Khaw tin 10h30 saong 14h30, harei 21-4-2015 

# "Yaok thun, raja-ei buh tabiak 12 riubau tỷ đồng ka bruk bảo trợ xã hội; dom puk palei trợ cấp xã hội yaok bilan saong brei thẻ bảo hiểm y tế ka 2,6 triệu urang  bảo trợ xã hội..." Bruk ini hu khan brei thau pak nyaom biai  hu angan lac "Bruk ngak bảo trợ xã hội thun 2015" kayua Mentri Lao động Thương binh saong Xã hội pambuak haong Ủy ban bhap bani tỉnh Khánh Hoà peih ngak dalam harei 20/4, pak bal Nha Trang. Pak nyaom biai, Akaok Mentri Lao động Thương binh saong Xã hội Phạm Thị Hải Chuyền brei thau: Yau urak ini, xã hội hóa ye oh ka hưởng ginup abih dom sarak yau dom cơ sở di công lập. Tui jalan ngak yau nan piah pachreih bruk  xã hội hóa. Yau nan meng njauk haong xu thế.

 # Dalam dua harei 21 tal 22/4, di ban sit Vinh, tỉnh Nghệ An rah tabiak Diễn đàn Kinh tế Mùa xuân thun 2015 ngan saong kadha “ pasiam darak pasal dau tu pablei salih di Việt Nam”. Bruk ini kayua Ủy ban Kinh tế di Quốc hội peih ngak, pachreih hu rik panuac rik tame di dom chuyen gia kinh te saong urang urang ba tbiak sarak.

# Mbang hajan patau hu mboh tuk 2 tuk biar harei 20/4 saong dui atah jaik  20 minit ngak ka yaok rituh ha njam hijao dom janih pak huyện Đơn Dương, tỉnh Lâm Đồng  khut khat abih. Jeng dalam tukvak nan, sa mbang ribuk khang  nao tapa xã Ka Đơn, huyện Đơn Dương, ngak ka yaok pluh baoh sang di bhap bani tapar tabung, khut tayah. Tui ong K’Điêm, phaok akaok Kapul urang nong huyện Đơn Dương, ini lac mbang hajan patau prong abih dalam 5 thun gilac mai ini :“5 thun gilac mai ini oh ka hu mbang hajan patau halei prong yau mbang hajan meng blaoh. Khat lahik dalam nan hu njam patam katut panak harei, njam mbang hala ye mboh khut abih yau njam xà lách, bắp sú ye hala bram abih. Dom urang pala dalam sang kareih, sang halam njul ye takik khat lihik jang”

# Melam 20/4, akaok uy mban bhapbini ban sit Cam Ranh, tỉnh Khánh Hòa hu ginum biai saong bhapbini puk palei daok pataom gauk anak uy mban bhapbini phường Cam Phúc Bắc kayua mboh lac kaya ikan raong dalam ia metai rilo mai meng bruk kuac vịnh Cam Ranh. Hadei di tuk rah tabiak bruk nan, ban sit Cam Ranh hu pilih ruah dom kapul jak ba bhapbini khik ramik trật tự, saong daa tame balai uy mban bhapbini phường Cam Phúc Bắc piah ginum biai, pataom mek dom panuac caong khin di mikva.

# Harei 20/4, pak van nyaom brei thau ka tiến độ dom canah jalan pasei đô thị (tuyến metro), ong Lê Khắc Huỳnh, Phaok Trưởng Ban quản lý jalan pasei đô thị bal raya Hồ Chí Minh brei thau: Tuyến metro ka 5 – vaktu 1 (ngã tư Bảy Hiền – tatua Bei Gon) hu ramik ginup phun jien đầu tư ngan haong yaom phun jien buh tame ngak abih tih  1,563 tỷ Euro, nan lac dự án praong pakat negar nan ye njauk ba tagok Quốc hội mong iek, brei panuac. 

# Tỉnh Long An urak ini hu 28 labik công nghiệp, praong abih tih labaih 10.000 ha,  dalam nan hu 16 khu công nghiệp tame ngak bruk, tỷ lệ ba tame pabak jaik 50%, hu 32 cụm công nghiệp saong labaih 3.300 ha. Urak ini hu 34 taneh ia saong bhum lãnh thổ buh jien tame ngak mbang di Long An, pachreih hu labaih 600 dự án, ngan saong yaom phun jien tut angan abih tih labaih 3,6 tỷ đô la Mỹ. 

# Lac bal raya pasak labik Bhum taneran kraong Cửu Long, yaok thun manuac urang mai rivang ma-in pak Cần Thơ đều tagok, dom baha Khmer nan lac labik njauk caik hatai mong iek. Abih di nyu lac 3 baoh baha nan lac Munir Ansay, Pitu Khôsa Răngsây pak pasak bal saong Pôthi Somrôn pak quận Ô Môn hu Ban Trị sự Phật giáo bal Cần Thơ saong trụ trì dom baha palagaih piah meyaih khan brei ka tuai damuai thau ka adat cambat tarakun urang Khmer Nam bộ saong dom adat cambat agama hu khik piah dalam bhap bani.

Khaw tin dunya

# Dalam tuk barau rah tabiak bruk karam kapal pajeng yaok ratuh urang di cư di Địa Trung Hải, hu rilo sap ndom khang ieuk ngak samal chip di Chau Au saong bhapbini di dunya piah daong cakak dom bala praong yau nan meda rah tabiak. Dalam sa kham merat barau abih piah daong cakak bruk urang nhap cư suan hukum, Liên minh châu Âu harei kabroi 20/4 hu patabiak sa jalan ngak piah daong cakak dom thảm kịch karam kapal nhập cư di Địa Trung Hải rah tabiak gilac. 

# Harei 20/4, Triều Tiên brei dui atah jang 4 harei, tal harei  24/4, piah 124 công ty Hàn Quốc peih ngak pak khu công nghiệp chung Kaesong (Kê-xâng) ba-yar lương bilan 3/2015 tui tanut tagok bahrau ka jaik 53.000 urang ngak Triều Tiên ngak bruk pak ini.  

 # Harei kabroi 20/4, Trung Quốc  saong Pakistan brei patagok talei pambuak bruk di taong abih gah. Tui Thủ tướng Pakistan Na-oa Xa-díp, di mbang gaok, dua gah jeng hu njauk hatai gauk peih ngak dự án Hành lang Kinh tế Trung Quốc – Pakistan yaom 46 tỷ đô la, dalam nan  hu dom jalan nao mai, jalan ridaih apui saong dom dự án năng lượng pambuak pagam cảng ia dalam Goa-đa (Gwadar) di Tây Nam Pakistan saong labik tự trị Duy Ngô Nhĩ di Tân Cương, Tây Bắc Trung Quốc.