak piah yaih khan palei negar urang Viet Nam.

# Di Ha Noi kalup kapul văn chương di Hội nha van Viet Nam barau peih bruk yaih khan baoh tapuk “ Mẫu Ỷ lan” di urang vak Ngo Ngoc Liễn. Urang vak baoh tapuk hu caik rilo blah piah vak ka amuk Ỷ lan, sa dalam dom urang kumei hu angan je praong dalam sararah bangsa. Amuk lac urang kak pagam saong bruk bình  Chiêm, phá Tống, khik hu taneh ia palei negar saong hu ba tabiak jalan ngak biak njauk nan lac padang Nho, pakhang Phật, padang takai gheng ka bruk cakrok khang kajap di taneh ia. Urang vak Ngô Ngọc Liễn brei thau : “Dahlak ruah bruk vak tieu thuyet sajarah, mek sajarah ngak got saong thau cambaih ka sajarah jeng lac bruk oh mbuan. Daok tieu thuyet tok pabak tame piah ba jalan tame dalikan piah menuac sia saong dam dara urang puac tapuk harei ini mboh hu sa saman sajarah hadah hadai di taneh ia tapa sa urang kak kajap saong rilo bruk praong di bangsa.

# Di Hà Nội, Trung ương kapul urang kumei Viet Nam barau peih bruk taom gaok jaik 100 urang jakar lac dom urang kumei vak bao, urang vak van, nghe sy hadah krah hu rikdaong, pataom tame pathau khan, yaih khan thaot binguk urang kumei Viet Nam saong jhul pakhang  bruk likei kumei samu gauk. Di var taom gaok nan, dom urang kumei vak văn, vak bao, nghe sy ndom lac, piah khik hu bruk likei kumei samu gauk saong bruk tien bo di urang kumei Viet Nam di anak tal, njuak pathram megru paglaong ilamu, pato pakai piah urang kumei pataom mbaok tame dak harei dak rilo dom bruk xa hoi, dang akaok dom pakat. Taphia nan, brei pabak saong pasiam dom sarak ka bảo ho lao dong, bảo hiểm xã hội, ndih tapui, chế độ ka urang kemei ngak bruk, pacang dom bruk taong paoh xâm hại ngak jhak tal urang kumei … amuk Nguyễn Thị Thanh Hòa, akaok kapul Liên hiệp urang kumei Việt Nam brei thau : “ dom urang kumei vak bao hu rik daong biak rilo ka taneh ia, ka bruk di urang kumei. Dom tac pham di dom saai brei thau rilo kadha di raidiuk ilimo xa hoi, oh lac iek praong bruk duah mboh, pok meyaom dom kadha barau, pok meyaom urang siam, bruk siam bo daok rik daong brei panuac phản biện dalam bruk ngak tui adat hukum, mesruh pacang quan lieu, tham nhung, jalan diukrai oh siam, rik daong biak rilo dalam bruk khik tani tanat chinh tri, xa hoi”.

# Viện roh duah xa hoi, kinh te saong Môi trường (ISEE) barau pambuak bruk saong miunyim tinh Đắc Lắc peih tal pathram megru paglaong ilamu ka dom urang vak daok ngak bruk dalam tinh ka bruk đa dạng hóa ilimo saong bruk karei di ilimo Êđê. Tapa roh duah labaih 500 bài báo tabiak meng thun 2004 tal 2008, ISEE mboh lac, rilo urang vak daok trak hatai sahneng ka bruk kan kathaot saong oh siam dalam bhum bangsa takik, nan ye vak ka oh njauk ka raidiuk ilimo di dom bhum bhapbini daok. Dalam 2 harei peih tal pathram nan, dom urang vak hu pabak brei dom khau tin, jalan maong iek ka ilimo di urang bangsa takik; nao tal puk palei piah thau tapak raidiuk, bruk ilimo, pala drak di bhapbini. Amuk Vũ Phương Thảo, iek gah truyền thông di Viện roh duah Xã hội, Kinh tế saong  Môi trường brei thau : Bruk di ISEE gam saong miunyim Đắc Lắc peih ngak danakdak ini  piah ka urang vak bao meda kadhun veik ha sit piah sahneng veik dom bruk bo drei daok maong urang bangsa takik. Drei meda  thau biak rilo ka raidiuk dom urang nan, min bruk drei taong yaom raidiuk nan hu njauk saong bruk bo urang sahaneng tal nyu atau lac bruk urang ngak hu makna  yau habar, drei thau halei oh. Ini lac jalan bo ISEE saong miunym Đắc Lắc caong  urang vak bao hu thau cambaih jang ka sap ndom di urang nan, sap ndom di urang bangsa takik saong meng di nan khan brei ka menuac sia thau lac urang bangsa takik daok sahneng hagait.  

