# Biar harei 19/8, pak Jabat Trung ương Đảng, Tổng Bí thư Nguyễn Phú Trọng hu taduan raok Kapul urang lambaok pakat glaong Quốc hội negar Campuchia kayua Xăm-đéc Hêng Xom-rin, Chủ tịch Danh dự Đảng bhap bani Campuchia, Akaok Quốc hội negar Campuchia ba akaok tapa rivang Việt Nam. Pak van taduan raok, Tổng Bí thư taong yaom glaong dom bruk ngak hu meng talei pambuak bruk di dua Quốc hội di dua negar dalam tukvak tapa saong caong khin dalam tukvak anak tal dua Quốc hội dua negar, patui veik bruk klah rabha brei ka gauk dom ilamu dalam gah padang ngak hukum, pasang iek saong patabiak dom bruk prong di taneh aia... 

# Dalam mbang nyaom 16 di Ủy ban hukum di Quoc hoi, harei kabroi. Dom urang lambaik vakil QH brei panuac ka Hukum padang Rajaei pasiam veik. Di mbang nyaom, dom urang QH hu brei panuac ka dom asar kadha yau: jalan sahaneng, jalan ngak di Dự án Hukum; bruk ngak, cơ cấu di Rajaei; bruk ngak di Mentri saong bruk ngak, quyền hạn di mentri…Meng dom panuac rik tame di urang QH, ban soạn thảo brei ramik pasiam Dự thảo Hukum padang Rajaei( pasiam veik) piah pok tagok Quoc hoi brei panuac mbang camereip di mbang nyaom anak tal.

# Tal pathram megru paglaong ilamu ngak bruk brei ka urang jakar Kapul Chữ thập đỏ negar Lào hu peih tabiak meng harei 18/8 saong meda dui atah tal abih harei 19/10, hu mbaok 20 urang jakar chữ thập đỏ mai meng ralo tỉnh di negar Lào. Ini lac danak dak piah peih ngak Harak sanya pambuak bruk nao mai di Kapul Chữ thập đỏ dua negar hu mboh tangin di thun 2013; nan lac tukvak piah ka urang jakar chữ thập đỏ Việt Nam saong Lào klah rabha ilamu bruk ngak saong bruk Chữ thập đỏ, pasiam pakajap talei rohim, pambuak bruk nao mai di Việt Nam - Lào.

# Cục Y tế dự phòng di Mentri Y tế birau brei thau ka bruk dua urang negar Nigeria tame Viet Nam meng mblang kapal haok Tân Sơn Nhất, ban raya Hồ Chí Minh, mboh rup pandiak, medil lac nyom virut Ebola. Tui nan, biar harei 19 bilan 8, sruh kapal haok par meng Qatar tal Việt Nam trun di mblang kapla haok Tân Sơn Nhất hu dua urang Nigeria mboh rup pandiak, min oh ka mboh hagait karei tra. Mentri Y tế hu tacei pato Viện Pasteur ban raya Hồ Chí Minh saong gah y tế ban raya brei ngak harak pasang iek, brei daok karei tui quy định saong ba 2 urang nan daok karei di Sang iek ruak Nhiệt đới ban raya Ho Chi Minh piah tui iek, dut iek prein yawa tui bruk ba tabiak. Mentri Y tế brei patui veik bruk dut iek prein yawa di dua urang nan hu hagait meda brei thau hadei.

# Harei (19/8), Kadung jien Brei ka uranaih Việt Nam, Kadung jien brei ka uranaih tỉnh Đắc Lắc, Sang iek ruak Hữu Nghị Việt Nam - Cu Ba, Sang iek ruak Đại học Tây nguyên saong jabat daong - Kadung jien Romuald Burkard di kapul nyaom Sika, peih bruk blac raih oh mek jien ka ranaih dị tật bẩm sinh angaok mbaok meta pak dom tỉnh Tây Nguyên saong tỉnh Khánh Hòa. Dom urang ruak ginup điều kiện meda hu daong taong abih yaom jien blac raih, jru, jien radaih nao mai, jien mbang huak dalam tukvak daok ndih iek ruak. Sa-ai H Ben Ksơr, bangsa Ê Đê daok pak huyện M’Đrắc, tỉnh Đắc Lắc, lac amaik di kamuan Y Khen Di Ksơr menek thun 2007, brei thau:

(Băng- Tiếng Ê Đê: Dahlak ba anek mai iek ruak kayua kamuan nyu mbaih cambuai, dahlak ba anek mai caong khin Karja saong dom bác sĩ iek abih ruak ka anek dahlak piah kamuan nyu nao bac hu siam, kamuan nyu prong tagok nyu thau saneng, nyu jeng urang hu kein ka taneh aia, ngak tui panuac Wa Hồ pato. Dahlak thau dhar phol y bác sĩ biak ralo.)

