# Mbang nyaom 7, Quoc hoi mbang 13 hu peih tabiak di page harei ini 20 bilan 5. Ini lac mbang nyaom kreh thun nan ye Quoc hoi caik ralo tukvak ka dom bruk praong yau padang hukum; pasang iek brei tapa 11 Dự án Hukum, 3 Sarak saong brei panuac mbang camereip ngan saong 16 Danak dak Hukum. Langiu di nan, Quoc hoi jeng hu pasang iek, ginum biai harak pathau  khan di Uy ban thuong vu Quoc hoi ka bruk pasang iek “Bruk peih ngak sarak, hukum trun kan kathaot, tukvak 2005 -2012”. Abih di nyu nan lac, dalam mbang nyaom ini Quoc hoi hu caik tukvak pang Pho Thu tuong, Akok Mentri Ngoai giao Phạm Bình Minh pathau khan ka bruk tasik Bien Dong, bruk Trung Quoc ba gian khoan Hai Duong 981 tame bhum tasik di Viet Nam,  sarak saong jalan ngak di Viet Nam. Ngan saong bruk ini, Akok Jabat Quoc hoi Nguyen Hanh Phuc lac: Bang: Tui jalan iek praong hukum, Quoc hoi Viet Nam hu tacei pato jalan langyah bruk merak gauk di tasik Bien Dong meng jalan hoa binh, tui njauk hukum dunya, dalam nan hu cong uoc di Lien Hop Quoc ka hukum tasik 1982 saong Hukum Lien Hop Quoc. Ndem ka bruk nan, rilo nghi5 si4 saong nghi vien dunya hu brei panuac pachreih tui Viet Nam, dalam nan hu dom nghi si Hoa Ky. Viet Nam caong khin hu rilo sap ndem di ayut di dunya piah khik caga quyền ngak po di Viet Nam jeng yau an ninh, salamat jalan tasik ngan saong dom taneh ia.

#  Dahlau di tuk peih mbang nyaom 7, Quốc hội mbang 13, dom urang Quốc hội hu pataom gaok cử tri di rilo puk palei. Tapa taom gaok dom urang QH, cu tri caik hatai sangka rilo tal bruk an sinh xa hoi, bruk padang ngak hukum saong bruk tasik. Ông Đinh Công Sỹ, Phó akaok kapul urang Quoc hoi tỉnh Sơn La brei thau : tapa taom gaok cu tri bhapbini bhum ceik, kol dahlak caong khin dom sarak jaik patabiak njauk dui pataom dom bruk, jhui dàn trải rilo. Dom sarak njauk ba mbuan lagaih ka mikva, meng pren yava di drei piah yam tagok patrun kan kathaot.  

# Di tinh Khanh Hoa, cử tri biak caik hatai sangka tal bruk Đảng, Karja, Rajaei langyah bruk ngak po tasik kaoh pualo saong khik kajap độc lập tự do di taneh ia. Ong Nguyễn Tấn Tuân akok Kapul urang Quoc hoi tỉnh Khánh Hòa khan lac: “Cử tri biak sangka tal bruk Trung Quoc ba gian khoan Hai Duong 981 tame bhum tasik di Viet Nam. Cử tri jeng caong khin meng jalan ndem biai, ngoại giao, Đảng, Karja, Rajaei brei hu panuac ndom haong dom urang ngak praong pan akaok Trung Quoc. Daok mikva nao tasik jeng mboh sahanang hatai pataom tame bruk nao tasik ngak mbang taong chap ikan, hadng khik iek tasik di negar drei saong khik kajap bruk ngak po tasik di pulao kaoh Hoàng Sa saong Trường Sa.

 # Dom harei tapa, anak bruk Trung Quốc padang giàn khoan Hải Dương 981 angaok bhum tasik taneh ia drei, ngak suan cong uoc ka hukum tasik thun 1982, lih tame quyền ngak pô di Việt Nam, dom kapul ngak tui adat hukum di drei pataom tame pasang iek, pathau khan, pacang cakak bruk ngak suan hukum ini. Gah Trung Quoc ba labaih 130 sruh kapal, dalam nan hu dom kapal quân sự, hải cảnh, hải giám, kapal vận tải saong kapal ikan tuk halei jeng caga ginuh tame kapul chấp pháp di drei ye dom kapal kiểm ngư, Cảnh sát tasik. Meng 7 tuk meteh harei 18/5, kapal hải cảnh di Trung Quốc hu angan 32101 pandar vòi ia, blaoh ginuh tame kapal canh sat tasik Biet Nam ka 2013, ngak tayah lan can mạn gah hanuk kapal. Patui di nan, kapal hải cảnh 32101 nyu pacang cakak saong pandar vòi ia pruh tame kapal kiểm ngư 962 saong 766 di Việt Nam. Dom kapal taong cap ikan meng kanduh pathei di Trung quoc daok khieu khich urang ngak ikan di drei. Baoh kapal ikan di Trung Quốc ka 71015 nyu ginuh tame saong ngak ka 4 kapal di urang ngak ikan Việt Nam lac Đn 905406, Đn 9235, Qna 91559 saong Qna 91297 khut gah likuk di cabin. Yaom lac gaok khat lahik meng dom bruk ngak suan ini, min urang ngak ikan Biet Nam jeng daok kham merat nao tasik, taong cap kaya ikan dalam ia, brei mboh chu quyen saong toàn vẹn lãnh thổ. 