   # Công ty Cổ phần Truyền thông Thanh Niên barau peih họp báo khan brei thau ka danakdak Duyên dáng Việt Nam mbang yaka 27 . “Duyên dáng Việt Nam” nan lac danakdak daoh tamia, thoi trang hu peih ngak yaok thun piah padang kadung jien bac Nguyễn Thái Bình di Báo Thanh Niên saong Kadung jien pato pakai urang naih gheih taneh ia Việt piah daong, ba mbuan lagaih dalam bruk bac megru ka dom sinh vien, anek saih pachreih bac  sang kan kandah dalam taneh ia. Thun ini, mbang camereip danakdak hu peih ngak di Da Nang piah salam uan 39 thun harei peih paha ban sit ini. Ngan saong kadha “Tình non nước”, Duyên dáng Việt Nam mbang yaka 27 ngan saong dom kadha daoh diuk miat tapa dom saman hu daoh meng dom urang daoh hu angan je meda rik daong pok meyaom dom yaom glaong ilimo di bhum taneh địa linh nhân kiệt Quảng Nam – Đà Nẵng.  Danakdak rah tabiak dalam dom harei 27 saong  28/3  di ban sit Đà Nẵng./.

          # Dalam tuk pahadar 60 thun jayak Điện Biên phủ (7/5/1954-7/5/2014), Công ty tapuk kỷ lục Việt Nam hu patabiak đồng Lộc kim Điện Biên Phủ (lac jien xu mạ ameh pahadar jayak Điện Biên Phủ). Đồng lộc kim Điện Biên Phủ   nan nyu gul vil, kích thước  45mm, sa gah sarak thaot binguk rup patau jayak Điện Biên Phủ saong sa gah sarak thaot binguk lubang  De Castries, ngak meng hợp kim xi mạ ameh caik dalam hop cactông cao cấp.  Ông Lê Trần Trường An , Tổng giám đốc Công ty tapuk kỷ lục VN brei thau : ini lac pandap daok dalam kadung duah pataom pandap alin hu 126 pandap lưu niệm bo Cty ong buh jien tame ngak piah ba tabiak rilo pandap brei ka tuai damuai blei ngak pandap alin, abih di nyu nan lac tuai taneh ia langiu, tapa nan, rik daong khan brei thau sa Việt Nam kaya meda ilimo mengkan, sajarah. Urak ini, lộc kim hu patabiak 56 mẫu pandap lưu niệm, pataom tame rilo di dom bruk, menuac urang sajarah saong thaot binguk dom  thắng cảnh angan je di VN. Dalam mbang ka 2 , meng ini tal thun 2016, brei patabiak 60 pandap tra piah khan tal tuai damuai dalam saong langiu taneh ia dom labik mekre hu angan, dom danh nhan di Biet Nam. Langiu di nan, piah kuhria caga pahadar 40 thun peih paha gah meraong yasa taneh ia, Công ty tapuk kỷ lục VN jeng yaih khan  4 đồng lộc kim ka 8 labik praong hu angan di ban raya Hồ Chí Minh yau uy mban bhapbini ban raya, miunyim sajarah, darak Bến Thành, darak Bình Tây, sang daoh ban raya… Các mẫu lộc kim ini hu mbaok di harei tapuk ban raya Ho Chi Minh mbang 8 peih tabiak di melam 24-3 tal.