# Harei kabroi (20/3), pak Phủ Chủ tịch, akaok negar Trương Tấn Sang hu taduan raok Thái tử Negar Na Uy Haakon saong Công nương Mette Marit, tukvak Thái tử saong Công nương daok rivang Việt Nam. Pak van taduan raok, Akaok negar Trương Tấn Sang brei mboh hatai bui sambai tuk taduan raok Thái tử Na Uy, taong yaom glaong mbang nao rivang ini di Thái tử hadei di 10 thun Patao saong Hoàng hậu  Na Uy mai tal Việt Nam, tapa nan nyu brei mboh kadha prong dalam tuk pahadar labaih 40 thun pambuak talei rohim di Na Uy haong Việt Nam. Sangka tal dom bruk hu pren khang di  Na Uy yau công nghiệp tasik, ngak kaya ikan, pacang caga biến đổi khí hậu, Akaok negar caong khin lac dom doanh nghiệp nao gam haong Thái tử  tapa Việt Nam meda hu jalan buh jien tame ngak mbang saong hu dom harak hadar kanar panuac sanya pambuak bruk ngak mbang hoang Việt Nam.

# Harei kbroi 20 bilan 3, Kapul urang pasang iek di Uy ban Thường vụ Quoc hoi kayua ong Phan Xuân Dũng, Ủy viên Trung ương Đảng, Ủy viên Ủy ban Thường vụ Quốc hội, Akok Ủy ban Khoa học Công nghệ saong Môi trường di Quốc hội pan akok, mai ngak bruk saong ban sit Cần Thơ ka bruk peih ngak sarak hukum pacang caga bien ndoi khi hau di ban sit Cần Thơ. Tui harak pathau khan, dom thun jaik ini, kayua bien ndoi khi hau ngak ka nhiệt độ trung bình di ban sit thun halei jeng tagok ngak oh siam tal prein yawa bhap bini, parilo ruak  yau pandiak tabiak darah, tangin takai cambuai, cảm kum. Piah pacang caga bruk bien ndoi khi hau, Cần Thơ brei peih ngak dom sarak hukum pacang caga bien ndoi khi hau, patabiak dom sarak, jalan quy hoạch ribaong kraong pacang ia dauk di ban sit; đồ án pacang glut jaleih taneh di dom kraong ribaong di ban sit Cần Thơ.

# Tuk vak tapa, di dom tỉnh, bal hu rah tabiak dom bruk kaol kanjah jhak pablak tame sang bac pachot anek saih piah cap mek, piah ngak jien atau ba nao pablei; ralo anek saih lahik drap ar saong njauk xâm hại rup babhap angaok jalan nao bac. Piah khik kajap an ninh, trật tự sang bac, salamat ka anek saih, Mentri pato megru bahrau hu harak payua dom Sở Pato megru pandar patagok bruk khik caga an ninh, trật tự sang bac, tui iek, duah mboh piah pambuak bruk lanyah samar dom bruk xâm hại tal anek saih. Dom sở njauk pambuak haong raja-ei, jabat công an, dom kapul nyaom di puk palei, patagok dom jalan ngak piah khik caga siam mekre salamat ka anek saih angaok jalan nao bac saong hu mbaok tame dom bruk ngak pato megru di sang bac.

# Pachreih tui bruk jak ba rik jien daong danak dak cak rok patagok Gilang limo tukvak 2013 -2014 kayua Trung ương kapul Chữ thập đỏ Việt Nam peih tabiak, meng bilan 9 thun 2013 mbiah tal ini, Kapul chữ thập đỏ ban sit Sông Cầu, tỉnh Phú Yên gam saong Liên đoàn lao động saong Uỷ ban mặt trận negar Việt Nam ban sit jak ba hu labaih 150 triệu đồng daong ka dom baoh sang kan kathaot ngak mbang paglaong raidiuk, yam tapa truh kan kathaot. 

