# Phaok Thủ tướng Nguyễn Xuân Phúc bahrau hu panuac tacei pato ka bruk padang ngak Đề án tinh giản biên chế saong rami ramik veik kapul  urang jakar, công chức, viên chức. Tui nan, Phaok Thủ tướng pandar Mintri Nội vụ ngak pasiam Đề án tui jalan ngak brei cambaih laih bruk tinh giản biên chế, paglaong chất lượng kapul nyaom urang jakar, công chức, pachreih dom urang naih gheih, hu ilamu tame ngak  bruk karja; njauk taong yaom ka cambaih laih jang bruk biên chế urak ini dalam dom jabat di Đảng, Karja,  tổ chức chính trị - xã hội meng Trung ương tal puk palei, brei thau cambaih dom tavak tavaiy ka chất lượng, cơ cấu kapul nyaom urang jakar, công chức, viên chức.

# Piah pahadar harei Cach mang bilan 8 saong harei negar 2/9, page harei 21/8, Muyim Ho Chi Minh di Ha Noi peih bruk taduan rilo harak tai lieu, pandap panda di Chu tich  Ho Chi Minh kayua dom kapul nyaom, dom urang alin brei. Dalam dom pandap, tai lieu Muyim taduan mek, hu rilo harak tai lieu, pandap quy yau: Tapuk “Pasaim veik jalan ngak bruk” patabiak mbang camereip di thun 1948; harak da-a mai pataom mbaok le truy dieu Chủ tịch Hồ Chí Minh...Amuk Nguyễn Thị Thạc,umo 77 thun, Anh hung lao dong gah jik menyim hu alin brei baoh tapuk Nhật ký vak veik dom kadha oh var hu saong hatung anit ranam di drei tapa 5 mbang hu taom gaok Wa Ho, amuk khan lac:

Bang: Taong abih dom hagait Wa Ho kakei, pato pakai dom rairah dam dara saong urasng ngak kong dalam nan hu dahlak, dahlak oh var hu. Baoh tapuk Nhat ky ini dahlak hu vak abih dom mbang hu taom Wa saong dom baoh panuac Wa pato, Wa kakei saong pachreih dahlak. Saong, dahlak sanya saong Wa, dahlak brei kham merat luac rai piah ngak tui dom baoh panuac Wa pato.

          # Pak Hà Nội, Kapul Doanh nghiệp sit haong gap Việt Nam bahrau brei thau ka danak dak nyaom darak “Hadah mbaok pandap Việt Nam chất lượng glaong saong dom janih pandap meng kan thun 2014”. Nyaom darak meda rah tabiak dalam harei 10/10 tal pal Thiên đường Bảo Sơn, Hà Nội. Hu mbaok dalam nyaom darak nan hu jaik 300 gian hàng, parang iek, meyaih khan dom janih pandap mbang menyum, jru cavao, khan ao, pandap pandang ngak sang, văn phòng phẩm, dom janih pandap meng kan di palei ngak, pandap ngak meng tangin,…

# Harei 21 -8, di tỉnh Tuyên Quang, Harak mbao Bangsa saong Patagok, Harak mbao Tuyên Quang saong mBan Bangsa tỉnh pambuak bruk peih nyaom biai “ Harak mbao kayua bruk patagok khang kajap bhum urang bangsa takik saong bhum ceik”. Dalam nyaom biai, dom urang lambaok vakil hu dom tham luận ka dom asar kadha yau; harak mbao pathau khan ka bruk patruh iek patrun kan kathaot, patagok kinh tế di bhum glaong; bruk pathau khan dak padang talei jum pataom taong abih bangsa; kayua burk cak rok patagok kahng kajap di urang bangsa takik saong bhum ceik…

# Tukvak ini, har trung thu hu parang pablei pak ralo cửa hàng angaok ralo canah jalan di bal Buôn Ma Thuột, tỉnh Đắc Lắc. Dom angan har hu angan jeng hu parang pablei, dalam nan, ralo abih lac Kinh Đô, langiu di nan daok hu Đồng Khánh, Hữu Nghị, Bibica saong cơ sở ngak har pak Đắc Lắc yau Bảo Hương, Hà Nội, Thành Phát. Yaom pablei dom janih har toj glaong jang dom ribau đồng dut haong thun dahlau. Manuac urang blei har oh ka hu ralo dalam tukvak ini.

# Ban sit Da Nang daok peih ngak dom jalan pacang cag jit ruak Ebola, dalm nan njauk iek praong bruk pasang iek urang negar langiu tame mai tui jalan pabah mbang negar, dut iek rup pabhap saong mek tơ khai y tế. Amuk Ngô Thị Kim Yến, Phó Akok  Sở Y tế ban sit Đà Nẵng brei thau, Viện Pasteur Nha Trang birau brei ka ban sit ini 100 blah khan ao bảo hộ. Min, urak ini, ban sit daok kurang dom janih pandap pandar piah pacang caga jit rauk yau mac halang darak samar, mac dut iek thên nhiệt di dom labik pabah mbang negar. 

# Piah duh ka bhap bani taduan raok Harei negar 2-9, Mblang bein Đầm Sen meda peih ngak dak dak daoh tamia biak karei, hu mbaok dom ca sĩ saong nghệ sĩ di tuk 19 tuk meteh harei 2-9, hu truyền tapak meng sân khấu Ngôi Sao tal dom màn hình prong dalam mblang bein. Patui nan lac danak dak cuh pháo bingu tuk 21 tuk.. Dahlau di nan, dalam harei 31-8, pak Đầm Sen jeng rah tabiak "Harei ptaom blah rup cih 3D jalan phố" ngan haong ralo asal kadha yau: Nyaom pakacah sáng tác blah rup cih 3D, mbang pakacah "thaik binguk nghệ thuật gam haong blah rup cih 3D"... Dalam  harei 30-8 meda rah tabiak nyaom pakacah "Vũ điệu non sông", brei ka anek saih  pakat II saong pakat III dalam bal raya.

Khaw tin dunya:

# Dalam bruk kham merat pacang cakak jit ruak Ebola, Rajaei Nam Phi birau patabiak hukum pakauk oh brei tame ngan saong dom urang mai meng 3 taneh ia Tây Phi urak ini daok hu ruak nan lac Ghinê, Libêria saong Xiêra Lêôn. Mentri Y tế Nam Phi kakei bhap bini taneh ia ini, meyah oh hu bruk hagiat praong ye juai nao tal dom taneh ia hu jit ruak Ebola.

# Bahrau ini, Tổng thống Li-bê-ri-a, negar hu jit E-bô-la tamuh khang  abih di dunya ngan haong 972 urang njaom ruak, dalam nan hu 576 urang metai hu brei adat ka gah an ninh ba caik daok karei jaik 50 urang dalam labik neriak tachuac angaok pulao kaoh Oét Poi-tơ piah pacang cakak jit njom mbak.

# Hajan praong ngak brei dauk ia dalam 3 adit tapa di taneh ia Cam-pu-chia ngak 45 urang metai saong yaok ribau baoh sang pandaun nao dom labik glaong. Tui Ủy ban taneh ia  ka bruk khik iek bala meng langik tasik di Cam-pu-chia, hu tal 12 dalam 25 tỉnh, ban di taneh ia ini gaok kan kandah kayua ia duak. Ia duak ngak tal 94.600 baoh sang gaok kan kandah saong 11.590 baoh sang klak sang danaok nao daok labik karei. Langiu di nan, hu 12.700 hecta padai saong nyam patam khut abih./.