Khawn tin 10h30 saong 14h30, harei 16-3-2015

# Tukvak pataom mbaok dalam nyaom biai  toàn cầu mbang ka klau ka bruk patrun patakik bala meng lingik tasik pak bal Sendai, Nhật Bản, harei 15/3, Phaok Akaok negar Nguyễn Thị Doan hu taduan raok Akaok mentri Ngoại giao Nhật Bản Ki-si-đa (Fumio Kishida). Phaok Akaok negar Nguyễn Thị Doan hu panuac ndua dhal phol bruk kham merat daong abih hatai di Nhật Bản tapa bruk pabak brei phun jien ODA dalam labaih 20 thun tapa, taphia di nan taong yaom glaong dom rik daong  di Akaok Mentri Ki-si-đa, urang urak ini lac Tổng thư ký Liên minh nghị sỹ hữu nghị Nhật-Việt, tame bruk patagok, pakajap talei rohim pambuak bruk nao mai di dua negar. 

# Tỉnh Quảng Bình daok samal parabha labaih 1.200 tấn brah hu rajaei daong patruh eik di tukvak cang yauk thun 2015, piah bhapbini dalam tinh tani tanat raidiuk, jhul khang patagok bruk pala drak. Piah khik caga daong patruh eik drak samal di tukvak cang yuak ini, So Lao động Thương binh saong Xã hội tỉnh njauk hatai saong  Cục padang piah Karja bhum Bình Trị Thiên, kham merat ngak ka nyu blaoh bruk daong nan dahlau di harei 1bilan 4 tal.

# Ủy ban Bhap bani tỉnh Khánh Hòa bahrau peih bruk padang ngak jalan par ka 2- Mblang kapal haok dunya Cam Ranh, pak bal Cam Ranh, tỉnh Khánh Hòa. Phaok Thủ tướng Hoàng Trung Hải hu mbaok saong tabiak lệnh padang ngak. Phaok Thủ tướng ndom lac: Piah ka jalan par ka dua samar ngak salah blaoh saong ba tame pandar, po buh jien tame, urang thầu gam haong dom jabat hu pambuak pagam tal njauk pambuak bruk haong gauk biak cambaih, peih ngak siam dom bruk hu mboh tangin sanya blaoh dalam dự án. Phaok Thủ tướng Hoàng Trung Hải ndom lac: “Bruk padang ngak jalan par ka 2 hu jeng bruk njauk ngak chip piah kol drei ngak siam cơ sở hạ tầng di cảng Hàng không dunya Cam Ranh saong khik caga hu bruk tui quy hoạch hu mboh tangin blaoh; taphia di nan, pabak hu bruk khik caga an ninh quốc phòng  saong duh ka bruk cakrok patagok kinh tế xã hội puk palei, patagok hu dom kein lagaih di Khánh Hòa jeng yau di taong abih dom tỉnh bhum kreh negar saong Tây Nguyên.

  # Jaik 3.000 anek saih dom sang bac pakat 3 di ban sit Da Nang saong Quang Nam gam pataom tame danakdak Tư vấn tuyển sinh – tacei pato bruk ngak thun 2015 rah tabiak di ban sit Đà Nẵng. Rilo tavak tavaiy di anek saih pambuak tal bruk tuyển sinh Đại học, Cao đẳng thun ini jeng hu dom chuyên gia, dom gru pato langyah tapak cambaih di dom labik tư vấn ... Adei Nguyễn Minh Quỳnh Giao, anek saih tan bac 12B2 sang bac pakat 3 chuyên Lê Quí Đôn ban sit Da Nang brei thau :” Dahlak hu rilo tangi sua ka đề thi, bruk nap harak hồ sơ, cụm thi, bruk pasang iek điểm atau bruk gam pakacah tốt nghiệp gam pakacah đại học yau ini, dahlak oh thau lac drei hu pasang iek điểm pakacah yaok môn yau habal…danakdak tư vấn, tuyển sinh yau ini meda langyah hu dom bruk duh hatai, tavak tavaiy di amaik ame saong anek saih…

