# Phaok Thủ tướng Vũ Đức Đam bahrau hu tacei pato ka bruk pasiam veik bruk ngak di dom labik iek glang, raong ba urang bảo trợ xã hội grauk labik dalam negar. Hadei di tuk mong iek Harak pathau khan di Mentri Lao động - Thương binh saong Xã hội  langyah bruk medhil lac pablei salih uraniah ngak anek raong saong bruk iek glang, raong ba uranaih pak Baha Bồ Đề, phường Bồ Đề, quận Long Biên, bal Hà Nội , Phaok Thủ tướng pandar Mentri Lao động - Thương binh saong Xã hội dang tabiak, pambuak haong dom mentri, jabat pagam tal patagok bruk khik iek, pasang mong piah khik ka dom labik iek glang, raong ba đối tượng bảo trợ xã hội grauk labik dalam negar ngak njauk tui adat hukum di karja.

# Harei pataom ilamu dom bangsa huyện Mộc Châu, tỉnh Sơn La thun 2014 meda rah tabiak meng harei 31/8 tal harei 2/9 ngan saong rilo bruk gheih mekre. Langiu di bruk mein the thao bangsa, kakdha ma-in bhap bini, dom bruk ngak ilamu di bhap bini, dom janih kaya mbang menyum di dom bangsa daok di Mộc Châu yau yaok thun, kadha birau dalam harei pataom nan hu dau baoh kinh khí cầu ba tuai damuai par meng 3km tal 4km glaong meng 200 tal 300 mét piah maong iek taong abih bhum glaong Mộc Châu; 1 khinh khí cầu tuan par sa labik glaong 50 mét piah urang hu maong iek dom labik siam, piah thaot dom labik mekre di Mộc Châu. Ong Trần Xuân Việt, Akok jabat ilamu huyện Mộc Châu khan lac:

Bang: Dom bruk sap apgap meng cơ sở vật chất, bruk chuyên môn, peih ngak danak dak, pasram bruk ngak hu salah blaoh saong bruk an ninh trật tự jeng khik salamat jalan mbak piah tal harei peih ngak hu siam mekre.

# Tỉnh Phú Yên daok padang ngak 6 labik daok pataom saong daok pablak  brei ka bhap bani urang bangsa takik daok pak huyện Sông Hinh. Jaik abih dom labik định cư ini hu padang ngak lưới điện hạ áp, sang bac, jalan nao mai ... Min, pak dom labik daok nan urak ini oh ka hu công trình thủy lợi duh ka bruk pala drak. Ong Đinh Ngọc Dạn, Phaok akaok Ủy ban bhap bani huyện Sông Hinh, tỉnh Phú Yên brei thau:

(Băng: Labik tái định cư oh hu hamu aia, jeng khin ngak thủy lợi sit brei ka labik daok bahrau buôn Bầu, xã Ea Bá, taphia di nan jeng ngak dom canah lan nao mai. Yau nan ye bahrau tapa huyện pasang iek, kuhria ngak trạm bơn njuk aia meng kraong Ba Hạ tagok piah pruh ka mblang taneh 80 héc-ta, min urak ini huyện jeng daok kan kandah ka phun jien .)

# Tỉnh Đắk Lắk daok peih ngak danak dak pato bruk ngak saong duah bruk ngak, danak dak patrun kan kathaot khang kajap, ia hacih saong alam moi truong palei pala, padang ngak palei pala birau…kuhria taong abih phun jien buh tame ngak jaik 262 tỷ đồng. Mbiah tal ini, jaik abih dom bruk ba tabiak dalam dom danak dak hu peih ngak sumu njauk tuk vak, dalam nan hu rilo danak dak peih brei jien njauk tukvak yau danak dak pato megru, danak dak duah bruk ngak saong patao bruk ngak…Meng akok thun mbiah tal ini, Đắk Lắk duah hu bruk ngak birau ka labaih 13.000 urang ngak, pato bruk ngak ka jaik 12.000 urang di palei pala, ralo meng bhap bini bangsa takik daok doi bhum atah bayah.

