khaw tin 10h30 & 14h30 harei 2-6-2015

     # Bair harei kabroi 1/6,  Tổng Bí thư Nguyễn Phú Trọng hu taduan raok kapul mintri Quốc phòng Hoa Kỳ kayua akaok mintri Quốc phòng A-stơn Ca-tơ par akaok daok ravang VN. Tổng Bí thư paok meyaom talei pambuak bruk di karja, Quốc hội saong rilo kapul, menuac urang Hoa Kỳ dalam bruk pataom tame langyah dom khut khat di mesruh metak; taphia nan jeng pok meyaom talei pambuak bruk di mintri Quốc phòng Hoa Kỳ saong mintri Quốc phòng Việt Nam, dalam nan hu bruk duah bom mìn, tẩy độc alam môi trường, daong nhân đạo saong duah urang lin  lahik .

/ Jeng dalam biar harei kabroi, akaok negar ong Trương Tấn Sang hu taduan rok ong Ashton Carter, akaok mintri QP Mỹ mai rivang saong ngak bruk mbang camereip di VN. Akaok negar ndom lac dua gah brei hu dom bruk ngak cambaih laih yau tamat TPP, klak taong abih lệnh cấm vận vũ khí sát thương ngan saong VN. Ginum meyai ka bruk Biển Đông, akaok negar ndom lac: bruk cagar daluan di jalan 9 đoạn daok ngak ka bruk Biển Đông kan kandah jang, VN pok meyaom taong abih dom taneh ia pachreih tui jalan ngak di VN saong ASEAN dalam bruk langyah dom merak gauk barau tamuh tabiak di Biển Đông. 

# Dalam mbang ravang Algeria, Thủ tướng Nguyễn Tấn Dũng hu taom gaok akaok Thượng viện Abdelkader Bensalah. Thủ tướng Nguyễn Tấn Dũng caong khin paglaong jang talei pambuak bruk di dom gah saong Algeria, abih di nyu nan lac kinh tế, pablei salih saong  đầu tư, samu saong tiềm năng, talei pambuak bruk siam mekre saong caong khin di dua gah.

 / Harei 1/6, Thứ trưởng mintri y tế Nguyễn Thanh Long gam saong urang jakar kadung jien daong ka urang njom HIV/AIDS saong kapul pacang cakak AIDS VN hu mai rivang saong alin hadiah pandap yaom labaih 30 triệu đồng ka 77 uranaih metui medhua, njom HIV di pasak iek ruak Giáo dục lao động XH II daok di Ba Vì, HN. Urak ini, dalam taneh ia duah mboh labaih 4000 uranaih njom HIV/AIDS. Mintri y tế sanya taong abih dom kamuan ini hu iek ruak chip meng jru ARV.

 # Meng harei 2 tal 5/6, “Cúp caoh blaong bhapbini di Việt Nam mbang yaka  3, 2015”  hu peih pakak di ban sit Huế, hu mbaok 3.533 vận động viên.  Urang hu mbaok tame  Cúp mbang ini lac dom anek saih umo 12 saong  15 di dom sang bac pakat 1, sang bac pakat 2 abih di nyu nan lac uranaih jaoh jo, sup meta, tangaoh, thiểu năng trí tuệ; uranaih di dom pasak bảo trợ xã hội di tỉnh Thừa Thiên Huế saong dom palei uranaih SOS dalam taneh ia. Abih di nyu nan lac thun ini hu mbaok  14 kapul caoh blaong daa mai meng Tiền Giang, Trà Vinh, ban raya Hồ Chí Minh ...saong dom kapul caoh blaong mai meng taneh ia Lào 

/ Harei 1/6, Ban trị sự Giáo hội phật giáo tỉnh Kiên Giang hu peih bruk uan harei phật đản 2015 – phật lịch 2559, hu mbaok  yaok ribau tăng ni, phật tử saong bhap bini dalam tỉnh. Tuk ini jeng rah tabiak dom adat yau: niệm phật, ngak adat đại lễ phật đản; taong ginang bát nhã rok lễ đản sanh, pok bingu paling phật đản, palao cim katrau likau sron mbon.

