Khaw tin pagaiy harei 15/4 /2014

# Patui mbang nyaom 27, bier harei kabroi ala tacei ba di phaok akaok QH Tòng Thị Phóng, Ủy ban thường vụ Quốc hội brei panuac ka dự án hukum pasiam veik, pabak dom paka di hukum pato bruk ngak. Rilo urang lambaok vakil ndom lac bruk pasiam mbang ni pamong tal jalan paglong chất lượng, siam lagaih ka jalan pato bruk ngak, pasiam dom tavak tavaiy, pagam song jalan pato bruk ngak di darak pasa urang ngak. Hu dom panuac ndom lac, brei sangka dahlau ka urang kamei song urang ngak palei pala, dong ka dom DN pato bruk ngak di palei pala, bhum ceik car. Meng quyền song trách nhiệm di DN dalam bruk pato bruk ngak, rilo panuac njauk hatai song dom asar kadha pasiam,, pabak yau dalam dự án hukum, song caik hatai tal dom quy định brei khik ka siam lagaih meng karja, sang bac, DN song urang bac piah ka hukum hu tame dalam rai duik.

# Pahadar harei ndih tapui mbang yaka 70 di ong Nguyễn Phú Trọng - Tổng Bí thư Ban Chấp hành Trung ương Đảng Cộng sản Việt Nam (14/4/1944 - 14/4/2014), ralo urang dang akaok saong dahlau thiah dang akaok Đảng, karja, Mặt trận negar Việt Nam, dom mban, mintri, kapul nyaom di Trung ương; Thành ủy, Hội đồng bhapbini, uy mban bhapbini , mat tran negar Biet Nam ban ine Ha Noi, ban raya Ho Chi Minh saong dom tỉnh; dom urang dang akaok dom taneh ia, dom Đại sứ di Hà Nội hu mai tadhau yuh atau ieu phone, payua bingu tadhau yuh ong Tổng Bí thư.

# Tây nguyên dok yam tame bilan thu tabung glong, rilo krong ribong thu ia ngak ka yaok ribau ha phun pala mbuan si metai abih. Min kayua samar pathau khan dom jalan pacang caga, samar ramik pasiam dom krong ribong song peih bruk kuac raok kraong ribaong, nan ye huyện Cư M’gar, tỉnh Đăk Lăk dok khik hu ia pruh ka phun pala. Taphia di nan, jabatg ngak nong song patagok palei pala dok hu panuac pok tagok UB bhap bini huyện dong jien njuk  ia pruh ka phun pala di dom labik njauk thu lagu.

# Di palei Trí A, xã Krông Na, huyện Buôn Đôn, Kapul hữu nghị Việt Nam – Lào di tỉnh Đắc Lắc pambuak bruk saong dom pakat uy Dang, karja huyện Buôn Đôn saong pasak Du lịch Buôn Đôn peih bruk pa-uan roya Bunpimay – Bunhot Nậm pauan thun barau 2014 ka bhapbini urang Việt asal Lào daok dalam tinh . Roya hu peih ngak njauk tui adat cambat tanarakun mengkan, pachreih hu jaik 200 bhapbini bangsa Lao daok di huyn  Buôn Đôn saong labaih 50 sinh viên Lào daok bac megru di sang bac Đại học Tây Nguyên. Rilo mikva dom bangsa Thái, Êđê, M’nông… daok dalam tinh jeng hu mai mein bui sambai. Di pulao Sê nô (angaok kraong Srêpốc, di pasak du lịch Buôn Đôn), rah tabiak dom adat ye : puac kinh, palao menyek bingu, menaiy Phat, ngak adat kak merai takoi tangin…Rilo tuai damuai mai Buôn Đôn dalam harei roya jeng hu tame harei thaik ia, tamia Lăm-vông, mbang dom kaya mbang mengkan . 

