# Biar harei 22-7 pak jabat Văn phòng Quốc hội, akaok Quốc hội Nguyễn Sinh Hùng hu taduan raok dom Đại sứ, Akaok jabat lambaok Việt Nam pak negar langiu bahrau hu bổ nhiệm. Pak van taduan raok, dom Đại sứ, Akaok jabat lambaok Việt Nam pak negar langiu hu ndom lac meda ngak abih drei piah jhul pakhang talei rohim pambuak bruk nao mai di Việt Nam haong dom negar, pambuak bruk nghị viện; ngak siam bruk ngoại giao duh ka kinh tế, ngoại giao ilamo, jang yau tranh thủ taong abih dom bruk pachreih, daong ba di dom negar ka bruk dak padang saon patagok taneh aia.

# Pahadar 50 thun phong trào “Klau sẵn sàng” (9/8/1964 - 9/8/2014) saong pahadar 67 thun “Harei thương binh, liệt sỹ" (27/7/1947 - 27/7/2014), melam 22/7 pak Hà Nội, Ban Thường vụ Đoàn Khối dom jabat Trung ương pambuak haong dom Đoàn Dam dara Mentri Công an peih ngak Danak dak daoh tamia Baoh hatai Việt Nam.  Pok panuac di danak dak, Akaok Ủy ban Trung ương Mặt trận Negar Việt Nam Nguyễn Thiện Nhân caong khin, tukvak anak tal, dom ayut đoàn viên, dam dara njauk hu ralo bruk ngak piah pataom saong patagok hu trí tuệ Việt Nam, dak padang rai rah dam dara hu bản lĩnh chính trị, ilamu glaong, pren paneh khang; patui veik lac kapul nyaom ba akaok nao dahlau angaok dom gah roh duah ilamu, ngak mbang pablei salih. Pak danak dak, Akaok Ủy ban Trung ương Mặt trận Negar Việt Nam, Nguyễn Thiện Nhân alin brei 1 tỷ đồng daong ka dom urang dahlau diah ngak thanh niên xung phong oh ka hu hadiuk hu pasang, hu rai diuk kan kandah pak tỉnh Quảng Trị.

# Lễ cầu siêu, cầu an tukvak Harei Thương binh, liệt sỹ 27/7 thun ini meda rah tabiak pak quần thể baha Khmer dalam quần thể Palei ilamo - du lịch dom bangsa Việt Nam (Đồng Mô, Sơn Tây, Hà Nội) meng 9 tuk tal 12 tuk njauk harei 27/7. Ini lac bruk ngak hu mboh di meta piah brei mboh hatai iek prong, thau dhar phol tal dom anh hùng liệt sỹ van klak rup drei brei ka taneh aia bangsa. Van lễ hu mbaok di dom jabat, kapul nyaom, abih di nyu lac lambaok chỉ huy Trung đoàn Không quân 916 saong gauk gar dom liệt sỹ dalam Trung đoàn 916 jaleih trun dalam mbang kapal haok laik pak Hòa Lạc harei 7/7 meng blaoh.

# Biar harei 22/7, kapul anek saih hu mbaok tame pakacah Olympic Vật lý dunya thun 2014 pak Ca-dắc-xtan hu nao tal Hà Nội. Thứ trưởng Mentri pato megru Nguyễn Thị Nghĩa tabiak mblang kapal haok Nội Bài raok kapul, tadhau ayuh saong pok brei pandap ka dom anek saih mek hu giải. Ngan haong thành tích 3 huy chương Ameh, 2 huy chương Pariak, kapul anek saih Việt Nam ndih tame dalam top 10 kapul hu kết quả glaong abih di Olympic Vật lý dunya thun 2014. Pak van taduan raok, Thứ trưởng Mentri Pato megru Nguyễn Thị Nghĩa hu ndom lac, bruk salih bahrau di Mentri Pato megru dalam bruk pakacah palih ruah saong pathram đội tuyển thun ini ngak brei ba mai ralo baoh jeng siam mekre ka dom anek saih Việt Nam pak mbang pakacah Olympic Vật lý dunya.

# Biar harei 22-7, pak Hà Nội, Rayo sap ndom Việt Nam saong Tổng Liên đoàn Lao động Việt Nam mboh tangin danak dak pambuak bruk pathau ka phong trào công nhân, bruk ngak công đoàn angaok riyak VOV tukvak 2014 -  2019 saong pataom iek veik 5 thun pambuak bruk di dua tukvak 2009-2014. Pok panuac dalam van ngak lễ, ong Nguyễn Đăng Tiến, Akaok rayo sap ndom Việt Nam brei thau: bruk cakrok rok patagok di giai cấp công nhân Việt Nam, bruk salih bahrau khang kadang di yaok công ty, kapul nyaom hu ngak jeng pren khang ka taneh aia, ngak kaya meda ka taneh aia. Dalam bruk salih bahrau, giai cấp công nhân tuk halei jeng lac urang dang akaok, nao dahlau. 

