# Taduan panuac daa di  akaok Quốc hội Nguyễn Sinh Hùng, Akaok Quốc hội Campuchia Samdech Heng Samrin ba akaok Kaoul urang pakat glaong Quốc hội Campuchia hu mai tal Hà Nội, peih bruk rivang negar drei. Biar harei (18/8) hadei di tuk taduan raok, dua gah peih bruk ginum biai. Dua akaok QH jeng njauk hatai brei jhul patagok talei pambuak taong abih bruk  di dua Quốc hội taong abih gah meng diễn đàn song phương, jang yau pak dom diễn đàn nghị viện đa phương abih di nyu nan lac dalam bruk di  Đại hội đồng liên minh Nghị viện dom negar Đông Nam Á (AIPA) saong Liên minh Nghị viện dunya IPU…

#Meng harei 18 tal harei 22 bilan 8, di Ha Noi, tui tacei ba di Uy ban Thường vụ Quoc hoi, Akok Uy ban Phan Trung Lý, Ủy ban hukum hu peih ginum biai mbang ka 16. Dalm harei ngak ngak bruk camereip, Uy ban hukum hu brei panuac ka danak dak Hukum Tổi chức Karja puk palei. Hadei di nan Ủy ban Hukum jeng hu brei panuac ka dự án Hukum Tổ chức Rajaei (pasiam veik), dự án Hukum patabiak harak quy phạm hukum, danak dak Hukum Mặt trận negar Việt Nam (pasiam veik), Hukum Dân sự (pasaim veik).

# Piah pacang dom kan kandah kayua hajan, ribuk aia sua saong glut jaleih taneh, biar harei (18/8), Jabat Thường trực mBan tacei pato pacang caga ribuk aia sua Trung ương- jabat Ủy ban Negar Roh duah urang njauk bala hu công điện ka 14 payua ka mBan tacei pato pacang caga ribuk aia sua saong daong duah urang njauk bala dom tỉnh yau: Cao Bằng, Lạng Sơn, Tuyên Quang...dom Mentri: Quốc phòng, Công an, Jalan mbak pajeng ba, Công thương, Ngak nong saong patagok palei pala tacei pato peih ngak dom asal kadha yau: tui iek catang bruk hajan ribuk, kakei bhap bani daok tapen kraong craoh, daok gah ala dom binek, kavei, labik dhaong, labik glut jaleih, labik aia sua paglaong bruk pacang caga; kuhria caga manuac urang piah pasang iek jalan mbak nao mai di dom labik bhian dauk aia, bến gilai, jalan ngầm piah pato tacei bhap bani, radaih nao mai hu  siam mekre..v..v..

# Harei kabroi (18/8), Kapul urang ngak bruk di Mentri y tế kayua Akaok mentri Nguyễn Thị Kim Tiến ba akaok hu mai ngak bruk haong urang pal akaok dom gah chức năng di tỉnh Kon Tum ka nhân lực bộ máy, jien padai, cơ sở hạ tầng, chuyên môn saong chỉ số đầu ra di gah y tế tỉnh. Tal urak ini tỉnh Kon Tum padang hu mạng lưới y tế siam lagaih ngan haong 4 sang iek ruak, 2 chi cục, 9 pasak saong 102 balai y tế xã, phường, bal sit. Hadei di tuk thau hu dom bruk dom kadha, Akaok mentri y tế Nguyễn Thị Kim Tiến ndom lac, piah ka bruk iek glang pren yava bhap bani hu siam mekre jang, tỉnh njauk buh jien tame ka dom cơ sở y tế, min oh đầu tư dàn trải, ngak palai pajua.

  # Di tỉnh Nghệ An, Mentri Lao động – Thương binh saong Xã hội Việt Nam pambuak bruk saong  Mentri Lao động saong Phúc lợi xã hội negar Lào birau peih nyaom biai brei thaun ka Hiep định pambuak bruk gah urang ngak Viet – Lào. Tapa nan, jabat chuc nang di dua taneh ia hu khan brei gauk thau saong ginum biai ka cơ chế thông tin saong pathau khan, pambuak doanh nghiep dua taneh ia, jalan ngak tui sarak piah daong saong khik iek siam manuac ngak di Viet Nam – Lào tuk tapa ngak bruk di Lào – Viet Nam.

