# Harei ini 21 bilan 5, patui mbang nyaom 7, Quoc hoi mbang 13 brei ginum biai rilo kadha praong. Var page Quoc hoi pang Akok Uy ban ilamu, cong nghe saong moi truong di Quoc hoi Phan Xuân Dũng pathau khan langyah, pataom mek panuac, pasiam dự thảo Hukum pasiam veik, pabak dom paka di Hukum jalan kraong ribaong dalam taneh ia saong ginum biai dom asar kadha daok hu panuac karei di gauk ka dự thảo ini. Tal jala pandiak, Quoc hoi ginum biai ka bruk daok rah tabiak di bhum tasik biển Dong, bruk Trung Quốc ba gian khoan Hai Duong 981 tame padang dalam bhum tasik di negar Viet Nam; jalan tacei ba saong langyah di Viet Nam. Khol dahlak meda khan brei thau dom asal kadha ngak bruk di Quoc hoi  dalam biar harei ini. 

# Taduan panuac daa di Tổng thống Cộng hòa Philippines Ben-níc-nô A-ki-nô III saong akaok Diễn đàn Kinh tế dunya Cờ -lau-xơ Xơ-oáp, pagaiy harei ini 21/5), Thủ tướng Nguyễn Tấn Dũng saong kapul urang jakar Việt Nam tabiak truh Hà Nội tapa ban ine Manila di Philippines piah pataom mbaok tame Diễn đàn Kinh tế dunya ka Đông Á 2014 saong rivang, ngak bruk di Philippines dalam dua harei, harei ini saong harei paguh. Di dien dan, Thủ tướng Nguyễn Tấn Dũng hu puac harak brei thau praong dalam mbang nyaom abih gauk saong hu mbaok dalam angan lac tuai daa dac biet di dom mbang ginum biai ka sáng kiến “patagok châu Á” ngan saong kadha “ danakdak ginum biai bruk ngak nong saong an ninh padai brah di ASEAN” saong “jhul patagok kinh te ASEAN tapa bruk paglaong talei pambuak bruk công – tư”. Dalam dom bruk di dien dan ini, Thủ tướng Nguyễn Tấn Dũng jeng meda hu ginum biai saong dom urang pan akaok dom tập đoàn, doanh nghiệp dunya.

 # Harei 20 bilan 5, di Ha Noi rah tabiak nyaom bia pataom iek veik 10 thun peih ngak Sarak 36/NQ-TW di Mentri Chính trị ka bruk urang Viet Nam daok di negra langiu. Akok negra ong Truong Tan Sang  mai pataom mbaok saong brei panuac tacei pato. Brei panuac di nyaom biai,  ong Truong Tan Sang ndom lac: bruk pataom iek veik Sarak 36 di Mentri Chính trị ka bruk urang Viet Nam daok di negar langiu njauk brei tacei tabiak bruk ngak hu jeng yau bruk oh ka ngak hu piah ba tabiak jalan ngak suai lavik saong jaln peih ngak dalam tukvak anak tal. Akok negar  kakei lac: Urang Viet Nam daok di negar langiu nan lac oh atah hu saong lac prein khang di bangsa. Njauk langyah dom kan kandah, tavak tavaiy dalam bruk peih ngak dom sarak pambak tal piah patagok pren khang ini dalm bruk dak padang saong khik caga taneh ia.

 # Tui iek bruk tasik dom harei tapa, bhapbini urang Viet asal Lo di ban sit Buôn Ma Thuột, tỉnh Đắc Lắc jeng mboh pandik hatai anak bruk ngak ngang nguoc di Trung Quoc meblah bhum tasik di  Việt Nam. ông Xú A Xáng, daok di tổ dân phố 9, phường Tự An, ban sit Buôn Mê Thuột brei thau : Dahlak mboh Trung Quốc ngak yau nan lac suan, oh njauk hukum dunya. Harei ini dahlak hu vak sa blah thư payua ka Đại sứ quán Trung Quốc, pandar Trung Quốc  samal ba giàn khoan saong dom kapal tabiak truh bhum tasik Việt Nam di kol dahlak. Kol dahlak takre hoa binh oh khin methuh metak, khik talei rohim di dua taneh ia Việt Nam – Trung Hoa.

