Khaw tin pagaiy harei 17-4-2015 

./Biar harei 16/4, tại Jabat Trung ương Đảng, Tổng Bí thư Nguyễn Phú Trọng hu taduan raok kapul pakat glaong Mintri Công an Trung Quốc kayua ong Quách Thanh Côn, Ủy viên Quốc vụ, akaok mintri Công an Trung Quốc, pan akaok kapul, daok rivang saong ngak bruk di Việt Nam. Tổng Bí thư taong yaom glaong mbang rivang saong mboh lac, tapa nan nyu brei mboh talei pambuak bruk siam di dua Đảng, dua taneh ia dalam dom bruk, abih di nyu nan lac gah quốc phòng, an ninh. Tổng Bí thư taong yaom glaong talei pambuak bruk di dua Mintri Công an di 2 taneh ia, kayua bruk sron mbon, siam mekre di yaok taneh ia, di khu vực jeng yau di dunya.

# Tuk 11 tuk 45 minit cala harei 16-4, dua sruh kapal ahaok Su 22 di  Trung đoàn 937, Sư đoàn 370, Quân chủng Phòng không - Không quân par pasram tui jalan par Phan Rang - Mũi Rinh, Phú Quý, Bình Thuận lihik lien lac saong Sở chỉ huy. Hadei tuk lahik liên lạc, Sư đoàn Không quân 370 hu brei kapal ahaok Mi 171 di Trung đoàn 917 nao duah. Dom gah chuc nang di Quân chủng Phòng không -Không quân daok padang kapul nao duah saong duah thau makna di bala.

./Di ban sit Cần Thơ, Kapul ngak bruk di Ủy ban Trung ương Mặt trận Negar Việt Nam kayua ông Nguyễn Thiện Nhân, Ủy viên Bộ Chính trị, Akaok Ủy ban Trung ương Mặt trận Negar Việt Nam ba akaok saong dom urang ngak praong dalam mban tacei pato Tây Nam bộ, dom urang pan akaok ban sit Cần Thơ hu nao rivang, alin hadiah pandap saong tadhau ayuh Tết Chôl Chnăm Thmây 2015 di kapul jum pataom sư sãi anit taneh ia ban sit Cần Thơ, dom baoh baha saong bhap bini Khmer daok dalam ban sit Cần Thơ.

# Tui mban điều hành danakdak bruk ngak negar ka ia hacih saong saat alam moi truong tỉnh Bình Phước, urak ini 89% urang nong palei pala dalam tinh hu pandar ia ngak mbang ngak huak hacih saat. Piah ngak hu bruk nan, danakdak bruk ngak negar ka ia hacih saong saat alam moi truong tỉnh patagok bruk brei thau, pathau khan ka ia hacih saong saat alam moi truong ka dom sang, daong dom urang nan thau hu kein laba tuk pandar ia hacih.

./ Cục Pacang caga HIV/AIDS (Bộ Y tế) brei thau: Urak ini, Việt Nam hu labaih 200.000 urang njom HIV daok diuk saong yaok thun hu labaih 100.000 urang ruak lao, dalam nan menuac ruak lao gam njom HIV labaih 8.000 urang. Piah ngak hu bruk lac, oh hu urang metai kayua AIDS, bruk iek ruak meng jru kháng HIV lac bruk siam, njauk ngak.

# Melam bloh 16/4, di ban sit Cần Thơ, Tổng Cục chính trị Bol bala bhapbini Việt Nam peih pakak harei pataom nghệ thuật quần chúng lực lượng vũ trang saong dam dara sinh vien mbang yaka VIII, thun 2015 bhum I, hu labaih 510 diễn viên saong jaik 110 tiết mục pakacah mai meng 17 kapul. Trung tướng Nguyễn Trọng Nghĩa – Phó Chủ nhiệm Tổng cục Chính trị Bol bala bhapbini Việt Nam – akaok Ban tacei pato harei pataom brei thau : harei pataom hu makna glaong di abih lac taong yaom, pachreih bruk daoh tamia pamơrơ ka bộ đội, taphia nan, pato pakai truyen thống ka rai rah urang ranaih umo :

khaw tin dunya

./Tui urang vak di TTXVN daok di châu Phi, Diễn đàn Các-bon châu Phi mbang ka 7 bahrau tamat bloh di ban Marrakech (Ma-ra-kếch, Tây Nam Maroc) hu tabiak panuac ieu dom taneh ia châu Phi patagok talei pambuak bruk pacang biến đổi khí hậu. Tapa nan, akaok mintri môi trường dom taneh ia châu Phi brei mboh hatai kham merat brei tapa thỏa thuận quốc tế ka môi trường tuk Nyom biai dom gah hu mbaok tame Hiệp ước khung di Liên hợp quốc ka biến đổi khí hậu (COP21) hu peih tabiak di ban ine đô Paris (Pháp) di bilan 12 tal. 

# Dua mbang megaiy taneh khang rah tabiak di gah Brak saong Tây Bắc TQ, ngak ka takik di abih 1 urang metai saong rilo sang danaok jaleih, tayah. Tui pasak Mạng lưới megaiy taneh Trung Quốc (CENC), bair harei 15/4, sa mbang megaiy taneh khang 4,5 độ Richter rah tabiak di tỉnh Cam Túc (Gansu), Tây Bắc Trung Quốc, ngak ka sa urang di palei Yaogou, atah tâm chấn mbang megaiy taneh 20 km, metai saong 1 urang bị thương. Hadei nan mbang megaiy taneh karei jeng rah tabiak di labik tự trị Nội Mông. Mbang megaiy taneh ini hu tâm chấn dalam 10 km, ba tal dư chấn hadei nan. Urak ini, oh ka thau ka dom urang metai jeng ye khat lahik kayua mbang megaiy taneh, kayua labik ini atah bayah saong takik hu menuac.

Rajaei Cô-lôm-bi-a bahrau brei peih veik bruk taong meng kapal haok pamaong tame gah nổi dậy Cô-lôm-bi-a (FARC), hadei di labaih 1 bilan brei padeih piah peih jalan ka dom gah tame ginum biai hòa bình. Dalam sa mbang ndom puac di angaok rayo papar binguk, Tổng thống Cô-lôm-bi-a Hoan Ma-nuy-en San-tốt (Juan Manuel Santos) brei thau, bruk ngak ini piah cagar veik bruk tấn công rah tabiak dahlau di nan 1 harei di kol nổi dậy, ngak ka 10 urang lin Cô-lôm-bi-a metai saong labaih 20 urang karei njauk rambus./.