  # Meng 15 tuk biar harei 18/8, yaom xăng menyek hu trun, ini lac mbang trun yaom ka 3 dalam thun. Tui nan,  xăng A92 trun rilo di abih jaik 600 đồng sa lit. Meng yaom pablei urak ini lac 24.810 đồng sa lit, trun daok 24.210 đồng sa lít. Dua janih menyek daok veik trun oh hadom menyek diezen trun 80 đồng sa lít, menyek khaih trun 70 đồng sa lít. Yau nan, meng akok thun tal ini, darak pasar xang menyek hu 13 mbang ramik veik yaom kaom. Yaom trun di xang urak ini jaik samu yaom tagok dahlau deih. 

# Langik pandiak livik harei gam haong angin tây nam yuk khang mbuan ba tal khuah glai pak tỉnh Quảng Trị. Anak bruk yau nan, Chi cục Kiểm lâm tỉnh Quảng Trị daok tacei dom puk palei hu glai, dom po glai paglaong bruk pacang caga khuah, padam khuah samar drah. Ong Hồ Quang Luận, Phaok Akaok Ủy ban bhap bani  xã Cam Tuyền, huyện Cam Lộ, tỉnh Quảng Trị brei thau:

Băng: (Cam Tuyền hu  glai pala biak prong, bruk khik caga glai hu bruk daong di Hạt kiểm lâm Cam Lộ, dalam nan hu kapul urang khik iek glai di puk palei hu daong ka UB bhap bani xã quy hoạch, tabiak jalan pacang caga khuah. Ban tacei pato khik iek glai di xã pambuak haong kiểm lâm pak nan hu nao pathau khan brei ka mikva thau saong mbaoh tangin tame harak sanya pacang caga khuah kayua  kein laba di abih gauk.)

Khaw tin dunya:

# Rajaei Nhat Ban daok kuhria peih sa mabng ginum biai di uac bilan 9 gam saong dom taneh ia ASEAN ndem biai ka bruk pablei thiet bị quoc phong di Tokyo tapa khu vuc ini. Dalam mbang ginum biai kadha an ninh hàng hải, dom urang ngak praong di Nhat Ban meda langyah cambaic laic jang ka sarak pablei tabiak negar langiu pandap quoc phong di Tokyo, caong khin tapa nan meda pabak dom janih gilai mesruh saong kapal haok daong ka dom taneh ASEAN pakhang bruk khik caga.  

# Harei kabroi (18-8), đại sứ Mỹ pak Nigiêria Giêm En-tuýts (James Entwistle) ndom lac Nigiêria njauk pataom tame pacang cakak  bruk njom mbak di virút Ebola tapa dom jalan ngak yau brei urang ruak daok karei... Tui đại sứ Giêm En-tuýts, jru pandar ka dom urang njauk ruak nan lac jru ngak iek saong janih jru nan oh ka hu ralo. Nigiêria brei thau hu 12 urang njauk virút Ebola, rilo jang 10 urang dut haong dit dahlau, dalam nan 5 urang ruak daok hu siam veik pren yava, 189 urang di Lagốt (Lagos) saong 6 urang karei di bal E-nu-gu (Enugu) jeng daok hu tui iek.

# Hajan khang ngak ia duak saong glut jaleih taneh di An Do saong Nepal meng kreh adit dahlau mbiah tal ini ngak ka yaok rituh urang metai. Tui mentri Noi vụ Nepal, urang metai di taneh ia ini lac 98 urang saong 129 urang lahik. Takik di nyu 11.000 urang panduan nao labik karei. Bruk daong urang njauk bala gaok kan kandah kayua rilo jalan praong njauk haluk, patau jaleih pacang. Di An Do, hu takik di nyu 21 urang metai. Urang ngak praong di dua taneh ia kakei bhap bini panduan nao tabiak truh dom labik mbuan glut jaleih, kayua hajan khang meda daok rah tabiak dalam dom adait anka tal tra, meda ngak pacah binek ia.