# Melam kabroi 16/3, Thủ tướng Nguyễn Tấn Dũng saong hadiuk di gait gam haong kapul pakat glaong raja-ei Việt Nam hu mai tal bal Sydney, peih bruk rivang Australia tui panuac daa di Thủ tướng Tony Abbott saong hadiuk di gait. Dua taneh aia daok khik talei pambuak bruk di dua gah dalam dom bruk, abih di nyu lac bruk kinh tế, an ninh, quốc phòng, du lịch, pato megru. Việt Nam saong Australia jeng daok pataom tame jhul pakhang talei pambuak bruk ngak kong dalam 5 gah prong pambuak tal duah dầu khí, pablei salih dhang, công nghiệp khí, ngak dầu khí saong pato megru.

 # Hadei di 7 harei ngak bruk, bair harei kabroi, ala bruk dang akaok di akaok Quoc Hoi Nguyen Sinh Hung, Ủy ban Thường vụ Quốc hội tamat mbang nyaom ka 36.  Ngan saong dom dự án Luật hu brei panuac dalam mbang nyaom ini, akaok Quốc hội pandar dom gah soạn thảo saong gah pasang iek, taong yaom njauk pambuak bruk catang piah pataom mek, pasiam veik, khik hu chat luong dahlau si ba tagok Quốc hội di mbang nyaom tal.

# Mentri Jien padai bahrau tabiak Thông tư 30 tacei pato bruk padang dự toán, thanh toán saong quyết toán dom khoản daong ka doanh nghiệp đầu tư tame bruk ngak nong, palei pala. Tui Thông tư nan, urang buh jien tabiak hu thanh toán jien daong meng kadung jien Karja tuk hu ginup abih harak ba-ar tui quy định saong taduan trách nhiệm ka bruk chính xác, trung thực di harak hồ sơ.

 # Harei kabroi 16/3, di Hà Nội rah tabiak nyaom biai dunya ngan saong kadha “ Doanh nghiep xa hoi di VN: labik dang di sang bac DH saong dom gah roh duah”. Dom urang jakar pataom mbaok di nyaom biai mboh lac, taphia dom sarak daong di rajaei, bruk daong di dom kadung jien ngak pahala lingiu rajaei …dom sang bac dai hoc, gah roh duah hu trach nhiem roh duah saong pato pakai ka doanh nghiep xa hoi; dak padang mang luoi dom urang roh duah ka mo hinh saong jalan patagok doanh nghiep xa hoi.

# Mentri Y tế urak ini daok pambuak bruk haong dom Mentri, ngành dak padang cơ chế, sarak pachreh, patagok bruk ngak jru iek ruak saong vắc xin dalam negar, yam tal bruk caga pabak ginup jru, vắc xin hu chất lượng, yaom mbiah brei ka bruk iek ruak di bhap bani. Anak meta pasiam veik, pabak dom quy định di hukum ka cơ chế hoạt động, cơ chế jien padai ngan haong dom đơn vị sự nghiệp y tế công lập saong yaom dịch vụ iek ruak di dom labik iek ruak công lập...

# Pahadar 84 thun harei padang kapul dam dara cộng sản Hồ Chí Minh, 40 thun peih paha Bình Định, Tỉnh Đoàn Bình Định peih ngak rilo danakdak siam mekre pamaong tal cơ sở. Dom harei bilan 3 ini, dom cơ sở đoàn pak tỉnh Bình Định peih ngak rilo bruk siam mekre ye : pala phun, ngak hacih jalan palei, iek ruak brei jru saoh….

# Pambuak  tal bruk  anek saih kamei tal 7 pak Trà Vinh njauk ayut sahabat dalam sang bac taong paoh, biar harei kabroi 16/3, Sở Pato megru tỉnh Trà Vinh ba tabiak quyết định kỷ luật ngan haong dom anek saih nan saong dom urang hu trách nhiệm pambuak pagam tal. Tui nan hu 3 anek saih njauk brei padeih bac sa adit, dom urang daok veik njauk khiển trách tal cảnh cáo. Daok Ban Giám hiệu Sang bac Trung học cơ sở Lý Tự Trọng saong dom gru pato hu pagam tal njauk brei padeih pato dalam sa bilan piah  kiểm điểm, mong iek saong langyah tui adat di gah pato megru.

Khaw tin dunya

 # Harei kabroi, Tổng thư ký Liên Hợp Quốc Banki-Mun (Bankimun) hu panuac sanya saong Tổng thống Vanuatu Ba-uyn Lon-đan-lơ (Baldwin Lonsdale) lac Liên Hợp Quốc meda ngak abih drei piah jak ba bruk daong nhan dao ka taneh ia pulao kaoh barau njauk palai pajoa kayua mbang ribuk khang hu angan “ Pam”. Pathau khan barau abih ka khut khat di ribuk brei mboh bruk tayah tayac khang bo ribuk Pam ba mai.

  # Mentri Y tế Palestin harei kabroi 16/3 brei thau, dalam 2 adit tapa hu gilac dua urang Palestin njaom cúm A/H1N1 saong dua urang nan jeng metai abih. Kuhria meng akaok thun tal ini, hu takik abih 9 urang njaom cúm A/H1N1 pak Palestin.

# In-đô-nê-xi-a meda patagok parilo dom taneh ia taduan hu quy chế klak thị thực meng 15 tagok 40 harei dalam tukvak tal. Ini lac panuac khan di akaok mintri Du lịch In-đô-nê-xi-a A-ri-ép Ya-ya (Arief Yahya) anak báo giới harei kabroi 16/3.