# Page harei 18 bilan 5, pahadar 124 thun harei menek Chu tich Ho Chi Minh (19/5/1890 - 19/5/2014), Kapul urang lambaok vakil Ban Chấp hành Trung ương Đảng, Akok negar, Quốc hội, Rajaei, Ủy ban Trung ương Mặt trận Negar Việt Nam hu pok binguk saong tame rivang Kalan Wa Ho, nan lac urang pan akok ba jalan biak naih gheih di bangsa Viet Nam. Gavang bingu hu caik huroh: ‘ Miat miat hadar dhar phol Chu tich Ho Chi Minh praong uranam”. Kapul urang lambaok vakil Đảng, Karja tame rivang Kalan Wa Ho hu Tổng Bí thư Nguyễn Phú Trọng, Akok negar Trương Tấn Sang, Thủ tướng Rajaei Nguyễn Tấn Dũng, Akok Quoc hoi Nguyễn Sinh Hùng. Tong bi thu dahlau diah Nong Duc Manh; akok negar dahlau diah Trần Đức Lương; Akok Quoc hoi dahlau diah Nguyễn Văn An; Akok Ủy ban Trung ương Mặt trận negar Việt Nam Phạm Thế Duyệt; dom urang ngak praong dalam Đảng, Karja; dom urang Uỷ viên mentri Chính trị, Bi thu Trung ương Đảng, Phó Akok Quoc hoi, Phó Thủ tướng Rajaei.

# Ngak njauk tui Công điện ka 697 harei 15/5 saong Chỉ thị harei  17/5 di Thủ tướng rajaei ka bruk khik caga an ninh, trật tự, oh caik rah tabiak bruk trun jalan suan hukum, mintri cong an hu tacei pato cong an dom labik, dom puk palei hu jalan pacang cakak bruk tabiak jalan, ngak srau kadau an ninh, trat tu. Cong an dom puk palei hu peih dom jalan ngak; pambuak bruk saong dom kapul nyaom khik caga di dom jabat, doanh nghiep khik kajap dom labik cong nghiep, dom doanh nghiep hu phun jien di taneh ia langiu, abih di nyu nan lac doanh nghiệp Trung Quốc saong Đài Loan. Tui pathau khan tuk camereip di cong an dom puk palei, abih di nyu nan lac dom tinh, ban raya Ho Chi Minh, Bình Dương,  Hà Tĩnh, Nghệ An ... tal tukvak ini, oh hu bruk tabiak jalan suan hukum; bruk an ninh trat tu hu khik caga, oh rah tabiak bruk srau kadau. Dom bruk sản xuất di dom labik che xuat, labik cong nghiep, dom doanh nghiep hu phun jien taneh ia langiu….hu rah tabiak siam mekre.

# Biar harei sup kabroi 18 bilan 5, ong Nguyễn Văn Trung, Phó akaok Cục Khik iek kaya ikan tasik, Mentri Ngan nong saong patagok palei pala brei thau: Trung Quốc hu ba pabak tame gilac di labik gian khoan Hai Duong 981 tagok 134 giali, nan lac; gilai mesruh, gilai cảnh sát tasik, khik iek tasik, giali piah pajeng ba piah pacang gilai ngak bruk di Viet Nam. Njauk ndem tal dom gilai ikan ngak meng kayau kayua Trung Quoc ba pabak tame 15 sruh. Dom gilai nan hu ngak kajap saong papaok  vai taom dar meng tavaik thép. Tui dauh thau di gah Khik iek tasik Viet Nam nan lac: dom gilai quan su saong gilai Hải cảnh di Trung Quoc oh hu hagait kareri dut saong harei 17 bilan5. Dom gilai ngak bruk di Viet Nam daok tame jaik labik gian khoan Hai Duong 981 piah pathau khan iew Trung Quoc ba gian khoan saong dom gilai di nyu nao. Min, tuk gilai ngak bruk di Viet Nam tame jaik tal gain khaon Hai Duong 981 daok tah 5, 6 hải lý njauk gilai Hải cảnh, Hải giám, gilai pajeng ba ikan hu ngak pacang meng pasei di Trung Quoc cakak veik catang. Dom gilai Trung Quoc daok pandar vio pruh ia, kham thaok tame gilai Viet Nam, min dom gilai di drei plaih njaik hu salamat.

# Kapul nyaom bhum Cảnh sát tasik 3 - Bộ Tư lệnh Cảnh sát tasik bahrau chap mek kapal Thành Trung 01 tauk angan BV1178 di Công ty Trách nhiệm hữu hạn vận tải xăng dầu Thành Trung (huyện Long Điền tỉnh Bà Rịa-Vũng Tàu) pajeng 16.000 lít menhek DO suan hukum di labik pabah tasik Vũng Tàu tỉnh Bà Rịa - Vũng Tàu.  Tui panuac khan di thuyền trưởng, angaok kapal daok pajeng jaik 16.000 lít menhek DO, oh hu harak adat. Kapul nyaom canh sat bhum tasik 3 hu ngak biên bản ba baoh kapal nan nao duah thau piah langyah tui adat hukum.

