# Biar harei 23/7, pak jabat Raja-ei, Thủ tướng Nguyễn Tấn Dũng hu taduan raok ong Tony Blair, urang dahlau diah ngak Thủ tướng Liên hiệp Vương quốc Anh saong Bắc Ireland tukvak ong tapa rivang saong ngak bruk pak Việt Nam. Thủ tướng Nguyễn Tấn Dũng khang panuac lac, Việt Nam caong khin gam haong Vương quốc Anh kham merat ba talei pambuak bruk nao mai di Việt Nam-Anh patagok prong dalam saong biak biai angaok dom gah chính trị-ngoại giao, ngak mbang – pablei salih, pato megru, pambuak bruk nao mai di bhap bani dua gah… Việt Nam jeng caong khin Vương quốc Anh patui veik daong ba Việt Nam dalam gah patruh eik patrun kathaot, patagok hạ tầng kinh tế-xã hội saong ứng phó haong biến đổi khí hậu…

# Tukvak pahadar 67 thun Harei Thương binh Liệt sĩ (27/7/1947 - 27/7/2014), harei 23/7, ong Nguyễn Thiện Nhân, Ủy viên Bộ Chính trị, Akaok Ủy ban Trung ương Mặt trận negar Việt Nam hu mai rivang saong alin brei pandap ka dom thương binh, bệnh binh pak Pasak raong ba urang hu kong tỉnh Bắc Giang. Ong Nguyễn Thiện Nhân hu pok brei ka Pasak raong ba urang hu kong tỉnh Bắc Giang pandap saong 10 triệu đồng, alin hadaih 24 thương binh daok iek glang, raong ba di pasak, yaok urang 2 triệu đồng. Ong Nguyễn Thiện Nhân abih hatai tangi rivang saong pang dom hatai caong khin di dom thương binh, bệnh binh pambuak pagam tal chế độ, sarak, paglaong rai diuk ka rup babhap dom thương bệnh binh saong baoh sang gia đình di gait.  

          # Thủ tướng Raja-ei bahrau dom quyết định daong pajaih  kapah saong brah meng gilang khik caga di negar ka dom tỉnh. Biak di nyu, pak Quyết định ka 1195/QĐ-TTg, Thủ tướng raja-ei tacei pato Mentri Công Thương buh tabiak daong oh mek jien 13.600 kg asal pajaih kapah meng gilang khik piah negar ka 7 tỉnh ngak thun 2014 - 2015. Gam haong nan, pak Quyết định ka 1198/QĐ-TTg, Thủ tướng Raja-ei jeng jao ka Mentri Jien padai mek buh tabiak daong oh mek jien 401,775 tấn brah meng gilang khik caga negar ka tỉnh Gia Lai piah taleih eik ka bhap bani dalam tukvak cang yuak kuak thun 2014.

# Jit aih craoh daok tamuh khang pak huyện Bình Chánh, bal raya  Hồ Chí Minh. Hadei di 1 urang metai ka aih craoh di xã Lê Minh Xuân, huyện Bình Chánh, tal biar harei 23/7, hu jang dua urang tra njauk ruak aih craoh ngak brei patagok urang njauk ruak dalam sruh jit ini tagok tal 9. Pasak y tế dự phòng bal raya Hồ Chí Minh brei thau ini lac sruh jit ruak cấp, labaik daok, rah tabiak kayua điều kiện vệ sinh môi trường oh siam yau pandar jaman angan danao raong ikan, sàn nhà ẩm thấp, vin taom dhar danao kavei tù đọng, hareik hareim sinh hoạt oh hu pataom. Gam harei, Urang jakar Balai y tế xã hu pruh jru pametai khuẩn Cloramin B pak sruh jit nan.  

# Biar harei 22-7 pak jabat Văn phòng Quốc hội, akaok Quốc hội Nguyễn Sinh Hùng hu taduan raok dom Đại sứ, Akaok jabat lambaok Việt Nam pak negar langiu bahrau hu bổ nhiệm. Pak van taduan raok, dom Đại sứ, Akaok jabat lambaok Việt Nam pak negar langiu hu ndom lac meda ngak abih drei piah jhul pakhang talei rohim pambuak bruk nao mai di Việt Nam haong dom negar, pambuak bruk nghị viện; ngak siam bruk ngoại giao duh ka kinh tế, ngoại giao ilamo, jang yau tranh thủ taong abih dom bruk pachreih, daong ba di dom negar ka bruk dak padang saon patagok taneh aia.