# Kapul pachreih bac tỉnh Trà Vinh bahrau pok brei pok jien bac mbang akaok meti ka anek saih bac naih joi anek di sang kan kandah dalam tỉnh. Jien nan hu mek meng Kadung jien từ thiện Trí tuệ tỉnh Trà Vinh hu padang tagok atah di ini meteh thun. Kadung jien từ thiện trí tuệ Trà Vinh akaok mereip hu 2 tỷ đồng, payua tame gilang pariak atau đầu tư chứng khoán piah duah laba daong ka dom anek saih trung học phổ thông; dom sinh viên kathaot di tỉnh daok bac pak dom sang bac đại học, cao đẳng. Hu 225 anek saih naih joi sang kan kandah hu pok brei jien bac dalam mbang ini; yaok pok 2 triệu đồng piah blei pandap bac akaok thun.

# Ủy ban Bhap bini tỉnh Vĩnh Long birau buh jien tame labaih 5 tỉ 500 trieu dong  piah ba điện ka bhap bini di 4 xã kaoh pulao huyen Long Hồ nan lac: An Bình, Đồng Phú, Bình Hòa Phước saong Hòa Ninh. Dahlau di nan, Tổng Công ty điện lực Miền Nam hu buh tame 8 tỉ 500 trieu dong ba tuyến cáp điện ngầm 22KV tapa kraong Cổ Chiên meng ban sit Vĩnh Long tap dom xã kaoh pulao, pambuak tame talei điện Bến Tre ba điện pandar ka labaih 11 ribau baoh sang di 4 xã kaoh pulao di huyen Long Hồ, pabak điện pandar ka mikva labik ini dahlau deih dui điện meng tỉnh Ben Tre mai pandar nan ye bhian lahik điện.

# Jabat pacang caga chip ngan haong jit ruak di Cục Y tế dự phòng (Mentri Y tế) bahrau brei thau, jabat ini brei padeih bruk brei daok karei 2 urang Nigieria medhil lac njauk Ebola hadei di tuk 2 urang ini abih pandiak. Salih tame nan lac peih ngak dom jalan ngak tui iek dalam bhap bini dalam 21 harei pak labik daok. Dahlau di nan, biar harei 19/8, 2 urang likei Nigeria trun mblang kapal haok Tân Sơn Nhất (bal raya Hồ Chí Minh) dalam mbang par  meng Quatar. Tuk ngak harak nhập cảnh, jamriak dut thân nhiệt brei thau dua urang nan pandiak jaik 38 độ C nan ye hu jabat chức năng brei daok karei saong ba tame sang iek ruak Bệnh Nhiệt đới bal raya Hồ Chí Minh.                                                                

Khaw tin dunya:

# Akok mentri quốc phòng Malaixia Hi-sam-mút-đin Hut-sên birau brei thau, rajaei taneh ia ini birau ginum biai ka jalan patui veik bruk duah kapal haok MH370 halik, dalam nan hu bruk daong jien ndo piah duah di Ôx-trây-li-a.  Tui ong Hút-xên, mbang ginum biai 3 gah Malaixia, Ôx-trây-li-a saong Trung Quốc pambak tame bruk kapal haok MH370  lahik meda peih tabaik di adit anak di Ôx-trây-li-a.     

# Mentri Thông tin Mi-an-ma harei kabroi 20/8 brei thau, negar ini hu mboh sa urang medil lac njaom mbak vi-rút Ê-bô-la. Nan lac sa urang likei Mi-an-ma vừa bahrau nao rivang ma-in meng Thái Lan mai veik negar melam kabroi. Tapa dut iek samar, urang likei nan hu dom kadha brei mboh lac njaom  Êbôla, janih virut tal harei ini ngak ka labaih 1 ribau 220 urang metai, ralo meng lac pak châu Phi. Urak ini urang njaom vi-rút Ê-bô-la hu ba tal sa sang iek ruak lingiu ban Răng-gun piah dut iek saong điều trị.

# Harei ini, dom janih pandap mbang ngak meng côn trùng hu jeng bhian randap di rilo labik angaok dunya jeng yau di Nhật Bản. Sa kaplup kapul  mbang côn trùng di ban Tô-ki-ô negar Nhật Bản birau peih var mbang huak, hu pandap mbang hu ngak meng rilo janih côn trùng karei di gauk yau ve sầu hana menyek, ấu trùng dako hani saong anek ve sầu.  Kalup kalpul nan angan lac “Hiệp hội roh duah pandap mbang meng côn trùng” hu padang meng thun 1999, piah yaih khan bruk iek con trung yau pandap mbang hu rilo dinh duong, siam ka alam moi truong/..