Khaw tin pagaiy harei 21-3-2015

/ Thủ tướng rajaei hu panuac pandar mintri pato megru samar pathau khan ka bruk tuyển sinh di tong abih dom sang bac ĐH, CĐ piah dong ka anek saih samar hu jalan tut angan tame pakacah ka nyu lagaih. Patagok bruk jakh ba dom kapul nyaom dong ka dom thí sinh lac urang bangsa takik, dom boh sang sarak karja, boh sang kan kathaot bhum atah bayah hu jalan pataom mbaok tame mbang pakacah, oh caik ka anek saih halei klak pakacah kayua oh hu jien atau kayua bruk nao mai kan kandah.

# Phó Thủ tướng Vũ Văn Ninh – akaok mban tacei pato Trung ương ka bruk salih bahrau sarak jien bilan, bảo hiểm xã hội saong daong ka urang hu kaong, hu panuac pandar brei padang jalan ramik pasiam tanut jien bilan tối thiểu ka labik doanh nghiep njauk saong bruk ngak mbang pablei salih saong samal khik tani tanat raidiuk di urang ngak. Pho Thu tuong jao ka mintri jien padai padang jalan can doi kadung jien karja tukvak 2016 – 20120 piah ba tabiak jalan ramik pasiam yaom jien bilan cơ sở di gah hành chính sự nghiệp, meda ramik pasiam di thun 2016 saong dom thun tal.

/ Piah pahadar 50 thun bruk “Thun halan hatian”, 84 thun padang kapul dam dara CSHCM song jao giải thưởng Lý Tự Trọng, Kapul dam dara cộng sản Hồ Chí Minh pakat negar hu peih dom bruk ngak dalam 2 harei 24,25/3 di ban raya HCM. Bruk ini hu ba tabiak dalam mbang họp báo di TƯ Đoàn beir harei 19/3

# Hadei di tuk yaom xang tagok 1.610 đồng/lít, yaom menhek jeng barau tagok 7,5%, urang pandar jeng ye doanh nghiep di tinh Nghe An daok ba tabiak jalan patak pataom menhek dalam sản xuat saong pandar menhek yaok harei. Sở cong thuong Nghe An brei thau, rilo doanh nghiep dalam tinh Nghe An jeng caga buh jien tabiak blei pandap pandar abih takik menhek,  padang dom jalan pandar menhek patak pataom saong kein laba, khik caga pandar njauk cong suat saong biểu đồ phụ tải hu tut angan dalam harak pambuak bruk pablei salih menhek. 

/ Miunyim tỉnh Lâm Đồng bahrau pambuak bruk song miunyim urang kamei Nam bộ peih bruk parang iek “Adat mbang hala di dom bangsa VN”. Parang iek hu yaih khan tal menuac sia 150 pandap panda, thaot binguk ka adat mbang hala dalam rai duik di urang VN. Taphia dom janih pandap hu yaom glong, 26 thaot binguk hu yaih khan kai bein hala Bà Điểm (Hóc Môn – ban raya HCM), labik pala rilo hala paneing, bruk mbang hala, paneing dalam likhah caga, hala paneing dalam rija roya.

# Ban An toàn giao thông tỉnh Quảng Nam barau pambuak bruk saong Kadung jien pacang caga metai lahik châu Á (AIP) peih bruk jak ba meom ndon bao hiem ka anek saih di sang bac pakat sa Nguyễn Hiền, xã Tam Anh Nam, huyện Núi Thành, Quảng Nam. Tgapa nan, kadung jien AIP saong Công ty Johnson& Johnson daong, alin 2.987 ndon bảo hiểm siam, njauk chuẩn ka anek saih saong gru patao di 5 sang bac dalam tỉnh. 

/ Khu Công nghệ cao song khu Nông nghiệp công nghệ cao ban raya Hồ Chí Minh meda hu mbaok dalam nyaom darak pasar Pandap VN chất lượng glong. Nyaom darak pasa pandap VN chất lượng glong mbang ka 15 rah tabiak camereip abih di thun ni meng harei 24 tal harei 29/3 anak tal di AG, lac bruk peih mbaok ka dom bruk yaih khan, pambuak bruk ngak mbang pablei salih di DN 4 labik ABCD Mekong (lac An Giang, Bến Tre, Cần Thơ, Đồng Tháp) gam song DN pandap VN chất lượng glnog duh ka urang blei pandar

Khaw tin dunya

# Tui taong yaom di dom chuyen gia kinh tế, dom gah sản xuất saong padang ngak di Singapore  daok gaok kan kandah kayua dom tác động di kinh tế dunya. Kayua yau nan ye, dom chuyên gia kinh tế jeng patrun tanut dự báo tăng trưởng di Singapore dalam thun ini meng 3,1% trun daok 2,8%. Min, tanut patagok ini jeng daok dalam tanut brei thau dahlau nan di rajei lac meng 2- 4%.

/ Ban Thư ký ASEAN bahrau brei thau, iek glang pren yava ka anek menuac, dalam nan hu gam gah jru tavao duh ka bruk iek glang, khik caga pren yava, hu mong lac sa dalam 12 kadha njauk ngak dahlau dalam bruk ba drei tame KT ASEAN. Yau nan, piah palagaih song bruk tabiak mbaok Cộng đồng ASEAN di jhung thun ni, dalam nan hu cộng đồng KT ASEAN (AEC), sa thỏa thuận ka bruk pasang iek chất lượng dom janih jru tavao hu dom negar ASEAN brei tapa saong mbaoh tangin tame./.

# Gah Du lịch taneh ia Nhật Bản brei thau, tuai VN nao tal Nhật Bản dua bilan akaok thun ini tagok labaih 54%, samu 21.800 mbang urang duk saong 14.126 mbang urang di dom bilan ini thun 2014. Yaom lac tuai Việt mai Nhật Bản dang ka 13 gah so luong, min dang ka 3 gah tốc độ patagok tuai du lịch, hadei di Trung Quốc lac 99%  saong Philippines jaik 72%./.