# Page harei kabroi, Pho Thu tuong, Akok mentri Ngoai giao Phạm Bình Minh hu iew phone meyai saong Ngoại trưởng Hoa Kỳ John Kerry ka bruk pambuak talei rohim di dua gah saong dom bruk rah tabiak birau ini di tasik Bien Dong. Di mbang ndem meyai, Phó Thu tuong, Akok mintri Ngoai giao Phạm Bình Minh khan lac Viet Nam kham kiềm chế, merat tui jalan ginum biai, plaih taong gauk, khang panuac iew Trung Quoc ba gian khoan saong dom gilai tabiak nao kayua ini lac bruk ngak ini nyu lih tame quyền ngak pô di Viet Nam, ngak kan bruk nao mai angaok tasik, ngak suan Công ước LHQ ka Hukum tasik 1982.  Ngoại trưởng Hoa Kỳ brei mboh hatai suh sah ka bruk rah tabiak di tasik Bien Dong; iek bruk Trung Quoc caik gian khoan di labik merak gauk di tasik Bien Dong nan lac bruk khieu khich, ngak brei catang tagok bruk dalam khu vực.

# Anak dom bruk rah tabiak angaok tasik, tui iek mbang nyaom 7, Quoc hoi mbang 13, cu tri di tinh Kon Tum khan lac, panuac di akaok Quoc Hoi Nguyễn Sinh Hùng saong dom panuac di urang QH ka bruk tasik ndom biak njauk, ndom njauk hatai caong khin di cu tri, brei mboh hu trach nhiem thaong cu tri dalam taneh ia. Jia tame Quoc Hoi dalam bruk khik caga chu quyen saong toan ven taneh ia, ông Trần Đình Vân,  sang daok di labik 134 jalan Hùng Vương, thị trấn Đắc Hà, huyện Đắc Hà ndom lac :

Băng: “Panuac  di akaok Quốc hội brei mboh cambaih hatung hatian di kol drei. Limin min khang hatai. Lac bhapbini dahlak biak jia tame. Kol drei hu dom jalan ngak biak kiem che, jak gheih saong hadah hatai, yaom lac dalam hatung kol drei biak pandiak, min kol drei hu akaok li an piah langyah dom bruk tui jalan hoa binh. Kol drei meda hu dom sarak njauk saong jalan di dunya urak ini. Lac sa cu tri, dahlak coaong khin dom urang jakar Quoc Hoi tui bruk ngak di drei, pataom akaok sahaneng ngak jeng pren khang di bhapbini. Sajarah bangsa drei hu brei mboh lac kol drei mek dai nghia jayah hung tan, mek chi nhan salih cuong bao. Dahlak jia lac jalan ngak nan, y chi nan jeng daok dalam dom rairah urang  Biet Nam urak ini saong harei hadei.

# Tui panuac khan di Bộ tư lệnh Cảnh sát tasik Việt Nam, harei kabroi, dom gilai ikan ngak mang pasei di Trung Quốc tui pacang cakak  gilai ikan ngak mneg kayau di urang nao tasik di Viet Nam tabiak atah di labik caik gian khoan, tuk halei jeng khin ginuh tame gilai ikan di drei.  Anak bruk ngak nan di Trung Quoc, dom gilai di drei kham tame tal gian khoan daok atah meng 5, 5 tal 6, 5 hải lý, pathau khan iew gilai Trung Quoc ba gian khoan saong dom gilai khik caga tabiak truh bhum tasik di Viet Nam. Njauk ndem tal, gilai di Trung Quốc ka 3411 bhian tui taok gilai Cảnh sát tasik 8003 di drei daok atah 1 hải lý. Taong abih dom urang jakar,bol lin  di drei tuk halei jeng ngak siam bruk di drei, kham merat ngak njauk tui sarak hu ba tabiak blaoh.

# Akaok Sở Y tế tỉnh Quảng Ngãi barau hu harak payua ka dom labik dalam nganh pandar paglaong bruk iek glang pren yava ka urang jakar, urang lin saong urang ngak ikan daok di tasik. Akaok Sở Y tế tỉnh Quảng Ngãi pandar dom labik iek ruak, samal padang bruk taduan mek, cap cuu, iek ruak siam ka bhapbini bhum tasik pulao. Abih di nyu nan lac dom urang ngak iakan daok di tasik taong cap kaya ikan dalam ia saong urang jakar, urang lin daok ngak bruk khik caga bhum tasik saong pulao kaoh tuk njauk bala angaok tasik hu iek ruak brei thaoh.