# Anak bruk 5 radaih pajeng tuai Bắc- Nam  nao mai di jalan Hồ Chí Minh, canah jalan nao tapa  xã Đắc Môn, huyện Đắc Glei tỉnh Kon Tum gaok glam patau ngak ka tuai damuai huac kanda, mbuan ba tal bala jalan mbak, Ủy ban  bhapbini  huyện Đắc Glei, tỉnh Kon Tum hu công văn khẩn pandar Công an huyện dang tabiak pambuak bruk saong Ủy ban bhapbini xã Đắc Môn peih bruk pasang iek, duah tabiak dom urang glam patau. Bruk pasang iek, duah thau njauk ngak blaoh blai saong pathau tagok uy mban bhapbini huyen suai abih di harei 4/6. Taphia nan pandar dom xã di canah jalan Hồ Chí Minh, hu Đắc Man, Đắc Pét, thị trấn Đắc Glei, Đắc K’roong saong  Đắc Môn peih bruk dut iek, caga samal bruk glam patau tagok ridaih tuai piah khik caga siam mekre ka tuai, urang ndik radaih saong drap ar di doanh nghiệp tuk nao mai di jalan Hồ Chí Minh labik tapa dom p;uk palei nan.

Patui di ini dom khau tin dunya:

/ Menyek pablei tabiak negar langiu di Irac dalam bilan 5 glaong di abih dalam dom abhap tapa. Mintri menyek Irac harei kabroi brei thau, menyek pablei tabiak negar langiu dalam bilan 5 nan lac 3 triệu 145 ribau thùng menyek yaok harei saong pablei tabiak negar langiu dalam bilan abih tih 97 triệu 504 ribau thùng menyek. Menyek pablei tabiak negar langiu dalam bilan 5 hu ba mai ka Irac 5 tỷ đô la Mỹ, ngan saong yaom pablei 55 đô la sa thùng. Thun 2014, Irac pablei tabiak negar langiu abih tih 918 triệu 114 ribau thùng menyek. Jien mek tame di Irac pagam pambak 90% tame bruk pablei menyek tabiak negar langiu.

# Meng harei 25 tal harei 31/5, di pasak pablei salih Ô-xtu-xê-va (Ostuzheva)–47, ban Vô-rôn-nê (Voronezh) Liên bang Nga, hu rah tabiak mbang parang iek “ kayua tasik pulao palei negar”. Ini lac danakdak kayua Kapul urang VN pambuak bruk saong Kapul lưu học sinh Việt Nam di Vô-rôn-nê peih ngak, taphia nan jeng lac bruk ngak peih akaok ka dom bruk ngak yaok thun di bhapbini urang VN daok di Vô-rôn-nê pamaong ka bhum palei, taneh ia. Parang iek labaih 100 blah thaot binguk saong rup cih jak ba ka raidiuk urang lin saong bhap bini di pulao Trường Sa di Việt Nam angaok Biển Đông, ka bruk gheih mekre di tasik pulao VN saong dom bruk ngak di Kapul urang kiều bào di Trường Sa thun 2015. 

/ Mintri ngoại giao Nga harei kabroi brei thau, Mát-xcơ-va halan hatian peih praong danh sách oh brei nao mai saong dom urang ngak praong liên minh châu Âu meyah Phương Tây tagok số lượng gah urang ngak praong Nga dalam danh sách juk di drei. Panuac nan jeng ndom lac, gah Nga meda klak danh sách oh brei nao mai ini meyah phương tây ngak yau nan. Brei panuac dalam mbang phỏng vấn angaok rayo papar sap Nga, urang brei panuac di mintri ngoại giaoMa-ri-a Za-kha-rô-va brei thau, peih praong danh sách oh brei nao mai nan lac jalan ngak đáp trả di Nga saong dom bruk trừng phạt meng liên minh châu Âu saong Mỹ.