# Urang nong tỉnh LA dok dang di anak rilo kan kandah tuk dom pandap kaya nong laik yaom khang yau padai, tamekai, ratak lo, tabau ngak ka rai duki di mik va dak harei dak kan kandah. Thun ni, urang nong pala ratak lo di LA oh lac laik yaom bo dok ngak oh njauk kayua langik tasik kan kandah. Yaom ratak lo urak ni dok labaih 14 ribau sa kg, patrun jiak meteh yaom dut song tukvak ni thun dahlau. Dok yaom tabau meng 450 ribau tal 600 ribau đồng sa kg. Ngan song taneh 13 ribau ha, bilan tabau thun ni dalam tỉnh patrun labaih 1 ribau ha dut song thun tapa song meyah lac yaom kaom oh hu patagok, taneh pala tabau dok takik veik. Kayua yau nan ye, piah tagok kein liba ka urang nong, gam song jalan pasiam veik di gah ngak nong. LA hu salih labaih 3 ribau ha taneh tapa pala dom phun karei hu yaom KT glong jang yau kruac, thanh long, tangei, lange, njam patam. Tui kuhria thun 2015, tỉnh hu salih 7 ribau ha tapa pala dom janih phun nan.

# Gilang pariak pablei salih cổ phần Kiên Long barau peih bruk mbaoh tangin tame daong 10 tỷ đồng  ka tỉnh Kiên Giang blei harak Bảo hiểm y tế  ka 70 rabau urang daok dalam sang jaik si kan kathaot dalam tinh. Tui kuhria, thun ini dalam tinh Kien Giang hu labaih 78 rabau urang sang jaik si kan kathaot, dalam nan hu 59 rabau urang hu karja daong 70% yaom harak. Dom thun tapa, yaom lac hu karja daong 70% yaom harak, urang tok buh tabiak 30% daok veik min daok hu biak rilo sang jaik si kan kathaot oh hu jien blei bao hiem y te. Kien Giang jang lac sa dalam dom tinh hu urang blei bao hiem y te biar abih dalam taneh ia. Dalam tinh tok hu labaih 53% urang blei bao hiem y te. Meng kadung jien 10 ty dong kayua gilang pariak Kien Long daong, yaok pluh rabau urang sang jaik si kan kathaot hu glang iek pren yava siam jang.

# Harei roya Chôl Chnăm Thmây di mik va Khmer, gah ilamu thể thao tỉnh Cà Mau  hu peih rilo bruk ilamu meng kan yau pakacah ghe ngo meng kan, pataom pakacah ngak mbang huak, ngak har pei nung, pakacah doh lagu bhap bini meng sap Khmer di dom puk palei hu rilo mik va urang bangsa Khmer. Langiu di nan, di dom baha prong yau Cao Vân, Rạch Giồng ( huyện Thới Bình), Rạch Cui ( huyện Trần Văn Thời), Monivongsa ( ban sit Cà Mau). Dok peih bruk pakacah doh tamia di dom dàn nhạc ngũ âm;  ba mai bui sambai chreih chrai dalam bhap bini, dong pambuak pagam janih ilamu meng kan, khik ramik song patagok janih ilamu bangsa.  

Nhac cat

Khaw tin dunya

# Gam saong bhapbini dom taneh ia Lào, Thái Lan saong  Campuchia, Mianma jeng daok chreih chrai dalam dom harei roya mengkan. Harei kabroi, harei akaok meti di thun barau, bhapbini nao baha likau hu patuah jamo saong peih ngak adat menaiy Phat. Hadei di nan, bhapbini tuh tabiak dom jalan praong, daoh tamia saong thaik ia di harei thun barau. Thaik ia di harei thun barau nan lac sa adat hu meng lavik rai di bhapbini Mianma. Urang jia lac, ia nyu daong rao hacih saat dom duh sa di thun klak saong tame thun barau rilo patuah jamo saong haniem phuan.

# Urang dang akoak kapul duah kapan MH370 lihik di  Ô-xtrây-li-a, ong An-gút Hâu-xtơn harei kabroi brei panuac lac, bruk duah dom candiah pacah di boh kapan haoh nan lac biak kan. Panuac di ong Hâu-xtơn hu ba tabiak dalam tuk bruk duah kapan MH370 hu yam tapa adit ka 6 song pin di paop jhuk meda padeih hoạt động.

# Harei kabroi, mintri Y tế Yê-men brei thau, pandar dom jalan ngak piah pacang cakak virut kum cô-rô-na-vi-ớt ba tal hội chứng jalan hô hấp Trung Đông (MERS-CoV) mbuan si patuh tabiak di taneh ia ini. Kayua urang mbuan metai meng janih virut ini tagok tal 40%, gah Y tế Yê-men meda pandar dom jalan ngak piah pacang cakak jit ruak, dalam nan pataom tame dom bruk paglaong akaok sahaneng di bhapbini dalam bruk pacang caga jit ruak.