Khaw tin pagaiy harei 4-5-2015 

# Di tỉnh Phú Yên, katak cao su laik yaom hamiet, urak ini tok daok meng 7000 đồng – 8000 đồng/sa kg, bair jang sa meteh duk saong bilan ini thun dahlau. Dalam tuk nan, jien blei khak drak, pren yava pasang iek, kaoh katak jeng tagok, yau nan ye urang pala cao su khat trak. Ông Lê Văn Minh, daok di xã EaBar, huyện Sông Hinh, tỉnh Phú Yên brei thau : “Cao su pala tal 10 thun paje, mengkan pala cao su rauh taneh siam pala, urak ini kaoh klak biak palai pajoa. Tal ini njauk kaoh klak kayua ngak dua thun khat dom pluh trieu đồng, dahlau thiah tuk yaom 12 rabau đồng, harei ini tok daok 7, 8 rabau đồng, meyah daok ngak jeng khat  veik”. 

/ Di dom tỉnh Tây Nguyên, pandiak bhang daok yam tame bilan tabung glaong, yaok rituh ha padai njauk pandiak thu, labaih 20 ribau ha cà phê daok thu lagu ngak khat lahik yaok ribau tỷ đồng. Dalam tuk pandiak bhang, daok hu dom mbang ngin ribuk, grum, hajan patau gam gam rah tabiak, mbuan ba tal metai lihik ka anek menuac saong khat lahik ka bruk ngak nông. Tapa nan brei mboh langik tasik dalam khu vực dak harei dak kan kandah, bhap bini brei thau samar, thau ginup ka bruk lingik tasik yau ini piah hu jalan pacang cakak. 

# Sang bac đại học Cần Thơ pambuak bruk saong kapul raong glang Việt Nam saong kapul Thú y Việt Nam barau peih nyaom biai alamu raong glang Thú y palat negar thun 2015. Di nyaom biai, dom urang jakar pataom tame ginum biai ka dom bruk ye : bruk ngak saong jalan patagok gah raong glang thu y; di truyền – pajaih kaya raong;  công nghệ sinh học dalam raong glang saong thú y jeng ye chuỗi sản xuất, pablei salih, dịch vụ raong glang .

/Meng dom kraong ribaong dalam bhum ngọt hóa khik hu ginup ia bo tỉnh Trà Vinh mek hu năng suất glaong ka padai saong njam patam. Bilan đông xuân meng bloh năng suất hu labaih 7 tấn sa ha, glaong di abih meng dahlau tal ini. Min dalam tukvak ini ia daok thu lagu, yaok ribau ha njam patam njauk metai thu, padai hè thu oh trun pajaih hu ngak ka urang nông gaok kan kandah.

#  Sở ngak nong saong patagok palei pala tỉnh Sóc Trăng  brei thau, anak bruk rathun tím Vĩnh Châu kan duah hu labik pablei dalam dua niên vụ jaik ini, tỉnh meda brei ramik veik bruk sản xuất bhum ini dalam dom nien vu jaik tal. Tui nan, gah ngak nong tỉnh kakei mikva trun takik taneh pala rathun di mức độ hợp lý paih khik caga cung cầu. Langiu di nan, gah ngak nong meda ba tabiak jalan pasalih phun pala, janih raong hu yaom kinh te, lagaih saong bhum taneh Vĩnh Châu piah salih rathun tím. 

/ Tỉnh Bến Tre barau peih bruk padang ngak công trình takai kraong giao hòa di labik tatua An Hóa, huyện Bình Đại. Dự án hu  ngak dom bruk yau: padang ngak bờ kè dang pambuak saong mái nghiên saong lan can meng bê tông pasei glaong 2,2 mét, atah  jaik 500 mét. Di jalan kè hu jalan nao mai saong vỉa hè. Tui kuhria tal puac bilan 12 thun ini công trình meda ngak salah bloh. Bruk padang ngak nan, lac bruk njauk ngak piah pacang cakak bruk jaleih haluk daok rah tabiak.

# Kapul urang dahlau thiah ngak bol lin di Trung đoàn 1, Sư Đoàn 9, sa dalam 5 cánh quân nduac tame peih paha Sài Gòn hu mai ravang veik mblang mesruh metak mengkan saong tanhi ravang veik labik Biệt khu Thủ Đô urak ini lac Bộ Tư Lệnh ban raya Ho Chí Minh labik Sư đoàn 9 ba bol bala tame harei 30/4/1975. Di Bộ Tư lệnh ban raya, akaok Bộ Tư Lệnh ban raya brei thau hatai bui sambai tuk dom urang dahlau thiah ngak bol lin, dom urang var rup drei ba abih thun ranaih di drei; dahlau thiah ndih daok saong bol bala bhapbini puk palei piah ngak jeng jayah oanh liệt, peih paha gah meraong, ngak jeng jayah praong bilan xuân 1975 hadah hadai. 

Patui di ini dom khau tin dunya:

/ Mbang nao rivang di Ngoại trưởng Nhật Bản Phư-mi-ô Ki-si-đa tal Cuba brei mboh, NB halan hatian jhul pakhang talei pambuak bruk kinh tế saong Cuba, ba dua taneh ia tame pambuak bruk ralo jang gac. Ini lac panuac di dom chuyên gia langyah hadei di mbang ginum meyai rah tabiak di Ngoại trưởng Nhật Bản Phư-mi-ô Ki-si-đa daok rivang Cuba saong Ngoại trưởng Cuba Bru-nô Rô-đri-ghết.  

# Diễn đàn Kinh tế, pablei salih saong ilmio mbang yaka 10 di Trung  Quốc saong Đài Loan barau peih pakak di ban Thượng Hải, Trung Quốc. Brei panuac di var peih pakak, ông Du Chính Thanh, Ủy viên Thường vụ mintri  Chính trị Trung ương Đảng Cộng sản Trung Quốc, gam lac Chủ tịịch Chính Hiệp Trung ương Trung Quốc ndom tal yaom glaong di bruk ginum biai di Trung Quốc saong Đài Loan, ndom lac Trung Quốc saong Đài Loan njauk khik caga bruk patagok talei pambuak bruk di dua bờ eo tasik tui jalan hòa bình, njauk saong thỏa thuận thun 1992.      

Yaok pluh cảnh sát saong dom urang halan hatian barau duah mboh 26 meyit di sa labik kabo jaik sa trại pablei menuac tapen sườn đồi daok gah dalam sa glai nhiệt đới di gah meraong Thái Lan. Labik dar meyit ini hu duah mboh di huyện Xa đao, tỉnh Xổng-khla. Dom urang ini lac dom urang nhập cư sung hukum mai meng Mi-an-ma saong Băng-la-đét, duah jalan nao tapa TL. Urang ngak praong TL daok duah mboh 3 urang patuah daok diuk, dalam nan hu 2 uranaih./.