# Pahadar 50 thun phong trào “Klau sẵn sàng” (9/8/1964 - 9/8/2014) saong pahadar 67 thun “Harei thương binh, liệt sỹ" (27/7/1947 - 27/7/2014), melam 22/7 pak Hà Nội, Ban Thường vụ Đoàn Khối dom jabat Trung ương pambuak haong dom Đoàn Dam dara Mentri Công an peih ngak Danak dak daoh tamia Baoh hatai Việt Nam.  Pok panuac di danak dak, Akaok Ủy ban Trung ương Mặt trận Negar Việt Nam Nguyễn Thiện Nhân caong khin, tukvak anak tal, dom ayut đoàn viên, dam dara njauk hu ralo bruk ngak piah pataom saong patagok hu trí tuệ Việt Nam, dak padang rai rah dam dara hu bản lĩnh chính trị, ilamu glaong, pren paneh khang; patui veik lac kapul nyaom ba akaok nao dahlau angaok dom gah roh duah ilamu, ngak mbang pablei salih. Pak danak dak, Akaok Ủy ban Trung ương Mặt trận Negar Việt Nam, Nguyễn Thiện Nhân alin brei 1 tỷ đồng daong ka dom urang dahlau diah ngak thanh niên xung phong oh ka hu hadiuk hu pasang, hu rai diuk kan kandah pak tỉnh Quảng Trị.

# Lễ cầu siêu, cầu an tukvak Harei Thương binh, liệt sỹ 27/7 thun ini meda rah tabiak pak quần thể baha Khmer dalam quần thể Palei ilamo - du lịch dom bangsa Việt Nam (Đồng Mô, Sơn Tây, Hà Nội) meng 9 tuk tal 12 tuk njauk harei 27/7. Ini lac bruk ngak hu mboh di meta piah brei mboh hatai iek prong, thau dhar phol tal dom anh hùng liệt sỹ van klak rup drei brei ka taneh aia bangsa. Van lễ hu mbaok di dom jabat, kapul nyaom, abih di nyu lac lambaok chỉ huy Trung đoàn Không quân 916 saong gauk gar dom liệt sỹ dalam Trung đoàn 916 jaleih trun dalam mbang kapal haok laik pak Hòa Lạc harei 7/7 meng blaoh.

# Biar harei 22/7, kapul anek saih hu mbaok tame pakacah Olympic Vật lý dunya thun 2014 pak Ca-dắc-xtan hu nao tal Hà Nội. Thứ trưởng Mentri pato megru Nguyễn Thị Nghĩa tabiak mblang kapal haok Nội Bài raok kapul, tadhau ayuh saong pok brei pandap ka dom anek saih mek hu giải. Ngan haong thành tích 3 huy chương Ameh, 2 huy chương Pariak, kapul anek saih Việt Nam ndih tame dalam top 10 kapul hu kết quả glaong abih di Olympic Vật lý dunya thun 2014. Pak van taduan raok, Thứ trưởng Mentri Pato megru Nguyễn Thị Nghĩa hu ndom lac, bruk salih bahrau di Mentri Pato megru dalam bruk pakacah palih ruah saong pathram đội tuyển thun ini ngak brei ba mai ralo baoh jeng siam mekre ka dom anek saih Việt Nam pak mbang pakacah Olympic Vật lý dunya.

# Harei 23/7, Ủy ban khik iek trật tự negar ( NCPO) họp báo brei thau bruk pandar bản hiến pháp tạm thời thun 2014 di Thái Lan ngan haong ralo kadha quan trọng. Bruk pandar bản Hiến pháp tạm thời thun 2014 nan lac khởi điểm di yam ka 2 dalam lộ trình 3 yam bo gah quân sự Thái Lan brei thau hadei di tuk peih ngak mbang bleik salih raja-ei di Thủ tướng Dinh-lắc Xin-na-vắt (Yingluck Shinawatra).