Khaw tin pagaiy harei 20-4-2015

# Harei kabroi 19/4, Akaok Mentri ngak nong saong patagok palei pala Cao Đức Phát hu mai pataom mbaok dalam mbang peih pakak Diễn đàn “Patagok Châu Á” dalam tukvak rah tabiak Diễn đàn Kinh tế dunya WEF Đông Á hu peih tabiak pak Indonexia. Tui akaok mentri Cao Đức Phát: Ngak nong Việt Nam daok rik daong 20% GDP ka taneh aia, ngan haong phun jien mek tame meng bruk pablei tabiak negar langiu labaih 31 tỷ đô la sa thun, ba bruk ngak ka 50% manuac urang dalam negar saong nan lac labik diuk rai di 70% bhap bani. 

 # Tapa dua harei pakacah chreih chrai, siam mekre, pagaiy harei 19/4 Hội thao – daoh tamia – sram padhih thun 2015 kayua Công đoàn rayo sap ndom VN peih ngak di bhum taneran kraong CL hu salah siam mekre. Hu 9 giai nhat, 9 giai nhi saong 10 giai 3 hu brei ka kapul, urang mai meng dom labik daok di rayo sap ndom VN saong cong doan Rayo paparsap papr binguk ban sit Can Tho. Ông Phạm Duy Hưng, akaok rayo sap ndom VN daok di bhum taneran kraong CL labik dang peih ngak Hội thao brei thau :

Băng 30 giây: Salah blaoh Hoi thao thei jeng chreih chreih bui sambai, ngak ka talei pambuak bruk di dom labik di rayo sap ndom VN kak kajap jang, thau ka gauk jang. Abih di nyu nan lac bruk pataom mbaok labik yut, rayo paparsap papar binguk ban sit Can tho, pataom maok di dom urang chinh thuc di giai saong jeng mek hu thứ hajng biak glaong di dom bo mon pakacah. Ini jeng lac jak jeng di Hoi Thao thun ini.

# Dalam Harei nyaom adaoh tamia bhap bani kadha daoh cách mạng pakat negar pahadar 40 thun harei peih paha gah meraong yasa taneh aia, dom kapul nyaom di dom tỉnh yau: Bắc Cạn, Bắc Giang, Đắk Nông, Tiền Giang, bal Đà Nẵng... hu biểu diễn văn nghệ brei ka bhap bani bangsa takik di huyện Đakrông, tỉnh Quảng Trị mong iek. Dom urang daoh tamia hu ba mai ka urang mong iek dom kadha biak đặc sắc ndung bak ilamu meng kan yau: daoh quan họ, daoh nao mai, daoh chầu văn, dom kadha daoh ndung bak âm hưởng Tây Nguyên saong bhum taneran kraong Cửu Long.

# Dalam harei tapuk VN 21/4, pagaiy harei 19/4, di gilang tapuk tỉnh Kon Tum, Sở Thông tin saong Truyền thông tỉnh hu peih harei patabiak bruk pakacah puac tapuk pachreih tui harak ka 284, harei 24 bilan 2 thun 2014 di Thu tuong rajaei ka harei tapuk VN. Di harei patabiak pakacah puac tapuk, dom labik pataom tame hu alin jaik 3000 blah tapuk ka dom đồn biên phòng  saong bhapbini bhum atah bayah dalam tinh, taphia nan peih rilo gian hang pablei tapuk trun yaom.

# Tukvak pahadar 40 thun harei peih paha gah meraong, yasa taneh aia, biar harei 19/4, akaok bal raya  Hồ Chí Minh hu van taom gaok haong 250 urang lambaok ka dom bangsa, agama di bal raya. Pak van taom gaok, akaok Bal raya Hồ Chí Minh taong yaom glaong dom rik daong di bhap bani dom bangsa, agama dalam bruk peih paha bangsa saong cakrok patagok bal raya dalam 40 thun tapa. Akaok Bal raya Hồ Chí Minh sanya lac meda palagaih ka dom bangsa, dom agama ngak mbang, hu mbaok tame bruk dak padang bal raya.

# Melam harei 19/4 di sang bac Đại học Cần Thơ rah tabiak mbang pakacah Olympic dom mon khoa học chính trị  saong tư tưởng Hồ Chí Minh dalam  sinh viên sang bac. Mbang pakacah piah daong padang ka sinh vien hatai takre bac megru saong roh duah khoa học lý luận chính trị, thau samal jalan adat, sarak di Dang, adat hukum di karja. Taphia nan, pathau khan dalam mbang jak ba “ bac megru saong ngak tui jalan hadah trah siam mekre di Hồ Chí Minh" dalam sinh vien sang bac.

# “Ấn chương angaok châu bản triều Nguyễn” nan lac công trình kayua Pasak khik piah negar 1 daok dalam Cục Văn thư Lưu trữ karja peih ngak bahrau mek hu giải Bạc dalam hạng mục tapuk dheih dalam thun 2014. Hu thau công trình ini lac bruk patui veik baoh tapuk “Ấn chương Việt Nam meng abap 15 tal puac abap 19” xuất bản thun 2005. Tapuk ini kayua Sang xuất bản Hà Nội ngak tabiak.

# akaok mintri jien padai Hy Lạp Y-a-nít Va-ru-pha-kít (Yanis Varoufakis) harei kabroi kakei, meyah Hy Lạp njauk tabiuak truh labik đòng jien chung châu Âu (Eurozone), njauk lac bruk ini ngak tabiak hiệu ứng đô-mi-nô di abih khu vực.  Dom bruk khan brei thau ini hu ba tabiak dalam tuk akaok gilang pariak trung ương châu Âu Ma-ri-ô Đra-ghi barau ini brei thau, labik jien ơ-rô daok hu brei ngak siam jang duk saong dahlau thiah piah daong cakak saong sa mbang khủng hoảng Hy Lạp barau.

# Harei 19/4, Gilang pariak bhap bani Trung Quốc brei thau meda cakak trun 1% tỷ lệ khik pioiah di dom gilang pariak thương mại. Ini lac mbang cakak ka dua dalam thun ini piah jhul patagok bruk brei mesre. Quyết định angaok, hu peih ngak meng harei 20/4, hu ba tabiak dom harei hadei di tuk nền kinh tế prong ka dua dunya ini brei thau ka mức patagok biar dia abih kuhria tui quý dalam 6 thun tapa.

# Di Seoul, Hiệp hội Thương mại Đầu tư Hàn Quốc baru brei thau, toc do patagok bruk pablei pandap tabiak taneh ia langiu di taneh ini tok mek hu 4,4% dalam thun 2014 taong nem thun ka 4 trun takik hamit ( thun 2013 lac 4,8%, thun 2012 lac 5,6% saong thun 2011 lac 22%). Dom pandap pablei tabiak taneh ia langiu praong gaok kan kandah lac dom pandap hoá dầu, màn hình tinh thể lỏng saong pandap viễn thông.