 # Biar harei kabroi (20/3), sa mbang hajan prong dui atah tuh trun di dom labik dalam tỉnh Kon Tum pabak bruk mahu aia dui atah dalam ralo bilan tapa. Yau nan min, mbang hajan ini jeng ngak khat lahik trak kayua hu hajan patau biak tapal. Angaok ralo canah jalan dalam bal Kon Tum, hajan patau tapal gam haong angin ribuk prong ngak ka dom blah pa-nô praong jaoh jaleih; ralo phun kayau prong sit jeng jaoh jaleih, ngak kan kandah ka bruk nao mai. Khat lahik trak abih nan jeng lac dom baoh sang pala njam di dom phường, yau: Thắng Lợi, Thống Nhất, Lê Lợi…ngan haong ralo mblang taneh njam patam njauk khut abih.

# Meng ini tal thun 2015, Mban tacei jalan peih ngak danak dak daong uranaih jaoh jo tỉnh Đồng Nai brei patui ngak dom bruk daong uranaih jaoh jo ka sarak, y tế, bac megru, bac bruk ngak saong duah bruk ngak. Phun jien buh tame ngak ka dom bruk ini kayua kadung jien karja saong jak ba manuac sia, tui kuhria dahlau dalam thun ini mek hu labaih 56 tỷ đồng. Mban tacei jalan tỉnh brei parilo bruk iek ruak, pasiam veik chức năng ka uranaih jaoh jo; ngak siam bruk iek ruak dahlau saong hadei di tuk ndih tapui; paglaong jalan sahaneng di bhap bini piah ba mbuan lagaih ka uranaih jaoh jo hu sumu gauk dalam dom bruk ngak gah xã hội, ba drei tame bhap bini tui quy định di hukum. 

# Biar harei (20/3), karja xã An Vĩnh gam haong gru pato anek saih Sang bac Tiểu học ka 1 An Vĩnh, huyện pulao Lý Sơn, tỉnh Quảng Ngãi peih bruk taduan raok Harak pok brei angan lac mek hu chuẩn pakat negar tanut ka I, tukvak 2010-2015. Ini lac sang bac akaok meti angaok pulao kaoh hu pok brei angan mek hu pakat negar tanut kaI. Urak ini, Sang bac Tiểu học ka 1 An Vĩnh, huyện pulao Lý Sơn hu taong abih 36 gru pato, thei jeng mek hu chuẩn saong angaok chuẩn ba tabiak, grap tanat ka  50% anek saih dalam taong abih labaih 600 anek saih bac 2 van dalam sa harei.

Khaw tin dunya:

# Pachreih tui panuac iew di LHQ dalam harei Dunya haniem phol 20/3. Harei kabroi, di rilo taneh ia di dunya hu peih ngak rilo bruk xã hội hu makna praong daong dui pataom pambuak talei rohim anit ranam jeng yau klak rabha ka gauk dom haniem phol. Harei Dunya haniem phol hu LHQ brei tapa meng bilan 6 thun 2012 ngan saong panuac sanya ini oh lac sa harei hu makna mbuan mbiah.  193 taneh ia di LHQ hu sanya brei ngak tui harei ini meng dom bruk kham merat paglaong raidiuk, dak padang xã hội sumu gauk, cak rok patagok khang kajap, piah ba haniem phol ka bhap bini.

# Nga meda patagok bruk ngak quân sự pak Crưm piah grap tanat baoh pulao ini pacang caga gilac dom bruk đe dọa meng gah langiu. Ini lac panuac brei thau di Thứ trưởng Bộ Quốc phòng Nga Yuri Bôrixôp ba tabiak di harei kabroi (20/3) dalam tukvak Quốc hội Nga kuhria bruk ba Crưm tame Liên bang Nga. Hãng tin Itar-Tass di Nga ba panuac ong Bôrixôp brei thau, bruk njauk ngak urak ini nan lac njauk patagok cơ sở hạ tầng quân sự angaok pulao Crưm njauk angan lac lambaok di Liên bang Nga saong khik caga anak taong abih dom bruk xâm phạm.

# Tui Jabat Trun takik Bala meng langik tasik negar Indonesia di Ri-au, apui khuah glai rah tabiak gam gam dalam dua bilan tapa di tỉnh kaoh pulao ngak ka 3 urang metai, labaih 13.000 hecta glai saong bein kayua apui khuah mbang bih, dalam nan hu labaih 3.000 ha taneh khik caga glai sinh quyển saong ngak nerak tachrauk alam moi truong oh lac di Riau bo hu Singapo saong Mlaysia. Bhap bini hu pakai brei pacang mbaok meta tuk tabiak di sang piah plaih njiak dhun mun, srauk./.