# Harei ini (18/11), Quốc hội patui bruk tangi sua dom urang dalam Raja-ei. Tui kuhria dahlau Akaok mentri Công thương Vũ Huy Hoàng patui veik bruk javap jaleiy panuac sua tangi. Patui di nan lac Akaok Mentri Nội Vụ Nguyễn Thái Bình saong Akaok mentri Giao thông Vận tải Đinh La Thăng. Taong abih asal kadha di mbang sua tangi saong javap jaleiy hu khan tapak angaok VOV1 Rayo sap ndom Việt Nam.

# Di tuk pahadar 84 thun harei padang mat tran bangsa yasa VN (18/11/1930-18/112014), melam kabroi 17/11), Chủ tịch Quốc Nguyễn Sinh Hùng hu mbaok tame harei roya jum pataom dom bangsa di phường Trần Hưng Đạo, quận Hoàn Kiếm, ban ien Hà Nội. Gam bui sambai saong dom khu dan cu ka 10, 11, 12 di phường Trần Hưng Đạo, Chủ tịch Quốc hội pok meyaom dom bruk ngak hu dalam dom thun tapa, pok meyaom dom sang, urang hadah trah di Phuong. Chủ tịch Quốc hội pandar liên khu dân cư ka 10, 11, 12 di  phường Trần Hưng Đạo kham merat peih ngak siam jang dom mbang jak ba meng rilo bruk ngak siam lagaih.

# Bruk Pahadar 60 thun padang talei pambuak nao mai Việt Nam-Mông Cổ hu peih ngak dalam prong prang pak Hà Nội. Hu mbaok ong Cao Đức Phát, Ủy viên Trung ương Đảng, Akaok mentri ngak nong saong patagok palei pala, Akaok phân ban Việt Nam pak Ủy ban 2 rajaei Việt Nam-Mông Cổ; Ong Ên-khơ-bát (Enkhbat), Đại sứ Đặc mệnh toàn quyền Mông Cổ; gam haong urang lambaok dom mentri, ngành, kapul nyaom hữu nghị saong bhap bani urang Mông Cổ daok pak Việt Nam. Tui ủy quyền di Akaok negar, Akaok mentri Cao Đức Phá hu pok brei Huân chương Hữu nghị di Karja Việt Nam ka Đại sứ Ên-khơ-bát. Tui ủy quyền di Tổng thống Mông Cổ, Đại sứ Ên-khơ-bát jeng hu pok brei Huân chương Sao Bắc Đẩu saong Huân chương Hữu nghị di Karja Mông Cổ ka dom urang naih gheih di Việt Nam hu ralo rik daong tame bruk patagok talei rohim pambuak bruk nao mai di Việt Nam-Mông Cổ.

# Page ini (18-11) ralo puk palei dalam tỉnh Bình Phước peih ngak Harei nyaom Roya gul pataom dom bangsa. Pak ấp 3, xã Tiến Hưng, ban sit Đồng Xoài,  bruk ngak di harei nyaom daok pambuak pagam haong pulao tasik di palei negar.  Jasi – Urang vak di Rayo sap ndom Việt Nam daok pak bal raya Hồ Chí Minh brei thau:

 Palei 3, xã Tiến Hưng, bal sit Đồng Xoài, tỉnh Bình Phước mek hu  tiêu chuẩn labik daok ilamo dalam 4 thun gam (2011-2014). Pak harei nyaom, Ban jak ba peih ngak mbang jak ba “Taong abih bhap bani gul pataom dak padang rai diuk ilamo di labik daok” hu taong yaom veik bruk ngak hu dalam sa thun, pok meyaom dom kapul nyaom, menuac urang, baoh sang naih gheih dalam bruk ja ba. Harei nyaom hu mbaok ralo bhap bani tame danak dak daoh tamia hu angan “Pulao tasik bhummi”.   

# Rajaei barau tabiak Nghị định quy định ka pablei salih saong pandar pandap dinh duong pandar ka uranaih, binh mam saong tasau pabum nhan tao. Tui nan pakauk dom bruk jaih khan, khuyen mai ka pandap ia tasia salih ia tasau amaik ka uarnaih umo ala 24 bilan. Nghi Dinh hu patabiak meng harei 1.3.2015.

