Khaw tin 10g30 & 14g30 harei theim, 16/1/2015

/ Thủ tướng rajaei bahrau mbaoh tangin brei peih ngak dự án “dong pabak dự án patagok năng lượng pasiam veik song peih prong, pasiam jalan điện dom xã atah bayah” kayua gilang pariak patagok châu Á (ADB) dong oh bayar veik. Dự án hu yaom jien abih tih labaih 3,36 triệu USD. Hu 10 tỉnh hu mbang tui dự án ni nan lac Điện Biên, Lai Châu, Sơn La, Trà Vinh, Sóc Trăng, Quảng Trị, Thừa Thiên Huế, Quảng Nam, Quảng Ngãi, và Gia Lai.

# Harei 15/1, Ban Thường trực Ủy ban Trung ương Mặt trận negar  Việt Nam saong Ủy ban bangsa Trung ương hu peih nyaom biai taong yaom 3 thun peih ngak danakdak pambuak bruk tukvak 2012 – 2016 saong ba tabiak bruk ngak ka thun  2015. Rilo sarak ka bhum bangsa, bhum ceik yau danakdak 135 tukvak 3, danakdak patagok kinh te xa hoi dom bangsa gam rilo danakdak patruh kan kathaot ka dom bhum kan kandah hu dua gah dak padang saong peih ngak.

/ Di Lâm Đồng, piah pabak ka darak pasa Tết anek pabe 2015, rilo DN, cơ sở, sang bein pablei salih pala njam patam di ban sit Đà Lạt song dom bhum pala njam di huyện Đơn Dương, Đức Trọng (Lâm Đồng) dok caga rilo janih njam patam boh caraoh pabak ka urang blei pandar di grauk labik. Langiu di dom janih njam patam meng kan, dom sang bein dok hu pala rilo janih boh caraoh piah pabak ka Tết, dalam nan pataom tame pala labaih 100 ha bei prang Đà Lạt tui tanut VietGap.

# Piah khik caga ka bhapbini bangsa takik hu ginup pandap mbang meyum di harei tet akaok padai saong Tết Ất Mùi 2015, pasak Dịch vụ Miền Núi di mban bangsa tinh Bình Thuận hu padang piah pandap, kuhria caga danakdak pablei pandap khik kajap yaom di dom xa bhum ceik dalam tinh.  Ông Nguyễn Văn Chi, Phó akaok pasak Dịch vụ Miền Núi tỉnh Bình Thuận brei thau : Pasak hu pambuak bruk saong dom doanh nghiep praong hu angan je, blei dom janih pandap, nhu yeu pham piah pabak tet ka bhapbini ngan saong yaom khik caga atau bair jang yaom pablei le di ban sit Phan Thiết, daong ka bhapbini blei hu pandap yaom bair jang, plaih bruk kateik yaom bhapbini di tut tet.

/ Kapul pachreih bac tỉnh Đồng Nai bahrau peih pataom iek veik bruk pakacah gauk anit ranam taneh ia thun 2014. Tui nan dalam thun 2014, meng rilo jalan ngak karei di gauk, dom pakat hội dalam tỉnh jak ba hu labaih 104 tỷ đồng brei kadung jien pachreih bac. Dalam nan bruk rong pabui haluk pachreih bac taduan hu bruk pachreih tui di rilo bhap bini, abih di nyu nan lac anek saih, gru pato dom sang bac phổ thông. Dalam tỉnh tapa nan hu jaik 28 ribau drei pabui haluk hu rong, mek hu jiak 12 tỷ đồng, rilo jang 50% bruk ba tabiak dalam thun

# Ban tacei pato jak ba halan hatian brei darah ban sit Can Tho brei thau, meng ini tal 15/3, ban sit meda jak ba 6000 urang tut angan brei darah saong tadun mek 4000 don vi darah ( samu 17% so luong darah dalam thun 2015) piah samal pabak ka bruk cap cuu saong iek ruak.  Bác sĩ Mai Thanh Quang, Phó akaok kapul chữ thập đỏ ban sit Cần Thơ ndom lac : Akaok sahaneng di mikva bo abih di nyu nan lac dom kapul urang jakar cong chuc vien chuc saong sinh vien anek saih hu paglaong jang ka makna saong yaom glaong di bruk brei darah. Meng di nan bo bruk brei darah halan hatian di dom quan huyen saong mban nganh kapul nyom mek hu samu atau glaong jang bruk ba tabiak.

/ Tỉnh Sóc Trăng bahrau peih bruk taduan angan xã mek hu tanut palei pala bahrau di xã Phú Tân, huyện Châu Thành, sa dalam dom labik hu rilo urang bangsa Khmer daok, ngan saong 80% menuac. Tapa 4 thun padang ngak danak dak palei pala bahrau, xã mek hu rilo jak jeng dak harei dak pabak siam jang ka bruk sx, mbang ngui dok dang song rai duik di bhap bini daok di labik ni.

Patui di ini lac khaw tin dunya

# Rajaei Tây Ban Nha brei thau, dalam thun bloh, kapul daong di tasik hu daong ka jaik  3500 urang nhập cư pablak gauk dalam dom sruh gilai langiu tasik taneh ia ini. Dom urang ini rilo jang 55% duk saong thun 2013, tuk hu labaih 2200 urang hu daong tabiak truh dom sruh gilai pajeng urang nhap cu suan hukum.

/ Dom urang ngak praong Cuba song  Liên minh châu Âu (EU) bahrau njauk hatai ka bruk taom gaok di ban ine La Habana (La Havana) dalam harei 4 song harei 5 bilan 3 anak tal piah ginum biai mbang ka 3 ka bruk pambuak talei rohim di 2 gah.

# Daok jaik sa biulan tra meng tal harei pataom hóa trang Ri-ô Các-ni-van (Rio Carnival)- bruk ilimo hu angan saong chreih chrai abih di  Braxin. Di tukvak ini, ban Ri-ô Đờ Gia-nê-rô (Rio De  Janeiro) daok kuhria caga ka dom bruk bieu dien hóa trang chreih chrai angaok jalan. Dom sang bac pato tamia di Ri-ô Đờ Gia-nê-rô jeng ngak blaoh bruk pilih ruah angan, ragu ragam jeng ye kuhria caga khan ao hoa trang saong urang tamia ka bruk bieu dien di drei.