Khaw tin pagaiy harei 23-4-2015

# Biar harei 22/4, Tỉnh Đoàn Kon Tum peih bruk ndom biai "Pahadar 40 thun harei peih paha gah Meraong, yasa taneh aia (30/4/1975- 30/4/2015)". Labaih 10 tham luận hu dom ayut ranaih tỉnh Kon Tum trình bày pak van ndom biai hu ngak cambaih labik dang, bruk ngak di dam dara anak cuang kandah saong mbuan lagaih bahrau di taneh aia. Taphia di nan ba tabiak dom kadha pambuak pagam tal bruk  ngak di Đoàn urak ini. Sa-ai Hồ Việt, Phó Bí thư Huyện Đoàn Đắc Tô brei thau:“Dam dara ranaih huyện Đắc Tô yaok harei ngak sa bruk siam brei ka bhap bani, rik daong pren di drei ka bhap bani patagok kinh tế, patruh eik patrun kathaot. Dam dara Đắc Tô meda patui veik peih ngak, ngak tui 4 paka Wa Hồ pato dam dara: oh hu bruk hagait kan, tok huac hatai oh khin, takac ceik saong lam tasik, kham merat drei ngak hu”

# Pahadar 40 thun harei peih paha Trường Sa (29/4/1975 - 29/4/2015), pagaiy harei 22/4 , di Hà Nội, mintri Thông tin saong Truyền thông patabiak  bruk jak ba daong urang jakar, chien sy saong bhapbini daok ngak bruk khik caga chủ quyen negar di labik pulao kaoh Trường Sa. Mbang patabiak bruk  hu peih ngak rilo bruk ye : jik daong takik abih sa harei jien bilan di urang jakar, cong chuc, urang ngak dalam jabat mintri, jak ba bruk rik daong di dom doanh nghiep ngak bruk di gah thong tin saong truyen thong. Abih tih jian rik daong dalam pagaiy harei 22/4 lac 4,1 tỷ đồng.

# Peih ngak “Thun ilamo, văn minh đô thị 2015”, bal Đà Nẵng taduan hu bruk njauk hatai pachreih tui di bhap bani puk palei, dalam nan hu bruk kham merat di dom kapul nyaom agama. Ủy ban bhap bani bal Đà Nẵng pandar dom halau janeng, dom urang dang akaok agama pathau khan jak ba dom tín đồ, đạo hữu peih ngak siam jalan ba; pambuak haong gah chức năng duah mboh, langyah dom bruk vi phạm văn minh đô thị . 

# Harei 22/4, Công ty Trách nhiệm hữu hạn sa thành viên Nam Triệu barau peih bruk mbaoh tangin tame harak pambuak bruk ngak kapal kanduh thép ka 11 urang ngak ikan di tỉnh tỉnh Bình Định. 11 urang ngak ikan ini ginup dieu kien mesraiy jien ngak kapal barau tui Nghị định 67 di rajaei hu uy mban bhapbini tỉnh Bình Định phê duyệt. Công ty Nam Triệu meda ngak blaoh saong jao brei kapal ikan ka urang ngak ikan dalam 6 bilan; urang ngak ikan bayan jien ngak kapal ka labik ini dalam 4 mbang.

 # Peih ngak Quyết định 36/2013/QĐ-TTg harei 18/6/2013 di Thủ tướng Raja-ei ka sarak daong brei brah ka anek saih pak dom sang bac daok pak bhum kan kandah, tỉnh Ninh Thuận hu buh tabiak jaik 142 tấn brah meng gilang brah khik piah negar daong ka 2.330 anek saih daok tui bac pak dom sang bac daok dalam bhum biak kan kandah di tỉnh dalam học kỳ II thun bac 2014-2015. Bruk brei brah daong ka anek saoh bhum kan kandah piah daong ka dom adei oh kurang pandap mbang, abih di nyu lac dalam tuk tua riya pandiak bhang yau urak ini, daong ka dom adei yam tapa kan kandah, yam tagok dalam bac megru. 

# Dalam mbang nyaom ka pacang caga jit ruak bair harei 22/4, Sở y tế ban raya HCM brei thau, tukvak tal meda paptaom menuac urang pacang caga ruak panidak tabiak darah di dom quan, huyen praong. Dalam nan hu  8 quận huyện lac : Quận 8, Bình Chánh, Bình Tân, Thủ Đức, Hóc Môn, Gò Vấp, Tân Phú, Tân Bình. Ini lac dom quận huyện mbuan tamuh ruak pandiak tabiak darah kayua bien dong dan so, rilo cong trinh dak padang meteh jalan..Bác sĩ Nguyễn Hữu Hưng, Phó akaok  Sở Y tế ban raya phố Hồ Chí Minh brei thau : “Sở meda daong gah chuyên môn kỹ thuật ye daong pasram, taong yaom kein laba ka truyen thong, dut iek. Dom quận huyện ngak habal duah mboh dom labik mbuan tamuh ruak saong tacei pato dom kapul dalam quan hu mbaok tame saong jak ba bhapbini pataom tame ngak.

# Tỉnh Tiền Giang bahrau peih bruk padang ngak dự án kênh 14 dalam xã Gò Công saong huyện Gò Công Tây.  Dự án kênh 14  hu peih ngak meng ini tal abih thun 2018 salah blaoh saong ba tame pandar ngan haong yaom phun jien abih tih labaih 138 tỷ đồng. Bruk padang ngak kênh 14 hu daong langyah kan kandah ka aia pruh ka 37.500 ha taneh ngak padai saong njam patam di Gò Công dalam bilan pandiak bhang tua riya, saong daok ba aia pandar ka bhap bani di labik ini.

Khaw tin dunya        

 # Harei 22-4, Tổng thống Inđônêsia Giô-cô Uy-đô-đô (Joko Widodo) hu mbang taom gaok Chủ tịch Trung Quốc Tập Cận Bình lingiu nyaom biai Á-Phi rah tabiak di Gia-các-ta, Inđônêsia. Dua urang dang akaok hu mbaok mbaoh tangin tame harak hadar ka danakdak dak padang canah salan ridaih apui cao tốc dui pagam ban ine Gia-các-ta tal Ban-đung (Bandung), pasak di tỉnh Tây Java, Inđônêsia, ngan saong jien ngak 6,7 tỷ đôla kayua Trung Quốc brei jien mesraiy.

# Akaok Mentri Kinh tế Đức Sic-ma Ga-bri-en (Sigmar Gabriel) harei kabroi brei thau, jien ơrô laik yaom saong yaom menyek trun meda daong ba brei bruk ngak pak Đức, nền kinh tế prong abih châu Âu. Akaok Mentri Kinh tế Đức caong khin yaom menyek jeng daok ala tanut glaong dalam sa tukvak tra saong tỷ giá đồng ơrô oh salih khang dalam dom bilan anak tal. 

# Di Seoul, harei 22/4, rajaei Hàn Quốc brei buh tame labaih 1.800 tỷ won (1,66 tỷ đô la) dalam thun ini rik daong jhul pakhang gah năng lượng hacih saong tái tạo piah ngak tabiak sa darak pasal yaom 4.600 tỷ won saong  14.000 bruk ngak barau di thun 2017.