# Biar harei 19/1, pak Jabat Raja-ei, Thủ tướng Nguyễn Tấn Dũng hu taduan raok Akaok Mentri Thương mại saong pambuak bruk patagok Đan Mạch Mogens Jensen daok rivang saong ngak bruk pak Việt Nam. Akaok Mentri Mogens Jensen khang panuac lac Đan Mạch tuk halei jeng iek prong bruk cakrok patagok talei rohim pambuak bruk haong Việt Nam angaok dom gah; taphia di nan khang panuac ndom tal dua bruk hu dua negar mboh tangin sanya blaoh dalam thun 2013, dua gah hu ngak jeng sa jalan khang piah ba talei pambuak bruk nao mai di dua gah tagok glaong jang.

# Thủ tướng rajaei barau brei adat ba tame ngak danakdak miunyim  Thiên nhiên Việt Nam. Labik padang miunyim Thiên nhiên Việt Nam di labik đô thị sinh thái Quốc Oai, dalam xã Liệp Tuyết, Ngọc Liệp và Ngọc Mỹ, huyện Quốc Oai, ban ine Hà Nội; atau labik palei ilimo – ravang mein dom bangsa Việt Nam, Đồng Mô, ban sit Sơn Tây, ban ine Hà Nội. Danakdak hu padang ngak di angaok mblang taneh praong 32 ha.

# Harei 19/1, ala bruk pal akaok di Akaok Quốc hội Nguyễn Sinh Hùng, Ủy ban Thường vụ Quốc hội peih mbang nyaom ka 34. Mbang nyaom ini,  Ủy ban Thường vụ Quốc hội caik ralo tukvak ka bruk  padang ngak adat hukum. Brei panuac ka dự án Hukum nghĩa vụ quân sự (pasiam veik), dom urang dalam Ủy ban thường vụ Quốc hội daok hu panuac karei di gauk ka quy định tạm hoãn iew nhập ngũ ka sinh viên đại học hệ chính quy...

# Mintri Lao động Thương binh saong Xã hội, dom puk palei bhum Tây Bắc njauk pasang iek, ramik pasiam dom sarak ka bruk ba urang ngak taabiak ngak di taneh ia langiu saong patrun kan kathaot, ba tabiak dom jalan ngak piah jhul pakhang bruk ba urang ngak tabiak ngak bruk di taneh ia langiu, pato bruk paglaong raidiuk ka bhapbini, abih di nyu nan lac bhapbini bangsa takik dalam bhum. Nan lac tacei pato di uy vien mintri chinh tri, phaok  Thủ tướng Nguyễn Xuân Phúc- akaok mban tacei pato Tây Bắc di nyaom biai taong yaom bruk peih ngak sarak ba urang ngak tabiak ngak bruk di taneh ia langiu, pato bruk saong patruh kan kathaot di dom huyen kan kathaot rah tabiak harei kabroi  19/1, di tỉnh Lào Cai. 

# Mentri pato megru brei thau, gam haong dom chuyên gia saong urang khoa học, danak dak saong tapuk giáo khoa bahrau bo Mentri daok ngak meda hu gru pato phổ thông hu mbaok tame gam ngak. Jalan ngak ini di Mentri pato megru  taduan hu ralo panuac njauk hatai di gru pato phổ thông saong chuyên gia gah pato megru.

# Ngak tui quy dinh di mintri giao thông Vận tải ka bruk salih harak adat ndik radaih meng ba ar tapa harak adat ndik radaih meng nhựa, urak ini, Sở Giao thông Vận tải tỉnh Gia Lai salih hu labaih 45.000 harak adat ndik radaih. Tapa nan, gah chức năng mboh hu 108 urang pandar harak adat ndik radaih ja, dalam nan hu 87 harak ndik radaih mô tô saong 21 harak ndik radaih ô tô.   Ông Nguyễn Hữu Quế-  Phó akaok  Sở Giao thông vận tải tỉnh Gia Lai brei thau :  “Tapa nan, piah ka bhapbini thau lac, piah hu brei harak adat ndik radaih njauk hukum, brei tame bac saong sát hạch. Taphia di nan, ngan saong bhapbini bhum atah bayah , bhum bangsa takik, dom labik pakacah hu pachreih tui kadha ieu lac di Sở, hu trun takik jien pato pakai meng 100.000 đồng trun daok 50.000đồng.”

# Melam 19/1 pak bal sit Gành Hào, huyện Đông Hải, tỉnh Bạc Liêu, Pasak roh duah pablei salih saong daong ba doanh nghiệp (BSA) pambuak haong Sở Công thương peih mbang nyaom darak “Pandap Việt mai palei pala”. Ini lac mbang nyaom darak akaok meti dalam thun 2015, hu mbaok 30 doanh nghiệp saong jaik 40 gian hàng. Ong Lê Minh Quân- Akaok Dự án patagok darak pasar di palei pala dalam Pasak roh duah pablei salih saong daong ba Doanh nghiệp brei thau: “Puk palei jeng caong khin mbang nyaom darak ini ba dom janih pandap siam abih di dom doanh nghiệp ngak tabiak piah pablei ka urang blei pandar dalam tuk Tết nguyện đán anak tal. Tui kuhria dalam thun 2015, pasak BSA brei peih ngak 24 mbang nyaom darak di dom bhum palei miền Tây, miền Đông, cao nguyên saong miền Trung piah daong ka dom doanh nghiệp hu hatai caong khin patagok darak pasar di dom bhum palei”.

Khaw tin dunya

#  Pagaiy 19/1, di ban ine Viên-chăn (Vientiane), mintri Quốc phòng Lào hu peih mít tinh praong prang pahadar 66 thun harei padang bol bala bhapbini Lào (20/1/1949-20/1/2015). Thiếu tướng Vị-lay Lạ-khăm-phong hadar veik dom bruk nghĩa tình di bol bala dua taneh ia Việt Nam-Lào dalam dua mbang mesruh metak daong taneh ia, taphia nan, brei panuac thau dhar phuan tal bol bala bhapbini VN adei saai hu rik daong tame bruk mesruh metak yasa bangsa dahlau thiah saong khik caga, patagok taneh ia harei ini.

# Dom urang điều tra Inđônêxia harei 19/1 brei thau, tal harei ini oh ka hu  kadha halei brei mboh lac hu khủng bố dalam mbang laik kapal haok pajeng 162 urang saong phi hành đoàn di hãng kapal haok AirAsia. Dom kadha jeng tacei tabiak lac, oh hu mbang patuh halei rah tabiak dahlau di tuk sruh kapal haok nan laik trun tasik.

# Akaok mintri dầu mỏ Iran Bidan Danganê (Bijan Zanganeh) barau brei thau, ong caong lac OPEC brei  trun takik sản lượng menhek piah pacang bruk yaom menhek trun khang.  Ông Danganê mboh lac, dom taneh ia di  OPEC saong oh daok dalam  OPEC  meda pambuak bruk haong gauk piah khik veik bruk cân bằng di darak pasal menhek.