# Harei 21-7, Akaok negar Trương Tấn Sang saong kapul urang ngak bruk Trung ương hu mai rivang saong pasang iek bruk ngak mbang kinh tế xã hội saong grap tanat an ninh quốc phòng pak bal Hải Phòng. Akaok negar jeng hu mbaok mai rivang saong mong iek huyện Đảo Bạch Long Vĩ, sa dalam dom  huyện pulao atah bayah di palei negar saong hu van ngak bruk haong Bộ Tư lệnh Quân khu 3 gam haong dom đơn vị pak bal Hải Phòng. Akaok negar caong khin dom bol lin ngak siam bruk ngak dân vận ngan haong jalan ngak đồn nan lac sang, pulao tasik nan lac bhummi, bhap bani dom bangsa thei thei jeng lac adei sa-ai tung pruac piah ngak jeng thế trận lòng dân khang kajap dalam bruk khik iek an ninh trật tự angaok tasik saong pacang caga chủ quyền di palei negar.

# Biar harei 21/7, Ủy viên Mentri Chính trị, Phó Thủ tướng Nguyễn Xuân Phúc hu taduan urang lambaok vakil pakat glaong Mentri Hukum saong Trật tự Xri-lan-ca kayua Nanda Mallawarachichi ngak akok kapul daok rivang saong ngak bruk di negar drei. Ong Nanda Mallawarachichi brei thau kham merat ba abih prein yawa piah ba bruk pambuak Mentri Công an Viet Nam saong Mentri Hukum Xri-lan-ca tagok glaong.

# Page 21/7, pak jabat Bộ Tư lệnh Thông tin Quân đội Hoàng gia Campuchia pak tỉnh Kandal hu rah tabiak lễ peih ngak khu sang daok brei ka bol lin, ngan haong phun jien jaik 147.000 đô la Mỹ  kayua Mentri Quốc phòng Việt Nam alin brei. Công trình  hu 2 tầng, ngan haong mblang taneh padang ngak 420m2. Tui kuhria công trình meda hu ba tame pandar hadei di 8 tháng peih ngak, ngak brei langyah dom kan kandah urak ini ka labik ndih daok mbang huak ka bol lin Mentri Tư lệnh Thông tin Quân đội Hoàng gia Campuchia, ngak brei patagok chất lượng pathram, sẵn sàng mesruh metak.  

 # Ủy ban bhap bini tỉnh Bình Định birau peih nyaom pataom  mbao caga bruk Jumpataom pakat Dunya Võ cổ truyền Viet Nam mbang V- Bình Định 2014. Jumpataom pakat Dunya Võ cổ truyền Viet Nam mbang V- Bình Định 2014 ngan saong kadha “Khik ramik saong patagok Võ cổ truyền Viet Nam” rah tabiak dalam 4 harei, meng harei 1 tal harei 4 bilan 8, di tỉnh Bình Định. Kuhria hu labaih 55 kapul võ thuật dunya saong 30 kapul võ thuật dalam taneh ia, ngan saong 1000 vỏ sư, võ sĩ mai pataom mbaok. Ini lac bruk ngak ilamu, thê thao saong dulich meng kan, hu peih ngak dua mbang dalam sa thun, piah pagalong dom ilamu siam gheih meng kan di bangsa, yaih khan saong bhap bini dunya ka ilamu võ cổ truyền Viet Nam, abih di nyu nan lac Võ cổ truyền Bình Định.

 # Khánh Hòa daok pataom tame patagok nguồn nhân lực ka y tế pulao tasik, labik y tế dự phòng, mạng lưới pasang iek ruak, dak padang Sang iek ruak huyện pulao Trường Sa. Nan lac dom asal kadha dalam Đề án patagok y tế pulao tasik tal thun 2020 bahrau hu Uỷ ban bhap bani tỉnh Khánh Hòa mboh tangin. Tui đề án ini, tukvak 2014-2015, taphia bruk pato tacei urang jakar, tỉnh meda huyện Trường Sa, pasak taduan raok saong điều trị ruak đặc thù bhum tasik, pulao pak Sang iek ruak Quân y 87.  Taong abih phun jien peih ngak đề án jaik 77 tỷ đồng.

