khaw tin pagaiy harei 16-4-2015

# Page harei 15-4, Ủy ban Thường vụ Quốc hội hu peih Nyaom biai urang Quốc hội chuyên trách. Rah tabiak tal harei 17 bilan 4, nyao biai meda brei panuac ka dom dự án Hukum prong tui kuhria hu pok tagok Quốc hội mong iek brei tapa dalam mbang nyaom ka 9 anak tal. Pak nyaom biai ini, dom urang lambaok meda brei panuac tame 4 dự án Hukum dalam nan lac: Dự án Hukum patabiak văn bản pháp luật, Hukum tổ chức Raja-ei (pasiam veik); Hukum tổ chức karja palei saong Hukum kadung jien Karja (pasiam veik). 

# Di jabat rajaei, Phó Thủ tướng Hoàng Trung Hải barau taduan raok ông Ma-thi-at Fel (Matthias Fekl) Quốc vụ khanh Pháp ngak bruk ngoại thương, xúc tiến du lịch saong urang Pháp di taneh ia langiu daok hu mbang ravang saong ngak bruk di taneh ia drei. Di var taduan raok, Phó Thủ tướng Hoàng Trung Hải pok meyaom saong taong yaom bruk ngak hu di mbang ginum biai pakat glaong tyaok thun ka kinh tế Việt Nam - Pháp mbang yaka 3 barau blaoh.

# Kapul ngak bruk di Ủy ban Trung ương Mặt trận negar Việt Nam kayua Phaok Akaok Ủy ban Trung ương Mặt trận negar Việt Nam Lê Bá Trình pal akaok bahrau hu van ngak bruk haong Ủy ban Mặt trận negar tỉnh Yên Bái piah taong yaom bruk bangsa, bruk ngak bangsa di Mặt trận negar tỉnh saong bruk peih ngak Chỉ thị ka 01/2005/CT- TTg di Thủ tướng Raja-ei ka dom bruk ngak ngan haong agama Tin lành. 

 # Pahadar 40 thun harei peih paha gah meraong, yasa taneh ia, bair harei 15/4, Uỷ ban bhapbini ban raya Hồ Chí Minh barau peih bruk taom gaok dom sang sarak karja hadah trah. Di var pataom gaok, akaok ban raya Hồ Chí Minh brei panuac thau dhar phuan ka bruk ba abih hatung hatai di dom amaik Việt Nam Anh hùng, sang sarak, dom urang ba pren yava ka bruk mesruh metak peih paha bangsa.

# Hadei di mbang nyaom ginum biai ka jalan peih talaih kan kandah ka urang pala tamekai, hu jang sa doanh nghiệp dang tabiak blei tamekai daong ka mikva urang nong. Anak bruk tamekai oh pablei hu, njauk urang blei kateik yaom, dhar doanh nghiệp Thành Nghĩa pak tỉnh Quảng Ngãi sanya haong urang dang akaok tỉnh ini lac meda daong blei tame tamekai, daong ka urang nong yam tapa kan kandah.  

# Ngan saong kadha “ tasik Đà Nẵng – labik nao siam, hadah hadai, pachreih urang “ bilan du lich tasik Đà Nẵng thun ini rah tabiak meng harei 25/4 tal  2/5, gam saong mbang pakacah parang iek pháo bingu pakat dunya saong harei padheih 30/4-1/5. Danakdak piah yaih khan dom bruk ngak, dich vu du lich barau, taphia nan, jak ba bhapbini mbaoh tangin tame khik caga alam moi truong tasik pulao saong yaih khan thaot binguk bán đảo Sơn Trà saong dom takai tasik du lịch Đà Nẵng.

# Tukvak tết meng kan Chol chnam thmây, Kapul urang njauk jru mek kalik kruac Dioxin bal Cần Thơ pambuak haong Ban tacei pato Tây Nam Bộ peih bruk alin brei pandap ka 66 urang njauk jru mek kalik kruac bangsa Khmer. Yaok pok yaom 520.000 đồng dalam nan hu jien, brah saong mì gói. Jaik abih dom urang njauk jru mek kalik kruac taduan mek hu pandap tết Chol chnam thmây lac rai ka dua, ka klau saong jeng lac baoh sang hu rai diuk kan kandah. 

Khaw tin dunya

# Liên minh châu Âu barau pok ông Phéc-nan- đô Gen-ti-li-ni ngak lambaok vakil đặc biệt di Liên minh châu Âu ka bruk hòa bình Trung Đông. Bruk ngak di lambaok đặc biệt lac ba tabiak dom sáng kiến piah nao tal jalan langyah bruk srau kadau Ixraen-Palextin tui jalan ngak lac 2 dua karja. Langiu di nan, ông Gen-ti-li-ni jeng hu bruk ba mbuan lagaih ka dom mbang taom gaok di dom gah, rik daong piah dak padang khung đàm phán barau. 

# Nhật Bản saong Mỹ daok peih dom mbang ginum biai ka thỏa thuận pablei salih tự do - Hiệp định pambuak bruk xuyên Thái Bình Dương pak bal ine Tô-ki-ô di Nhật Bản. Dom mbang ginum biai ka bruk pablei salih ini  hu pambuak veik dalam harei 15-4. Bruk ngak ini rah tabiak dahlau di mbang taom gaok di Thủ tướng Nhật Bản Sin-dô A-bê (Shinzo Abe) saong Tổng thống Mỹ Ba-rắc Ô-ba-ma pak Oa-sinh-tơn (Washington, Mỹ) tui kuhria dahlau meda peih tabiak di puac bilan ini.

# Tui kuhria hu jaik 21 triệu uranaih di Trung Đông  saong Bắc Phi oh hu nao bac atau mbuan si klak bac, yaom lac hu dom kham merat piah jhul pakhang pato megru. Dalam sa harak pathau khan ba tbaiak harei  15-4, Qũy Nhi đồng Liên hợp quốc brei thau, dom rajaei dalam khu vực, dalam nan hu 20 taneh ia meng Ma-rốc tal  Irắc, yaom lac hu sangka jang ka pato megru luac 10 thun tapa min  uranaih nao bac di dom thun jaik ini trun khang kayua dom taneh ia ini daok laik tame bruk srau kadau dui atah, kathaot eik saong parabha doi xu gioi. Urak ini hu labaih 15 trieu uranaih klak bac di Trung Đông saong Bắc Phi dalam tuk jaik  6 triệu adei karei mbuan si klak bac. /.