# Mentri Pato megru birau hu harak tacei pato dom Sở Pato megru brei pakhang bruk pacang caga jit ruak tangin takai cambuai saong jit ruak pandiak tabiak darak di sang bac. Mentri iew dom Sở Pato megru brei pambuak bruk khang kajap saong dom jabat y tế palei padang bruk ngak cambaic laic piah khik caga prein yawa, brei daok karei saong peih ngak hu siam dom jalan pacang, caga jit ruak; Khan brei dom balai y te palei thau chip tuk mboh uraniah , anke saih ruak piah pambuak bruk ngak sumu; Jhul pakhang bruk pathau khan, pato megru ka anek saih , gru pato, ngak siam bruk khik hacih rup pabhap, labik daok; Pakhang bruk pasang iek, pasang iek bruk peih ngak dom quy định ka bruk khik pandap mbang hacih sa-at…

 # Tal urak ini, tỉnh Bà Rịa-Vũng Tàu peih ngak hu 16 danakdak negar di bhum taneh ngak nong, palei pala ye : danakdak negar ka bruk ngak saong pato bruk ngak; danakdak negar patruh kan kathaot khang kajap; danakdak negar padang ngak palei pala barau. Tapa peih ngak, dom danakdak ini patagok hu siam lagaih dalam bruk jhul patgok kinh te saong pasiam raidiuk urang nong, jien mek tame kuhria rah tapa tui akaok menuac tagok biak rilo, meng 380.000 đồng/sa urang/ sa bilan thun 2002 tagok 2.146.000 đồng/sa urang/sa bilan thun 2012, ba bruk ngak saong pasalih bruk ngak palei pala tui jalan công nghiệp hóa-hiện đại hóa saong mbeik drei tame, patruh eik, patrun kan kathaot samar drah.

# Di ban raya Ho Chi Minh, harei kabroi, Uy bna negar Pacang caga AIDS saong matuy, mại dâm pambuak saong jabat Pacang cag matuy saong toi pham di LHQ pak Viet Nam peih bruk ginum biai Iek ruak saong iek glang prein yawa lệ thuộc matuy pambak tame bhap bini. Dalam ginum biai, dom urang lambaok vakil hu ginum biai ka dom bruk iek ruak matuy halan hatian, dom dich vu taom gaok bhap bini, daong xa hoi, iek ruak drak samar. Di Viet Nam, meng thun 2008, danak dak iek ruak nghien dom janih jru phien meng Methadone hu peih ngak iek di ban raya Ho Chi Minh saong Hai Phong. Mbiah tal ini, hu labaih 17 ribau urang ruak hu brei cakak nghien kru phien tui jalan nan di 88 labik iek ruak di 32 tỉnh, ban.

Khaw tin dunya

# Nhật Bản harei kabroi 20-5 hu panuac pachreih dom gah di Thai Lan kiềm chế, hadei di tuk bol bala taneh ia tabiak bruk Thiết quân luật piah pasiam veik trật tự an ninh hadei di 6 bilan srau kadau. Chánh văn phòng Rajaei Nhật Bản Yô-si-hi-đê Su-ga ieu dom gah pambuak tal plaih dom bruk taong paoh, saong hu panuac caong lac, dom hatai sahaneng karei di gauk meda hu langyah tapa dom jalan hoa binh, dan chu saong ginum biai tapak. Nhat Ban daok glang iek bruk rah tabiak, abih di nyu nan lac khik caga siam mekre salamat ka bhapbini saong công ty Nhật Bản di Thái Lan.

 #Takik di nyu 118 urang metai saong 56 urang njauk rambuac dalam dau mbang taong mbom gam gam di ban Giot, bhum kreh Ni-giê-ri-a di harei kabroi, 20 bilan 5. Tui jabat khik iek drak samar pakat dunya Ni-giê-ri-a, mbang patuh camereip di sa drak hu biak rilo manuac saong mbang patuh ka dua di sang iek ruak jaik taphia nan, Mbang patuh kadua ngak rilo urang cứu hộ metai. Urak ini oh ka mboh kapul nyaomhalei tabiak mbaok taduan bruk taong mbom nan. Min rilo urang medil lac kapul phiến quân Boko Haram ngak bruk nan./.