# Tổng cục jalan mbak Việt Nam bahrau brei padang klau kapul nao pasang iek bruk khik caga an toàn giao thông tukvak Tết Nguyên đán saong bilan lễ hội xuân Ất Mùi. Tui nan, bhum gah barak peih bruk pasang iek meng harei 2-2 tal harei 6-2; gah kreh negar hu rabha jeng dua mbang (meng harei 19-1 tal harei 22-1 saong meng harei 23-1 tal harei 28-1); gah meraong meng harei  19-1 tal harei 22-1. Bruk pasang iek pataom tame bruk ngak di dom  jabat pambuak pagam tal, chấn chỉnh nhà thầu padang ngak oh ka ngak ginup dom bruk piah khik caga an toàn giao thông. Taphia di nan, pasang iek, xử lý bruk pajeng trak jang, pajeng rilo jang saong kích thước thùng hàng; khik iek bruk pajeng ba tuai damuai meng radaih ô-tô.

# Tổng công ty Hàng không Việt Nam (Vietnam Airlines) barau brei thau, kayua mblang kapal haok Plây Cu, tỉnh Gia Lai daok ramik pasiam jalan trun – tagok, mblang pataok kapal ahaok, hãng brei ramik veik tuk par di dom sruh kapal haok par di Hà Nội, ban raya Hồ Chí Minh saong Plây Cu di tuk harei. Tukvak rami ramik veik ini meng harei 28-1 tal 15-3. Dom mbang par di bilan 1 hu peih tabiak dahlau 16 tuk meteh; dalam bilan 2 saong bilan 3 peih par dahlau 17 tuk yaok harei.

# Urak ini, karja puk palei bhum Taneran kraong Cửu Long daok pataom pren yava tame bruk kuhria caga Tết Ất Mùi ka bhap bani, abih di nyu lac dom urang kathaot, hu rai diuk kan kandah. Dom puk palei jak ba pren yava pak di labik piah daong ka urang kathaot dalam tukvak Tết, taphia di nan peih bruk nao rivang alin pandap. Ong Nguyễn Phong Quang, Phaok Akaok ban thường trực Ban tacei pato Tây Nam bộ brei thau tal urak ini Ban tacei pato Tây Nam bộ hu jak ba dom jabat, ban ngành, mạnh thường quân dom tỉnh piah alin brei 1300 pok pandap Tết ka baoh sang kathaot, baoh sang sarak karja di puk palei dalam bhum taneran kraong Cửu Long. Yaok pok pandap Tết hu yaom sa triệu đồng.

 # Daok dalam danakdak jalan menhek 22 kV dui jalan menyek di negar meng mbaok haluk tabiak xã Hòn Tre, huyện đảo Kiên Hải, Công ty trách nhiệm hữu hạn sa thành viên dak padang điện 2, dhar 6 hu peih bruk dui jalan menhek meng mbaok haluk tabiak xã đảo Hòn Tre. Ini lac sa dalam 3  pok thầu praong di danakdak. Đoạn  akaok mereip hu dui meng  trụ ka 17 tal trụ 27 saong atah 5,2 km. Dom gang menyek glaong hu kuhria meng mbaok ia tasik saong mbaok haluk  lac 40 mét. Piah kapal, gilai mbuan lagaih nao mai, gang menyek daok di greih tasik glaong jang dom gang karei 10 mét.

 # Tui ong Nguyễn Phong Quang, Phaok akaok ban Thường trực Ban tacei pato Tây Nam bộ: Dalam danak dak Tết brei ka urang kathaot "Xuân yêu thương" meda rah tabiak pak bal Cần Thơ dalam melam 10/2, Ban tổ chức meda pok brei labaih 12 tỷ đồng ka dom baoh sang kathaot, dom urang jakar, chiến sĩ labik tapen negar, pulao tasik bhum taneran kraong Cửu Long uan raok Tết Nguyên đán Ất Mùi. Ini lac bruk ngak hu makna biak dalam brei mboh bruk sangka di Đảng saong Karja ngan haong urang kathaot, daong ka urang kathaot hu rai diuk kan kandah hu mbang Tết bui sambai, haniem phol.  

# Pasiam bruk ieu pataom njauk saong cơ cấu tín dụng, jhul khang tín dụng di dom gah njauk ngak dahlau saong peih praong patagok pambuak pagam saong pasang iek paglaong chat luong lac 3 jalan ngak bo uy mban bhapbini tinh Vinh Long tacei brei ngak dalam nyaom biai harei 22/1 ginum biai bruk talaih kan kandah dalam bruk tín dụng ngân hàng thun 2015. 

Khaw tin dunya

#Tui Tân Hoa xã, hu yam tagok dua ban Sydney saong  Adelaide (A-đê-lai-đơ) di Australia  piah jeng ban njauk diuk rai abih di dunya tui sa bruk pasang iek barau hu ba tabiak harei 22/1 kayua Gah tư vấn quản lý nhân sự quốc tế ECA International peh ngak. Ini lac mbang yaka 16, Singapore  taduan mek hu angan je ini.

# Gilang pariak Hàn Quốc (BOK) harei 23/1 brei thau nền kinh tế negar ini dalam quý IV/2014 tok tagok 0,4% dut haong quý dahlau saong lac tanut tagok biar abih kuhria meng quý III/2012. Pablei tabiak negar langiu, jien phun meblah jaik sa meteh dalam nền kinh tế Hàn Quốc, trun 0,3% dalam tukvak ini saong lac quý ka dua gam gam. Bruk nan ngak brei duh hatai tal khả năng pasiam veik di kinh tế Hàn Quốc, yaom lac jien laba jeng daok hu khik tamo di tanut biar abih nan lac 2%. 

# Indonesia kham merat ba tabiak rilo jalan piah yaih khan dom pandap dalam taneh ia tabiak darak pasal taneh Ia langiu, abih di nyu nan lac duah jalan tame darak pasal ka gah kinh te tu nhan di taneh ia ini. Tui nan, dom jabat lambaok ka Indonesia  di taneh ia langiu meda pataom tame bruk ngak ini meng bruk khan brei dom doanh nghiep thau saong daong doanh nghiep ba pandap tabiak darak pasal nan./.