# Tui Mban tacei pato danak dak pakat negar padang ngak palei pala bahrau tỉnh Sóc Trăng, bruk padang ngak palei pala bahrau pak dom puk palei dalam tukvak tapa hu ralo salih bahrau biak siam. Mai meng bruk sangka saong patom tame tacei pato dom asal kadha praong bo bruk padang ngak di dom xã tagok glaong hu mbaoh di anek meta. Tal urak ini, tỉnh hu blaoh 5 xã mek hu chuẩn palei pala bahrau saong hu 4 xã  ngak salah blaoh 19 tiêu chí daok pok harak hồ sơ thẩm định. Mbaok meta palei pala bahrau hu salih bahrau, rai diuk di mikva dak harei dak patagok, điều kiện hưởng thụ di bhap bani bhum atah bayah, bhum urang bangsa takik hu ralo salih bahrau. 

# Di ban sit Rạch Giá, Ủy ban bhapbini tỉnh Kiên Giang barau peih  mittinh tabiak bruk pachreih tui adit negar siam mekre, hacih saat bruk ngak saong pacang caga patuh ghuah mbang yaka 17. Lambaok akaok tinh, dom jabat, saong urang ngak di 127 công ty, doanh nghiệp, cơ sở pablei salih dalam tinh pataom tame. Ngan saong kadha “ yaok doanh nghiep, urang ngak chu dong dom bruk pacang caga bala dalam tuk ngak bruk” dom gah chuc nang meda pagalong bruk pathau khan adat hukum ka an toan hacih saat bruk ngak saong pacang caga ghuah patuh, abih di nyu nan lac di dom doanh nghiep ngak bruk trak,  độc hạị.

# Salam uan 40 thun Harei gah meraong peih paha, yasa taneh aia (30-4-1975 - 30-4-2015) saong piah patui veik peih ngak mbang jak ba “Taong abih bhap bani pathram me-in padhih tui Wa Ho prong glaong", tỉnh Tiền Giang bahrau peih lễ khai mạc Giải  Billiards & Snooker Vô địch Pakat negar (vòng 1) thun 2015.  Giải thể thao ini rah tabiak meng ini tal abih harei 25-3, thu hút labaih 600 vận động viên nan lac dom tay cơ dang akaok mai meng 22 kapul nyaom di dom tỉnh, bal, ngành dalam negar hu mbaok tame.

 Khau tin dunya

# Dua sruh kapal ahaok di kapul kapal ahaok biểu diễn di  Inđônêsia barau gaok seok gauk di angaok lingik saong laik trun haluk dalam tuk parsam piah kuhria caga ka sa var parang iek gah kapal haok rah tabiak di Malaixia adit tal. Tui khaw tin, 4 phi công di dua sruh kapal ahaok njauk bala hu nhảy dù tabiak langiu dahlau di tuk kapal ahaok lihik kiểm soát saong par trun haluk hu siam mekre. Sa baok sang saong sa sruh ô tô patuh ghauh tuk mảnh vỡ di dua sruh kapal ahaok laik trun. 

# Pasak Kiểm soát saong Pacang caga jit ruak Mỹ brei thau, takik abih 10 urang Mỹ daok njauk njaom mbak vi-rút  Ê-bô-la tuk daok ngak bruk pak negar saong labik hu jit Xi-ê-ra Lê-ôn. Dom urang ini hu ba mai veik negar Mỹ meng sa mbang par biak karei saong meda patui veik bruk mong iek, điều trị cách ly pak pasak y tế Đại học Nê-ra-xa-ca (Nebraska) pak Ô-ma-ha, Viện y tế negar (NIH) pak Ma-ri-len (Maryland) atau Sang iek ruak đại học Ê-mô-ry (Emory) pak Át-lan-ta (Atlanta).

# Karja tỉnh An Huy, Trung Quốc brei thau: Takik di abih 2 urang metai saong 13 urang karei bị thương dalam sa mbang megaiy taneh khang  4,3 độ rích-te  rah tabiak di ban Phụ Dương, tỉnh ini. Mbang megaiy taneh rah tabiak di tukvak 9 tuk melam. Tâm chấn di mbang megaiy taneh daok dalam 10 km. Tui kuhria mboh di tuk camereip, mbang megaiy taneh ngak ka labaih 41 rabau urang saong ngak khut labaih 10 rabau baok sang di bhapbini.