#Gilang pariak cổ phần Ngoại thương Viet Nam iew lac Vietcombank birau alin hệ thống loa pathau khan đặc biệt ka gah cảnh sát khik iek tasik Viet Nam, tui yaom jien 3 tỷ đồng. Hệ thống loa nan hu daong patagok prein khang ka gah cảnh sát tasik dalam tuk ngak bruk  khik caga quyên ngak po tasik di palei negar. Saong piah pachreih dom urang jakar, urang lin cảnh sát tasik Viet Nam jeng yau bol lin saong bol bhap rahra daok di tasik pulao kaoh patui khik kajap labik akok riyak jung hangin, ngak sian bruk ngak di drei.

# Pahadar 124 thun harei menek Chủ tịch Hồ Chí Minh, pachreih tui thun damdara halan hatian kayua raidiuk bhapbini, harei kabroi (19/5), kapul gru jru ranaih tỉnh Đắc Lắc peih bruk pok meyaom gru jru ranaih ngak tui panuac Wa – halan hatian kayua pren yava bhapbini. 30 gru jru ranaih lambaok vakil ka 500 urang gru jru ranaih dalam tinh hu pok meyaom mbang ini lac dom y bac sy, dieu duong hadah krah dalam bruk roh dauh alamu saong hu mbaok tame dom bruk halan hatian kayua raidiuk bhapbini. Taphia nan, dom mbang “ hanh trinh nhan ai kayua pren yava bhapbini” dom urang gru jru ranaih hu nao tal mikva bhum atah bayah oh lac pak Dak Lac bo daok nao tal Tay Bac saong tapa gam taneh ia yut Campuchia.

# jeng dalam harei 19 bilan 5, Uy ban bhap bini tỉnh Binh Duong ngak bruk saong kjapul urang jakar ngak bruk Bảo hiểm xã hội Việt Nam ka bruk langyah che đo sarak bao hiem xa hoi ka urang ngak di dom doanh nghiệp gaok khut khat. Tui Bao hiem xa hoi tinh, meng harei 13 tal harei 15 bilan 5 hu blaoh 30 kapul urang jakar tame ngak bruk saong dom doanh nghiep hadei dui bruk cong nhan trun jalan ngak sraw kadau di tỉnh piah pataom sổ bao hiem xa hoi saong pataom hu 100.000 sổ di 100 doanh nghiep. Min hu 12 doanh nghiep njauk khut khat trak, apui khuah mbang 25.000 sổ bao hiem xa hoi. Piah langyah hu siam dom sarak ka urang ngak bruk, Bao hiem xa hoi tỉnh Binh Duong brei chốt sổ ngan saong dom doanh nghiep apui khuah mbang, dom doanh nghiep khut khat trak. Tui kuhria dahlau, dom urang ngak hu mbang tui bruk daong lahik bruk ngak nan lac 70.000 urang saong 10.000 urang ngak salih tapa ngak bruk di dom doanh nghiep karei.

Khaw tin dunya

# Harei karoi 19/5), karja tỉnh Na-khon Pha-nôm, Thái Lan pambuak bruk saong kapul Việt kiều tỉnh Na-khon Pha-nôm pahadar mbang kaya 124 harei menek Wa Ho. Labaih 900 Việt kiều di Thái Lan mai pataom mbaok. Di var pahadar, Đại sứ quán Việt Nam pambuak bruk saong kapul Việt kiều tỉnh hu daong 30 paok jien bac ka dom anek saih kan kathaot. Urak ini, tinh Na-khon Pha-nôm daok peih bruk padang ngak labik hadar Chủ tịch Hồ Chí Minh saong yaom jien 30 tỷ đồng kayua  Tổng Bí thư Nguyễn Phú Trọng alin brei dalam mbang ravang Thái Lan thun  2013.  

 # Urang dang kaok gah Khik caga tasik Hàn Quốc Kim Súc-ki-un harei kabroi 19 bilan 5 hu taduan bruk ba tabiak di Tổng thống Pắc Cưn Hê ka bruk brei padeih ngak bruk di gah Khik caga tasik di taneh ia ini kayua ngak oh jeng dalam bruk daong urang njauk bala kapal karam di bilan dahlau. Brei panuac saong dom urang vak mbao, ong  Kim Súc-ki-un lac: “ Khol dahlak taduan tui hrak quyet đinh nan di Tổng thống Pắc Cưn Hê. Khol dahlak meda kham merat ba baih prein yawa di drei piah duah dom urang lahik. Khol dahlak daok patui bruk duah tal tuk halei dauh mboh ginup abih urang lahik yau panuac sanya.”

# Urang vak di rayo sap ndom Biet Nam daok di Lao brei thau, harei 19-5, di jabat rajaei Lao, ông Phạm Quang Trung, Phó Tổng giám đốc gilang pariak Đầu tư saong patagok Việt Nam (BIDV) lambaok vakil ka dom Hiệp hội doanh nghiệp Việt Nam đầu tư tapa Lào hu alin yaom jien 47 rabau đôla Mỹ daong dom urang njauk bala metai dalam mbang laik kapal ahaok di Lao harei 17-5 meng blaoh. Lambaok dom jabat saong sang gauk gar urang njauk bala, ong Phết-xạ-khon Luổng-a-phay- Phó Chủ nhiệm jabat rajaei Lào brei panuac ndua dhar phuan dom doanh nghiep, dom urang dau tu Biet Nam; saong sanya ba jien daong ini tal dom sang hu urang njauk bala dalam tukvak samar di abih.