Khaw tin pagaiy harei 19-3-2014

# Harei kabroi 18/3, Tổng Bí thư Nguyễn Phú Trọng nao rivang saong ngak bruk di bal Đà Nẵng ka bruk cakrok patagok kinh tế- xã hội saong dak padang đảng hadei di 3 thun peih ngak Sarak Nyaom roya  11 di Đảng saong Sarak Nyaom roya Đảng bộ bal mbang ka 20. Tổng Bí thư Nguyễn Phú Trọng brei thau lac jalan cakrok patagok di Đà Nẵng daok ralo saong Đà Nẵng hu dom ilamu biak hu yaom ka bruk ngak jeng jang yau oh ka jeng piah patui veik bruk cakrok patagok. Tổng Bí thư pandar Đà Nẵng njauk abih hatung hu mbaok haong Trung ương pataom iek veik 30 thun salih bahrau meng dom bruk anak meta di puk palei, kuhria caga văn kiện Nyaom roya đảng

 # Patui bruk rivang pakat Karja Nhật Bản, biar harei 18/3, di Phủ Thủ tướng Nhật Bản, Akok negar Trương Tấn Sang hu mbang taom gaok ndem biai saong Thu tuong Nhật Bản Sin-dô A-bê. Dua Thủ tuong hu panuac njauk gauk brei paglaong talei pambuak bruk Viet Nam – Nhat Ban patagok tui jalan birau nan lac, Pambuak bruk suai lavik praong dalam kayua hòa bình saong ngak kaya meda di Châu A. Dua gah brei panuac patui jalan pambuak bruk khang kajap di dom diễn đàn, di dom kapul nyaom dalam khu vực saong dunya; brei mboh yaom glaong di bruk khik caga hòa bình, pagrap tanat saong cak rok patagok di khu vực.

# Jeng dalam biar harei kabroi 18/3, Akaok Quốc hội Nguyễn Sinh Hùng saong kapul urang lambaok pakat glaong Quốc hội negar drei peih bruk nao rivang Liên bang Thụy Sĩ. Hadei di tuk taduan raok dalam praong prang pak bal ine  Berne (Bơn-n), Akaok Quốc hội Nguyễn Sinh Hùng hu ginum biai haong Ong Ruedi Lustenberger, Akaok Hội đồng negar (Hạ viện) Liên bang Thụy Sĩ. Dua gah njauk gauk brei jhul patagok talei pambuak bruk nao mai di dua gah saong nghị viện piah ba kein laba brei di yaok negar. Dua gah tuk halei jeng pambuak bruk khang kajap saong daong ba gauk dalam bruk pambuak talei rohim di dua gah jang yau angaok dom diễn đàn đa phương. 

# Harei kabroi, UB Bangsa di Rajaei pambuak bruk saong tỉnh Kiên Giang peih nyaom biai pathau khan hukum ka labaih 120 urang lac urang jakar ngak bruk bangsa di puk palei, acar, urang hu angan je dalam bhap bini bangsa, urang ngak nong pablei salih naih joi dalm bhap bini bangsa takik ralo meng lac bhap bini bangsa Khmer daok di dua huyện Châu Thành saong Gò Quao. Asal Kadha pathau khan nan lac Hukum Taneh riya; Hukum yak bak pathau gauk; Hukum likhah caga saong baoh sang; dom kadha birau di Hukum negar Cộng hòa xã hội Chủ nghĩa Việt Nam.

# Peih ngak dom bruk piah palagaih haong bruk biến đổi khí hậu di Mentri ngak nong saong patagok palei pala tukvak 2008-2020, tukvak tapa, gah pala drak, raong glang, glai klo… hu ralo danak dak, jalan ngak pataom iek bruk đề biến đổi khí hậu. Dalam pala drak, bruk ngak tui jalan peih bruk ngak nong siam (VietGAP) gam haong mô hình “mblang hamu mẫu prong” mek hu ralo mục tiêu, dalam nan hu patrun rác thải khí nhà kính, patak pataom pajaih, khak drak, pren ngak taneh…Dalam tukvak anak tal, gah ngak nong meda patagok bruk pathau khan  tapa ralo jalan ngak hu mboh di anak meta piah paglaong akaok saneng di bhap bani ka bruk thích ứng saong patrun biến đổi khí hậu.

# Dom harei tapa, rilo gaiy gilai vah ikan ngừ đại dương di bhap bini P6, ban sit Tuy Hòa, tỉnh Phú Yên patuah jamo mek hu rilo ikan, kuhria rah tapa yaok sruh gilai taong chap hu jaik 2 tấn ikan, laba labaih 300 triệu đồng. Bruk patauh jamo chap hu rilo ikan ngừ nan biak bui sambai ka labaih 1.000 gilai taong chap ikan ngừ đại dương di tỉnh Phú Yên.

 # Hadei di dua harei rah tabiak dalam bui sambai chreih chai pak bal Pleiku, tỉnh Gia Lai, harei pataom âm nhạc bhum Tây Nguyên saong dom tỉnh bal gah Meraong tamat di harei kabroi 18/3. Meng labaih 40 kadha hu mbaok dalam harei pataom, mBan tổ chức hu palih ruah tabiak 18 kadha biak gheih piah parang me-in dalam melam tamat.

# Dom harei tapa, ban raya HCM jeng yau dom tỉnh Đông Nam bộ yam tame bilan thu biak pandiak catang, dom uranaih ruak kayua pandiak hu biak rilo. Nhiệt độ glaong abih di ban raya HCM hu harei tagok tal 38 độ C. Langik pandiak  ngak ka dom uranaih tame sang iek ruak Nhi đồng 2 tagok meng labaih 4.000 mbang yaok harei tal meng 6 ribau tal 7 ribau mabng yaok harei. Dalam nan, ralo abih nan lac dom ruak jalan suan yawa saong jalan tung bruac yau viêm phế quản, aih caraoh…

Khaw tin dunya:

# Raja-ei Thái Lan harei kabroi 18-3 brei thau lac yah klaak bruk khẩn cấp pak ban ine Băng Cốc, 2 bilan hadei di tuk ba tabiak piah pacang bruk manuac urang trun jalan cagar veik raja-ei. Thủ tướng tạm quyền Thái Lan Dinh-lắc Xin-na-vắt brei thau, bruk yah klaak ini meda daong jhul patagok bruk ngak mbang di negar ini hadei di ralo thun sarau dhau.

          # Dom urang roh duah Nhật Bản brei thau, meyah oh hu bruk ngak catang piah pacang bruk baoh taneh pandiak tagok, Nhật Bản meda khat lahik trak yaok tỷ đola My yaok thun  kayua bien ndoi khi hau di puac abap ini. Ini lac asar kadha dalm harak pathau khan ka bruk kan kandah meng  bien ndoi khi hau kayua dom urang ilamu mai meng 28 sang bac Đại học saong Viện Roh duah Nhật Bản birau khan brei thau.