# Biar harei 21/1, pak jabat raja-ei, Thủ tướng Nguyễn Tấn Dũng hu taduan raok ong Rajendra Pachauri, akaok Ủy ban Liên chính phủ ka biến đổi khí hậu di Liên hợp quốc daok hu mbang rivang, ngak bruk pak Việt Nam. Ong Rajendra Pachauri khang panuac lac Ủy ban liên Chính phủ ka biến đổi khí hậu di  Liên hợp quốc tuk halei jeng nao gam haong Việt Nam dalam bruk kham merat pacang caga biến đổi khí hậu, aia tasik tagok glaong jang yau dalam pacang caga dom hiện tượng thiện nhiên cực đoan karei kayua biến đổi khí hậu ba mai.

# Meng 16 tuk bair harei kabroi 21/1, yaom xang menhek trun khang, trun hu 1.900 đồng/lít. Ini lac mbang ka 2 yaom xang menhek trun khang dalam 30 harei. Dalam labaih 20 harei akaok thun barau 2015, yaom xang trun hu dua mbang. Yau nan, xăng RON 92 yaom 15.677 đồng/lít; menhek dieezen 0,05S yaom 15.179 đồng/lít; menhek truac yaom 15.620 đồng/lít; menhek madút 180CST 3,5S  yaom 11.856 đồng/kg.

/Mintri Jien padai khan lac, brei khik tamo yaom kak je xăng menyek blei tame meng negar lingiu piah caik ka bruk patrun yaom xăng menyek, daong patrun dom chi phí đầu vào di nền kinh tế. Tui nan, dom janih xăng, menyek truac, menyek madut jeng brei kak je yaom 35%, menyek diezel, kak je yaom 30%, xăng kapal baok kak je yaom 25%.

# Pagaiy 21/1, mintri Y tế hu peih nyaom biai tapak haong 63 tỉnh ban patabiak bruk y te thun 2015 saong jalan ngak tukvak 2016 – 2020. Mai pataom mbaok saong brei panuac tacei pato di nyaom biai, hu Phó Thủ tướng Vũ Đức Đam.   Thun 2015, gah y te ba tbiak 12 danakdak ngak bruk praong, dalam nan praong di abih lac jhul samal bruk padang ngak sang iek ruak, parabha kadung jien saong pandar 15%  yaom jien iek ruak piah buh tame ngak pasiam labik iek ruak, parilo laneing ruak, rik daong  trun takik bruk urang ruak njauk ndih pagam; jhul khang bruk ngak di jalan talei pandiak, ramik pasiam palagaih thủ tục iek ruak. Phó thủ tướng pandar gah y te njauk ngak siam jang bruk iek ruak, pabak tanut taong yaom sang iek ruak saong tacei pato iek ruak, jhul khang cải cách hành chính saong khang jang dalam bruk giảm tải sang iek ruak. Phó Thủ tướng Vũ Đức Đam ndom lac :“Dahlak caong kol drei iek veik dom makna chủ quan (oh njauk pambuak tal bruk kurang jien đầu tư) bo ba tal quá tải. Pagap ye, bruk kan kandah dalam bayan bao hiem, bruk  xã hội hóa, bruk daom sang iek ruak oh ginum biai haong gauk hu ngak ka urang ruak njauk iek ruak rilo jang, iek nao iek mai..dom makna oh njauk lac kayua kurang jien, dom bruk kol drei meda ngak hu piah trun takik lac njauk pataom tame peih ngak khang saong njauk ngak meng dom chỉ tiêu biak cambaih piah ba tbaiak khan haong bhapbini.

#  Sang mac xử lý chất thải rắn pak pulao Lý Sơn, tỉnh Quảng Ngãi bahrau nduac iek saong mboh hu siam mekre. Ini lac Sang mac xử lý hareik thải rắn akaok mereip di huyện pulao Lý Sơn hu Mentri Tài nguyên saong Môi trường buh tame labaih 30 tỷ đồng, padang ngak angaok mblang taneh 2ha. Tuk ba tame pandar biak, sang mac ini meda ngak brei pasiam alam môi trường, cảnh quan angaok pulao Lý Sơn daok mbuan njauk ô nhiễm trak kayua hareik thải sinh hoạt.

