# Patuyi mbang ngak bruk di dom tỉnh Tây Bắc, harei kabroi 18/1, akaok taneh ia Trương Tấn Sang saong kapul ngak bruk hu nao ravang saong ndom puac haong mikva dom bangsa xã Tiền Phong huyện Đà Bắc, tỉnh Hòa Bình. Akaok taneh ia pandar karja palei ngak siam bruk quy hoach, patagok dom siam mekre di  vùng hồ piah pambak praong bruk raong yaka ikan dalam ia, jum pataom daong gauk piah rik daong paglaong raidiuk bhapbini.

# Jeng dalam harei kabroi 18-1,  ong Nguyen Minh Triet dahlau thieh ngak akaok taneh ia hu mbang ravang saong ngak bruk haong tỉnh Sóc Trăng. Urang dahlau thiah ngak taneh ia caong khin Sóc Trăng patagaok siam lageih pren khang di drei, khik kajap bruk jum pataom bangsa, trat tu an toan xa hoi; kham merat patagok kinh te, sangka iek glang raidiuk di bhapbini, urang bangsa.

# Thủ tướng rajaei barau phê duyệt angan danakdak daong pabak danakdak patagok năng lượng tái tạo saong peih praong, pasiam jalan menhek dom xã atah bayah kayua Gilang pariak patagok Châu Á daong oh bayan gilac. Tui kuhria, 61.621 sang di 10 tỉnh nan lac Điện Biên, Lai Châu, Sơn La, Trà Vinh, Sóc Trăng, Quảng Trị, Thừa Thiên Huế, Quảng Nam, Quảng Ngãi, Gia Lai hu mbang tui danakdak, meng di nan daong paglaong raidiuk di bhabini.      

# Ủy ban bhapbini tỉnh Bình Định  hu patabiak Quyết định phê duyệt angan mbang 1 ka dom po kapal ginup điều kiện mesray jien ngak kapal ikan saong kapal dich vu hậu cần tui Nghị định 67 di rajaei. Tỉnh Bình Định urak ini hu jaik 7.000 kapal, gilai, dalam nan hu 2.500 kapal taong cap di tasik atah. Bruk ba tabiak Nghị định 67 di rajaei hu daong urang ngak ikan dak harei dak ngak barau dom kapal taong cap ikan di tasik atah.

 #  Mintri Quốc phòng saong Ủy ban bhapbini tỉnh Bình Thuận barau peih bruk padang ngak mblang kapal haok Phan Thiết di xã Thiện Nghiệp, ban sit Phan Thiết. Phó Thủ tướng Hoàng Trung Hải mai hu mbaok saong tabiak lệnh peih ngak công trình.  Tui kuhria, mblang kapal haok nan hu ngak blaoh di thun 2018, tapa nan rik daong khik caga quốc phòng, pabak patagok kinh te - xã hội di tỉnh Bình Thuận.  Brei panuac tuk peih ngak, Phó Thủ tướng Hoàng Trung Hải ndom lac :  Piah mblang kapal haok di kol drei meda ba tame ngak bruk, daok hu rilo bruk njauk ngak. Gah tukvak, tiến độ jeng biak catang. Yau nan ye, Dahlak caong mintri Giao thông vận tải saong Bộ Quốc phòng dang tabiak pambuak bruk saong dom mintri, nganh pambuak tal gam saong tỉnh Bình Thuận haong po dầu tư, dom sang thầu lang talaih dom kan kandah tavak tavaiy saong jhul pakhang tiến độ công trình ngan saong bruk praong lac khik caga tiến độ, chất lượng siam mekre, ken laba ka danakdak .

   # Peih ngak danakdak rami ramik veik gah ngak nong saong paglaong jien mek tame ka urang nong dalam tuk bien doi khi hau, gah ngak nong tỉnh Tien Giang daok peih ngak danakdak salih 10 rabau hecta padai tapa pala njam patam. Dom taneh salih ini, urang nong hu daong jien piah blei phun pajaih.  Ông Nguyễn Thanh Cẩn, akaok Sở ngak nong saong patagok palei pala tỉnh Tiền Giang brei thau : Bruk salih phun pala di tukvak tal, kol dahlak hu dom jalan ngak ye : jak ba, pathau khan dom mo hinh piah urang nong khang hatai salih jang. Sarak lac 1 hecta daong 2 trieu/sa mo hinh jeng hu patabiak saong peih ngak piah dom puk palei daong ka urang nong.

# Thun bloh, yaom jien pablei pandap tabiak taneh ia langiu di tỉnh Bến Tre mek hu labaih 624 triệu USD, tagok labaih 19% duk saong thun dahlau nan, rilo jang 4% tui bruk ba tabiak dalam thun. Thun ini,  tỉnh Bến Tre kham merat mek hu 730 triệu USD, tagok jaik 17%  duk saong thun dahlau. Dalam nan, pataom tame dom pandap lac kaya ikan dalam ia, brah, pandap jhik saong dom pandap meng la-u.

Khaw tin dunya

# Sa kapul nghị sĩ di đảng Dân chủ Mỹ  hu nao tal Cuba piah ginum biai ka bruk pasiam talei pambuak bruk saong khik caga sa talei pambuak bruk siam mekre di dua taneh ia. Ini lac  kapul akaok meti di Mỹ nao tal Cuba kuhria meng hadei padang veik talei pambuak bruk dua gah di dua taneh ia harei 17/12 meng blaoh.

# Piah daong uranaih sup meta hu  me in gam saong paglaong akaok sahaneng, barau ini, sa urang vak văn gam cih thaot Mê-hi-cô hu brei tabiak mbaok sa baoh tapuk truyện khoa học viễn tưởng meng akhan ndaong đặc sắc hu angan ieu "Cảm nhận: Vũ trụ dalam meta saai” . Baoh tapuk ini hu 16 blah, brei thau ka bruk phiêu lưu di sa phi hành gia hu nao tal sa hành tinh, labik daok di dom sinh vật oh hu meta. Hadei di nan, phi hành gia ini sup meta saong dom menuac urang  angaok hành tinh ini hu pato ka saai pandar dom  giác quan karei piah cảm nhận thế giới. Dom akhar saong thaot binguk dalam rup cih nan jeng lac akhar ndaong, daong uranaih sup meta mbuan puac, mbuan thau.

            # Harei kabroi 18-1), gah y tế tỉnh Quảng Đông, gah meraong Trung Quốc brei thau hu dua urang njaom Kum menuk ada  H7N9 di tỉnh ini, dalam nan hu sa urang mboh yau daok siam veik. Hadei di tuk duah mboh urang kum menuk ada H7N9 di menuac, karja Quảng đông saong Hồng Ko6ng hu cuh klak yaok rabau drei menuk meng akaok thun tal ini. Jabat an toan pandap menyum Quảng Đông brei thau meda iek veik dui atah lệnh trun takik bruk pablei salih menuk ada daok diuk daok hu pandar di dom ban  Quảng Châu, Thâm Quyến  haong Phật Sơn./. 

Thúy Linh