# Meng akaok thun mbiah tal ini, di Binh Phuoc hu 14 sruh jit ruak pandiak tabiak darah ngak ka 242 urang njauk ruak. Tui chu kỳ yaok thun ye urak ini lac akok bilan jit ruak, ruak pandiak tabiak darah dalam tỉnh mbuan pambak praong saong tamuh khang jang. Urak ini gah y tế caga ruak tỉnh Binh Phuoc brei pruh jru  di dom labik hu jit ruak saong dom labik mbuan tamuh jit ruak. Tui nan, pathau khan ka bhap bini brei pambuak bruk saong gah chức năng, brei cang caga jit ruak piah khik siam prein yawa ka rup drei jeng yau ka urang karei. 

# Meng akaok thun tal ini, tỉnh Phú Yên rah tabiak 14 mbang khuah glai, tagok 10 mbang dut haong tukvak ini thun dahlau, ngak khat lahik jaik 300 héc-ta glai pala. Mbang khuah jaik ini ngak khat labaih 12 héc-ta glai pala pak huyện bhum ceik Đồng Xuân. Langik tua riya pandiak bhang dui atah ngak labaih 1.500 hécta glai pala matai, mboh ralo di dom huyện Đồng Xuân, Tuy An saong bal sit  Sông Cầu. Anak bruk langik pandiak dui atah, Chi cục Kiểm lâm tỉnh Phú Yên hu kakei mikva daok jaik taphia glai njauk paglaong hatai sangka tuk pandar apui dalam glai.

   Khaw tin dunya: 

# Tân Hoa xã harei 19 bilan 8 ba panuac di Mentri Ngoại giao Campuchia Koy Kuong brei thau, taneh ia ini saong Lào hu ngak salah blaoh 86% bruk parabah jaln taphia negar  saong sanya brei ngak salah bruk nan dalam drah samar di abih. Javap calei gah harak mbao hadei mbang taom gaok di Phó Thủ tướng gam lac Ngoại trưởng Campuchia Hor Namhong saong Đại sứ Lào di Phnom Penh Prasith Sayasith, ong Koy Kuong brei thau mbiah tal ini, dua taneh ia padang hu 121/145 got talei negar, saong caong lac, 14% bruk parabha talei negar daok veik hu ngak salah dalam tukvak samar di abih. 

# Gah Y tế Dunya bahrau brei thau, dalam 3 harei tapa hu gilac 84 urang metai kayua jit Êbôla, patagok urang metai kayua virút ini, lac 1 ribau 229 urang. Manuac urang njom Êbôla jeng hu bharau 113 urang dalam 3 harei tapa. Yau nan manuac urang njaom Êbôla hu mboh angaok angaok dunya nan lac 2 ribau 240 urang. Dahlau di nan, Gah Y tế Dunya harei kabroi jeng hu panuac kakei raja-ei dom negar hu jit Êbôla tamuh khang njauk patagok bruk pasang iek jit di dom pabah mbang negar pakat dunya, pacang cakak oh brei pambak prong tapa labik karei.

            # Dom mbang hajan khang dalam dom harei tapa ngak ka labaih 1 ribau 500 palei sit daok taphia talei ceik Hi-ma-lay-a, gah pai Ấn Độ dauk dalam ia. Langiu di nan, yaok ribau baoh sang njauk panduan nao labik karei chip kayua glut jaleik ceik patau.. Ia sua hu gluh baok ngak khut abih jalan mbak, ngak lahik điện di ralo labik. Urak ini, Rajaei daok peih bruk daong chip ka bhap bini daok gaok kan kandah kayua ia duak.