# Tỉnh Điện Biên kham merat yaok huyện hu meng 4 tal 5 palei ngak atau tổ hợp dom bruk ngak di palei pala, ba bruk ngak ka labaih 40.000 urang ngak. Dalam nan, pataom tame bruk ngak kaya nong, kaya glai, kaya ikan, pak yot, menyim meng kan, nghề mộc saong dom janih dịch vụ. Yau nan min, bruk cakrok patagok palei ngak meng kan pak Điện Biên daok gaok ralo kan kandah kayua kurang phun jien buh tame, pandap ngak tabiak oh darak pasar piah pablei. Urak ini, Điện Biên bahrau hu 2 palei ngak nan lac: Menyim jih dalah palei Na Sang 2, xã Núa Ngam saong palei ngak mây tre đan Nà Tấu, xã Nà Tấu, huyện Điện Biên.

# Meng harei 18 tal 20/11, danakdak du lich “ tapa dom bhum inem krung Việt Bắc" mbang yaka VI rah tabiak di ban sit Thai Nguyen. Ini lac bruk ngak yaih khan, brei thau tiem nang du lich, pachreih dom urang dau tu, doanh nghiep tame pambuak  bruk patagok du lich praong abih dalam thun di 6 tỉnh bhum Việt Bắc.. Ini lac danakdak rik daong paglaong talei pambuak bruk nao mai, pachreih dom urang dau tu mai pambuak bruk patagok du lich di dom tinh bhum Viet Bac.

#  Biar harei (17/11), pak bal sit Bà Rịa, tỉnh Bà Rịa-Vũng Tàu, harei nyaom Kapul pathau khan ilamo tuyến biên giới, pulao tasik labik gah meraong  mbang ka 9 hu tamat blaoh. Ini lac bruk ngak kayua Ban Tacei pato danak dak pambuak bruk di Bộ Tư lệnh Biên phòng saong Mentri Ilamo Padhih saong rivang ma-in peih ngak. Ngan haong kadha “Biên giới saong pulao tasik Việt Nam”, 120 kadha daoh saong 16 kịch thông tin pathau khan di 16 jabat mai meng dom tỉnh, bal gah meraong hu payua tal urang mong iek dom asal kadha pathau khan brei thau lac hatai kham merat di Đảng, taong abih bhap bani, bol lin dalam bruk khik caga chủ quyền tapen negar, pulao tasik di taneh aia, dak padang labik tapen negar khang kajap, kaya meda, sron mbon salamat, pambuak gauk patagok.

Khaw tin dunya

# Liên minh châu Âu meda kateik dreik dom bruk taong phat tame dom kapul doi lap di gah timul Ucraina di mbang nyaom biai ngoai truong di dom taneh ia dalam Liên minh châu Âu peih tabiak di Brúc-xen (Brussels) harei kabroi 17/11. Mbang nyaom jeng hu biai ka dom bruk taong phat Nga, min, dom bruk ngak ini daok ngak neh rabha do taneh ia dalam Lien minh Chau Au.

# ui harak pathau khan di Mentri Công an Trung Quốc, dalam 4 bilan kuhria meng tuk peih bruk cap mek dom kaol phạm tội kinh tế dauk tabiak negar langiu (daok iew lac chiến dịch “Săn Cáo 2014”) tal harei ini, dom gah chức năng di Mentri Công an Trung Quốc cap mek  hu 288 urang dauk tabiak daok pak  56 negar langiu saong bhum taneh, dalam nan hu labaih 20 urang dauk tabiak negar langiu labaih 10 thun ini mai.

#  Harei kabroi 17/11), trực thăng quân sự di Thái Lan pajeng tui sa Phó tư lệnh quân khu saong 8 sỹ quan karei laik trun di bhum gah brak taneh ia ini ngak ka abih 9 urang metai. Urak ini, makna mbang njauk bala oh ka thau cambaih. Hu thau, dalam dom urang hu mbaok di sruh truc thang njauk bala ini hu Phó Tư lệnh quân khu glang iek dom bruk di gah Brak Thai Lan, ông Xổng-phôn Thoong-gin (Songphol Thongjeen).  Sruh trực thăng laik tok 10 minit hadei tuk par meng sa doanh trai quan doi di tỉnh Phay-ao (Phayao), tah di ban ine Băng Cốc 590km gah Brak./