# Harei 21/7, Ban Quản lý danak dak jalan pasei đô thị ban raya Ho Chi Minh mbaok tangin hợp đồng gói thầu số 1B pambuak saong po thau Shimizu-Meade (Nhat Ban) padang ngak mblang radaih apui ngầm camereip di jalan pasei Bến Thành-Suối Tiên (Metro số 1). Tui kuhria dahlau, dalam bilan 8 thun 2014, Danak dak mbang radaih ngầm camereip meng metro 1 Bến Thành - Suối Tiên (mblang radaih Nhà hát Thành phố) meda brei padang ngak di jalan Nguyễn Huệ – Lê Lợi, quận 1. Ini lac 1 dalam 3 mblang radaih ngầm jalan metri 1 meng darak Bến Thành tal sang mac Ba Son (dài 2,6 km). Tui bruk ba tabiak, jalan metro 1 brei ngak salah saong ba tame pandar iek di thun 2019, dahlau tuk brei kak jien jalan meng thun 2020.

# Hadei di tuk hu thông tin ralo uranaih tui bac nội trú  pak sang bac Tiểu học chuyên biệt Anh Vương di phường 15, quận Tân Bình njauk bảo mẫu taong paoh, page harei 21-7, lambaok Sở pato megru bal raya Hồ Chí Minh, Duk pato megru quận Tân Bình, công an quận gam haong ralo jabat pambuak pagam tal hu mai ngak bruk haong cơ sở ini. Dalam mbang ngak bruk haong lambaok gah Pato megru bal raya, po cơ sở Anh Vương jeng duah jalan kamalah trách nhiệm, tok mboh tangin sanya lac tal abih harei 23-7 meda ba ranaih nan mai haong baoh sang. Ndom ka jalan langyah bruk ini, ong Trần Khắc Huy, Duk Pato megru quận Tân Bình brei thau:

Băng 32 giây: “Kasa nan lac pok trun chip bảng hiệu Sang bac Tiểu học chuyên biệt Anh Vương. Kadua, caong khin raja-ei puk palei brei padeih bruk ngak kinh doanh di công ty này. Ngan haong dom ranaih njauk xâm hại ka rup babhap khaol dahlak pandar njauk hu pasang iek ka cambaih. Ngan haong 27 ranaih daok raong pato pak cơ sở ini, dom ranaih halei angaok địa bàn quận Tân Bình, khaol dahlak pandar sang bac chuyên biệt di quận taduan mek. Daok dom ranaih daok pak tỉnh karei, khaol dahlak meda giới thiệu nao tal cơ sở karei meyauh amaik ame nan caong khin”.

     Khaw tin dunya:

# Mong 17 tuk biar harei 21 bilan 7, sa sruh kapal haok trực thăng quân sự di bol lin Trung Quốc laik trun mblang hamu di huyện  Đại Ấp, tỉnh Tứ Xuyên, Trung Quốc.  Urang ngak praong negar ini oh ka brei thau hu hadom urang metai, min dom urang hu mbaok tuk nan lac, hu mboh sa sruh kapal haok karei tra mai pajeng 4 urang njauk rambuac nao, 2 urang njuak rambuac karei tra hu ba tame sang iek ruak  cap cuu di huyen ini. Sruh kapal haok cuh laik nan lac kapal haok pajeng ba 171 kayau Nga ngak tabiak, urak ini gah lục quân saong không quân di Trung Quốc jeng hu brei pandar kapl haok nan.

 # Tui bruk ba tabiak, harei ini (22-7), Ủy ban bầu cử negar In-đô-nê-xi-a (KPU) meda brei thau ka kết quả chính thức di mbang palih ruah tổng thống pak negar ini, yau nan min, ứng cử viên Xu-bi-an-tô tagok sap ndom lac hu bleik blang dalam mbang palih ruah ini. Urak ini, kết quả sơ bộ di mbang palih ruah brei mboh, ứng cử viên Uy-đô-đô meblah jayak chiến thắng ngan haong số phiếu ba akaok dut haong "đối thủ" Xu-bi-an-tô jaik 5%.

# Dalam tuk dom bruk pasang iek dunya daok peih ngak piah duah tabaik bruk kapl haok MH17 di Hãng kapal haok negar Malaixia laik trun gah timur Ucraina, Mỹ saong dom taneh ia châu Au daok catang tagok bruk taong phạt Nga. Nga kalah chip dom bruk taneh ia ini brei vũ khí ka gah ndok liên bang hóa di bhum timur Ucraina, gam brei ka dom taneh ia thau dahlau oh mboh bruk nan ngak sraw kadau piah hu gah chính trị ích kỷ di drei./.