Khaw tin pagaiy harei 22-4-2015

# Tukvak pahadar 40 thun harei peih paha gah Meraong, yasa taneh aia, page harei 21/4, Muyim Quân khu 9, tỉnh Cần Thơ hu peih parang iek “Jayak bilan xuân 1975 – Pren khang Việt Nam”. Labaih 200 thaot binguk, pandap panda, harak ba-ar brei thau ka dom canah jalan mesreh metak oanh liệt di bol lin saong bhap bani drei dalam mbang mesreh metak pacang cakak Mỹ daong taneh aia bo tabung glaong nan lac chiến dịch Hồ Chí Minh dak rai sajarah hu parang tabiak saong meyaih khan pak mbang parang iek ini.   

# Daok jaik 1 adit tra lac abih tukvak thí sinh tut angan tame pakacah Trung học phổ thông pakat negar thun 2015. Rilo sang bac trung học phổ thông hu ngak blaoh bruk taduan mek phiếu tut angan tame pakacah di thí sinh tan bac 12 saong samal ba dữ liệu tame phần mềm di mintri pato megru piah thí sinh meda pasang iek saong ramik pasiam dom labaih kurang dalam hồ sơ. Thun ini, mintri pato megru hu tabiak tacei pato peih pakacah trung hoc pho thong pakat negar aval jang, dalam nan hu langyah cambaih ka dom muc dalam ho so tut angan tame pakacah yau nan ye thí sinh oh gaok kan kandah tuk khai thong tin saong takik hu bruk labaih kurang.

# kuhria meng harei tabiak mbaok ngak iek Nghiệp đoàn nghề ikan xã An Hải, huyện huyện Lý Sơn, 4 thun tapa tỉnh Quảng Ngãi padang hu 9 nghiệp đoàn nghề ikan ngan haong jaik 4.200 đoàn viên di 94 tổ nghiệp đoàn. Tal urak ini, dom nghiệp đoàn hu jak ba urang dalam kapul nyaom nao tasik tui tổ, đội piah taong mek ikan, patrun phun jien buh tame, patagok jien mek tame ka urang taong ikan. Ong Nguyễn Quốc Chinh, Akaok Nghiệp đoàn nghề ikan xã An Hải, huyện Lý Sơn, tỉnh Quảng Ngãi brei thau: Tuk hu nghiệp đoàn ye manauc urang drei daong gauk angaok tasik, oh kuhri kuhria hagait daok hu tukvak piah taong ikan, patrun phun jien buh tame, patagok yaom jien mek tame ka yaok mbang nao tasik... nan ye thun hadei glaong jang thun dahlau, saong langyah hu rai diuk ka urang taong ikan tapa truh kan kathaot. Khaol dahlak saneng lac nghiệp đoàn nan lac baoh tatua pambuak pagam  Đảng, Karja saong urang taong ikan sahanang hatai nao tasik).

# Bair harei 21/4, dalam huyện Đạ Huoai, tỉnh Lâm Đồng rah tabiak sa mbang hajan patau gam ngin ribuk, ngak ka labaih 100 baok sang saong dom sang bac dalam huyen tapaok tabung. Ini lac mbang hajan patau gam ngin ribuk mbang ka 2 rah tabiak dalam tỉnh Lam Dong di harei ini. Hadei di tuk bala rah tabiak, karja huyen Đạ Huoai hu jak ba kapul daong bhapbini ramik pasiam dom khut khat.  

# Harei 21/4, 3 chuyên gia mai meng Thái Lan pambuak haong Pasak khik iek lamen Đắc Lắc peih bruk blac raih palak takai iew ka drei lamen glai njauk balong, hu daong ba mai sang atah di ini 2 bilan. Harei 19 bilan 2 thun ini, pak labik glai pacang caga Buôn Đôn, urang jakar pasak khik iek lamen Đắc Lắc duah mboh sa drei lamen tano umo jaik 5 thun daok njauk rambuis palak takai anak gah iew, vòi njauk klaih gân; nan lac nyu meda njauk balong.  

# Harei 21/4, pasak kuhria mboh dahlau nhu cầu nhân lực saong brei thau ka darak pasar urang ngak ban raya HCM brei thau, tapa pasang iek mbang ngak bruk di urang ngak ban raya, tui kuhria mboh dahlau, dom doanh nghiep dalam ban raya caong khin tuyen dung jaik 20.000 urang ngak ka dom labik ngak bruk di bilan 5/2015. Kayua darak pasar urang ngak meda taduan mek dom sinh vien, hoc vien bac tamat di dom sang bac yau nan ye bruk caong khin duah bruk ngak di bilan 5 tal meda tagok jaik 15% duk saong bilan dahlau.

# Jaik ini, kayua kein laba kinh tế glaong nan ye urang pala phun thanh long mek tame hu kein laba prong nan ye urang nong tỉnh Tiền Giang peih prong mblang taneh tabiak jaik 5.000 ha phun thanh long pablei baoh. Jaik abih dom baoh sang hu pandar mblang taneh ngak padai piah salih tapa pala thanh long. Bruk cakrol patagok mblang taneh phun thanh long langiu di quy hoạch meda patrun mblang taneh padai; pambak tal asal khang kajap suai lavik di janih phun ini “tuk cung tapa cầu” saong chất lượng, năng suất baoh thanh long trun kayua hệ thống cơ sở hạ tầng abih di nyu lac điện saong aia oh ka pabak hu... Urak in raja-ei saong gah chức năng puk palei daok pandik akaok anak bruk urang nong peih prong mblang taneh pala thanh long.

Khaw tin dunya

# Dom sang máy điện ia harei akaok meti angaok mbaok ia hu khai truong di tỉnh Hyogo (Hy-ô-gô), gah kreh negar Nhật Bản. Ini lac danakdak pambuak bruk di Tập đoàn công nghệ Kyocera saong Century Tokyo Leasing, sa công ty hu padang tabiak meng thun 2009  saong drap ar abih tih jaik 26 tỷ đô la Mỹ, saong phun jien ieu pataom meng darak pasal jaik 3 tỷ đô la Mỹ. 

# Harei 21/4, Kapul HAITE di Trung Quốc hu peih pakak saong ba tame pandar sa pasak pato tacei hàng không praong-bahrau di abih angaok dunya ngan haong phun jien padang ngak tagok tal 73 triệu đô la Mỹ pak Singapore. Ini lac labik pato pakai akaok meti bo HAITE đầu tư langiu bhum taneh Trung Quốc saong daok caong khin meda hu ralo urang mai bac peih kapal haok di dom hãng kapal haok mai meng dom taneh aia dalam bhum taneh Đông Nam Á. 

# Italia harei 21/4 hu mek kareik sa thuyền trưởng saong sa thủy thủ đoàn di sruh kapal tableih langiu tasik Libi harei 19/4 ngak ka labaih 800 urang metai. Dua urang nan yau pambuak pagam tal talei pablei menuac ndih dalam 27 urang daok diuk saong hu ba tal Xin-xi melam 20/4.