# Meng puac thun 2013 mbiah tal ini, di xã Phước Trung, huyện Bac Ai saong xã Phước Kháng, huyện Thuận Bắc, tỉnh Ninh Thuận oh hu hajan.  Pandiak bhang tua riya ngak thu ia di dom craoh, binek yau nan ye mikva di labik  ini  daok kurang ia pandar saong ia paldrak. Mbiah tal tuk vak ini, ralo taneh pala reak bilan Đông –xuân di mikva Raglai xã Phước Trung metai ralo kayua kurang ia, Labaih 50 hecta taneh karei jeng kllk bilau, oh meda pala rak hu kayua ia di binek Phước Nhơn saong Phước Trung  thun abih. Anak bruk nan, huyện Bac Ai saong Thuận Bắc daok pajeng ia meng xã Xuân Hải, huyện Ninh Hải brei daong ka dom labik ini, pathau ka mikva urang thau pandar ia patak pataom, brei ia pandar dahlau saong ia ka athur menyum, oh caik ka athur raong saong manuk ada metai kayua kurang ia saong pandap mbang.

# mBan An toàn jalan mbak tỉnh Tây Ninh barau peih bruk padang bến phà an toàn, siam mekre, ilimo di phà Bến Đình, ấp B, xã Tiên Thuận, huyện Bến Cầu. Bruk padang ngak bến phà yau nan piah patrun patakik bala jalan mbak, abih di nyu nan lac jalan ia di thun ini di tinh Tay Ninh, taphia nan, patagok bruk pathau khan hukum nao mai angaok jalan ia, khik caga abih bhapbini nao angaok jalan ia hu cuk ao phao. Bruk padang ngak bruk ini hu makna praong, kayua tapa nan daong bhapbini nao mai jalan mbak thau dalam jang dom qui dinh di adat hukum saong ta – eng ngak tui, bruk thau bruk ngak hu ilimo tuk nao mai di jalan ia. Tal puac thun ini, tinh Tay Ninh pambak praong bruk ngak ini di dom puk palei hu jalan ia.

 # Pahadar harei menek Wa Ho 19/5, harei kabroi 18/5, Sở Ilamu – The taho saong Dulich Soc Trang pambuak saong Sơ Pato megru saong Gilang pariak Sacombank dhar di Sóc Trăng peih bruk pakacah nduac pakat tỉnh mbang 5. Ini lac bruk hu peih ngak yaok thun, abih di nyu nan lac bruk pakacah ini piah pachreih bruk “ Toang baih bhap bini pasram rup pabhap prein yawa tui Wa Ho praong uranam”, rik tame jhul pakhang bruk pakacah gauk pasram prein yawa dalm anek saih, sinh viên, lực lượng bol pan phao karaong saong bhap bini dalam tỉnh. Tapa rilo thun peih ngak, gải ini dak harei dak hu rilo urang mai tame jeng yau bruk caik hatai sangka di dom gah dalam tỉnh.

Khaw tin dunya

# kapal ahaok quân sự di Lào tauk angan AN-74TK 300 laik di tinh Xiêng- khoảng 7 tuk pagaiy harei 17/5 ngak ka 14 urang metai saong 3 urang bị thương. Saong hadei di nan, dua dalam 3 urang bi thuong nan metai, paglaong urang metai nan 16 urang. Urang njauk bala di mbang laik kapal haok ini hu 4 urang dang akaok pakat glaong dalam saong langiu quan doi. Harei 18/5, Đại sứ Đặc mệnh toàn quyền Việt Nam Nguyễn Mạnh Hùng gam saong urang jakar Đại sứ quán Việt Nam hu pok bingu saong ravang dom ong dang akaok di Lao metai di sruh kapal ahaok laik nan hu : ong Đuông-chay Phi-chít Ủy viên mintri chính trị, Phó thủ tướng, akaok mintri Quốc phòng; ong Thoong-băn Xẻng-a-phon Bí thư Trung ương Đảng akaok mintri An ninh; ong Xu-căn Ma-hả-lạt Bí thư Trung ương Đảng Đô trưởng Viêng-chăn; ong Chương Xổm-bun-khẳn Bí Thư trung ương Đảng, akaok mban Tuyên giáo Trung ương.

# Urang vak di Rayo sap ndem Viet Nam daok ngak bruk di Mỹ brei thau: Hạ nghị sỹ Giây-sơn Cha-phét, nan lac sa dalAm dom urang tuai praong hu anagn je dalm Quoc hoi My, harei 18 bilan 5 hu tabiak harak tuyen bo len an bruk sraw kadau catang tagok kayua trung Quoc di tasik Bien Dong. Harak nan hu ndem cambaic laic, bruk Trung Quoc eng drei ba gian khoan lih tame bhum tasik Hoàng Sa di tasik Bien Dong nan lac bruk ngak suh sah rilo. Birau di ini, gam saong dom bruk ngak dahlau diah mai di Trung Quoc daok ngak haduh hatai dak harei dak rilo dalam khu vực. Hạ nghị sỹ Cha-phét brei panuac lac, Mỹ kham merat ngak brei mboh bruk di sa taneh ia hu trach nhiệm dalm khu vực piah khik kajap raidiuk hao binh saong cak rok patagok di bhap bini My jeng yau bhap bini châu A – Thai Binh Duong./.

 # harei 18/5, kapul daong di Hàn Quốc duah hu 1 urang njauk bala di mbang kram phà Xê-uôn (Sewol), di langiu ar tasik gah tây nam Hàn Quốc meng bilan dahlau, patagok abih tih urang metai hu brei thau tal 286 urang. Urak ini, jeng daok 18 urang lahik. Tui brei thau, kapul daong nao dauh di labik gieng saong sang mbang di tầng 3, gah akaok phà saong paplah jalan nao tagok tầng 4 di phà. Tapa nan kapul duah hu duah mboh sa urang di sang gieng./.