# Daok dalam dom bruk ngak “Pamaong tal pulao tasik bhummi” ngan haong angan “Rik daong haong gauk dak padang pulao tasik” harei 22/7, Kapul nyaom sinh viên halar hatian Mùa hè Xanh di 14 sang bac Đại học bal raya Hồ Chí Minh hu pambuak haong dam dara huyện đảo Lý Sơn peih ngak dom bruk ngak halar hatian mùa hè xanh. Tukvak nan, dom sinh viên halar hatian Mùa hè xanh jeng mong iek saong peih ngak dom đề tài roh duah khik iek môi trường, patagok du lịch pak huyện Lý Sơn. Taong abih phun jien ka dom bruk ngak nan jaik 500 triệu kayua Báo Tuổi trẻ bal raya Hồ Chí Minh daong brei.  

# Kuhria tal biar harei 22/7, dalam negar hu 36 sang bac brei thau ka  điểm pakacah tame Đại học, Cao đẳng thun 2014. Tui taong yaom di dom sang bac, điểm pakacah kuhria rah tapa di dom anek saih thun ini glaong jang thun dahlau. Kết quả ini brei mboh baoh jeng siam mekre akaok mereip di bruk salih cấu trúc đề thi saong parabha tui jalan taong yaom pren bac di anek saih. Tui kuhria, akaok bilan 8 anak tal, Hội đồng điểm sàn di Mentri pato megru meda nyaom saong brei thau tiêu chí grap tanat chất lượng akaok tame ka dom sang bac. Hadei di tuk hu tiêu chí grap tanat chất lượng akaok tame, dom sang bac meda brei thau điểm chuẩn xét tuyển.

Khaw tin dunya

# Harei 22/7, dalam tukvak mbang nao rivang Vương quốc Bỉ saong hu mbaok dalam Nyaom biai Akaok Mentri ngoại giao ASEAN – EU mbang ka 20, Phaok Thủ tướng, Akaok Mentri ngoại giao Phạm Bình Minh hu jao brei Huân chương hữu nghị ka 2 urang auyt Bỉ hu ralo rik daong dalam bruk jhul pakhang talei pambuak bruk nao mai di Việt Nam saong Vương quốc Bỉ. Jeng dalam tukvak ini, Phaok Thủ tướng, Akaok Mentri ngoại giao Phạm Bình Minh gam haong Đại sứ Phạm Sanh Châu cakak băng peih pakak hành lang "dom Đại sứ " pak jabat Đại sứ quán Việt Nam pak Vương quốc Bỉ. Hành lang parang iek thaik binguk ka dom bruk ngak tapa ralo nhiệm kỳ Đại sứ Việt Nam pak Vương quốc Bỉ.

# Melam 22-7, Ủy ban tổng tuyển cử (GEC) di Inđônêxia chính thức brei thau kết quả kiểm phiếu puac abih di mbang palih ruah Tổng thống harei 9/7, tui nan Thống đốc Jakarta Giô-cô Uy-đô-đô (Joko Widodo) hu jayak Akaok đảng Phong trào Inđônêxia vĩ đại (Gerindra) Pra-bô-vô Xu-bi-an-tô (Prabowo Subianto). Yau nan, ong Giô-cô Uy-đô-đô chính thức lac urang jayak saong meda tagok nhậm chức hadei di tuk đương kim Tổng thống Xu-xi-lô Bam-bang Y-u-đô-y-ô-nô (Susilo Bambang Yudhoyono) mãn nhiệm dalam harei 20/10 anak tal.

# Thủ tướng Hà Lan Măc Rut-tơ (Mark Rutte) bahrau brei thau, dom  atau di dom urang njauk bala akaok mereip di mbang par MH17 njauk bala pak miền Đông Ucraina harei 17 bilan 7 meng blaoh, saong tui kuhria meda panduan tal Hà Lan dalam harei ini 23-7.  Tui ong Măc Rut-tơ, dom atau ini meda hu panduan meng bal sit Khắc-côp, Ucraina tal En-hô-ven (Eindhoven), Hà Lan, dahlau di tuk nhận dạng.