# Anak bruk jit Ruak jalan suan yawa cấp tính di Trung Đông iew lac Mers – CoV daok rah tabiak dalam kan kandah, Sở Y tế ban raya Ho Chi Minh hu jao brei ka Pasak dut iek ruak dunya paglaong bruk pasang iek jit ruak ini di dom pabah mbang negar yau: mblang kapal haok Tân Sơn Nhất, pabah lamnge Sài Gòn. Di labik ini, mac pdut iek rup pabhap meng atah hu pagam piah dut iek dom urang pandiak glaong, abih di nyu nan lac urang mai meng dom taneh ia hu jit ruak di dunya. Dom sang iek ruak praong di ban raya jeng hu jao brei bruk pakhang bruk samar duah mboh dom urang hu ruak Mers – CoV piah meng nan pacang cakak ruak njom mbak.

# Di pasak papar sap negar 58 Quán Sứ, Hà Nội barau rah tabiak bruk mbaoh tangin tame danakdak pambuak bruk paglaong siam lagaih pathau khan an toan jalan mbak di rayo sap ndom Biet Nam saong uy mban an toan jalan mbak negar. Danakdak pambuak bruk piah pathau khan ka urang pang yayo, abih di nyu nan lac urang ndih ridaih di jalan mbak thau dom hukum ka an toan jalan mbak, ba tal paglaong akaok sahaneng, ngak tui adat hukum an toan jalan mbak, dak harei dak padang saong ngak jeng ilimo jalan mbak ka bhapbini, trun takik bala saong gar jalan . Taphia nan, brei thau dom bruk khik caga tran tu an toan jalan mbak, pok meyaom dom urang hadah krah, phe phan dom bruk ngak suan, duah maong, ba tagok dom caong khin, sang kien khik caga trat tu an toan jalan mbak.

# Harei kabroi, lễ hội Vía Bà ceik Sam thun 2014 hu peih tabiak. Ini lac lễ hội hu Mentri Ilamu Brei thau, urak ini lac Mintri Ilamu, the thao saong Dulich taduan lac sa dalam 15 le hoi pakat negar.  Harei ngak adat praong di lễ hội Vía bà ceik Sam thun ini hu peih ngak dalam klau harei, meng ahrei 21 tal harei 23 bilan 5, ngan saong  dommadat cambat tanarakun yau padang veik bruk raok rup patau amuk meng tabung ceik Sam trun Kalan Miếu, adat menei muk saong dom adat karei karei. Dalam nan praong di abih nan lac adat menei muk.

Khaw tin dunya

# Harei kabroi, di Thượng Hải, Trung Quốc, rah tabiak nyaom biai  Thượng đỉnh mbang yaka 4 ka pambuak bruk ngak saong dom jalan dak padang hatai jia di Chau Á. Phaok akaok negar Nguyễn Thị Doan par akaok kapul nyaom urang jakar Biet Nam pataom tame nyaom biai. Pak ini, phaok akaok negar Nguyễn Thị Doan ieu dom taneh ia Chau A gam saong gauk jhul khang ginum biai, dak padang hatai jia tame saong talei pambuak bruk piah pachreih tui caong khin di bhapbini Chau A lac hoa binh, tani tanat saong cakrok. Nyaom biai jeng ba tabiak panuac khan brei thau dom kadha njauk saong gauk di dom taneh ia taphia ka dom bruk ndung bak tinh nguyen tac, dom thach thuc an ninh mengkan, oh yau mengkan.

 #Bruk Trung Quoc lih tame bhum tasik di Viet Nam pak Bien Dong daok jeng bruk praong di mbang langyah ka kading jien brei ka bruk padang gilac sumu gauk di My pak bhum Chau A –Thái Binh Duong thun 2015. Di labik ini, dom nghị sỹ Mỹ hu iew rajaei di Tổng thống Ba-rắc Ô-ba-ma ngak khang jang piah pacang dom bruk ngak nguy hiem di Trung Quoc.

# Urang brei panuac di rajaei gam dang akaok mintri thong tin Campuchia Khiêu Kan-ha-rít (Khieu Kanharith) hu panuac kakei bhapbini Campuchia padheih dom mbang du lich di Thái Lan dalam tuk bruk chinh tri di taneh ia nan daok srau kadau. Tuai damuai Campuchia njauk caik hatai tal bruk an toan ka drei saong jhui nao tal dom labik rah tabiak srau kadau, abih di nyu nan lac ban ien Băng Cốc, Thái Lan. Panuac di urang brei panuac rajaei Campuchia ba tabiak hadei di tuk bol bala Thái Lan padang thiết quân luật hadei di jaik 7 bilan rah biak bruk tabiak jalan di Thai Lan ngak ka jaik 30 urang metai saong 700 urang bi thuong. Tui kuhria mboh di mintri du lich Campuchia, hu jaik 158 rabau urang Campuchia  nao Thai Lan du lich dalam tukvak meng bilan 1 tal bilan 4 thun ini, trun jaik 2% duk saong yaok thun./.