# Di ban raya Hồ Chí Minh, bair harei kabroi 21/1, Uỷ ban An toàn Giao thông negar pambuak bruk saong  Cục Hàng không Việt Nam peih ginum biai: ilimo hàng không. Ông Khuất Việt Hùng, Phó akaok Uỷ ban An toàn Giao thông negar ndom lac : brk khik caga an toàn hàng không saong dak padang ilimo tuk halei jeng lac trách nhiệm saong bruk praong dang akaok di dom gah chức trách hàng không haong di dom labik dalam ngành. Uỷ ban An toàn Giao thông negar meda brei padang bruk paglaong akaok sahaneng ka ilimo  an toàn hàng không tukvak 2015 – 2020, yam tagok tal dom bruk ngak “ oh hu bruk suan halei lac suan sit, sa bruk njauk bala lac biak rilo” haong oh tự mãn, chủ quan, oh thoả hiệp ka an toàn hàng không kayua makna halei nan.

# Tui dom urang pala kruac bung pak huyện Kế Sách, tỉnh Sóc Trăng, urak ini yaom dua janih kruac bung Năm Roi saong kalik hijao daok di tanut glaong. Tui nan, kruac bung kalik hijao daok hu urang blei salih duah blei, mboh tangin sanya haong sang bein blei yaom meng 50.000 - 60.000 đồng sa kg, saong meng 43.000 - 50.000 đồng ngan haong kruac bung Năm Roi, glaong jang meng 15 - 20% dut haong tukvak ini thun dahlau. Tui kuhria dahlau, yaom kruac bung daok tagok jang dalam tukvak anak tal. Urak ini dom sang bein daok mong iek bein kruac bung di drei ngak habar nyu brei baoh chất lượng, mẫu mã siam abih piah pablei dalam tut tết.

Khaw tin dunya

# Bair harei  21/1, di pasak nyaom biai dunya, uy mban 2 rajaei  Việt Nam – Lào peih mbang nyaom yaka 37.  Tamat mbang nyaom, dua gah hu njauk gauk mbaoh tamgin tame Hiệp định ka talei pambuak bruk dua gah thun 2015 saong harak mbang nyaom yaka 37. Dua gah hu brei thau hatai kham merat pambuak bruk peih ngak dom van kien ini di tukvak tal, gam pamaong tal bruk paglaong saong khik kajap talei pambuak bruk siam mekre meng kan saong jum pataom Việt Nam-Lào. Duah gah njauk hatai gauk Salih angan  Ủy ban 2 rajaei pambuak bruk kinh te, ilimo saong kỹ thuật di dua taneh ia jeng Ủy ban 2 rajaei ka talei pambuak bruk dua gah di rajaei Việt Nam saong rajaei taneh ia Cộng hòa Dân chủ bhapbini Lào.

# Mỹ saong Cuba bahrau tamat mabng ginum biai akaok meti dalam  ginum biai ka bruk nhập cư. Kapul ngoại giao pakat glaong abih di Mỹ dalam jaik 40 thun tapa hu mai tal Cuba harei kabroi 21/1, pataom tame ginum biai bruk nhập cư saong pasiam veik talei rohim di dua negar. Van ngak bruk  harei 21/1 hu mong yau sa mbang nyaom dakrai sajarah ka bruk nhập cư di Mỹ saong Cuba.

# Thủ tướng Pháp Ma-nu-en Van (Manuel Valls) harei 21/1 brei thau, taneh ia ini meda buh tabiak 425 triệu ơrô ka kapul an ninh piah pacang cakak dom mbang taong khủng bố rah tabiak di taneh ia Pháp saong brei parilo urang an ninh barau iek gah pacang caga Hồi giáo cực đoan. Bruk ngak ini di Pháp ba tbaiak dua adit hadei mbang taong khủng bố saong cap mek con tin di ban Paris, ngak 17 urang metai.