Khaw tin pagaiy harei 5-5-2015

# Di Hà Nội, nyaom biai mbang yaka 11, Ban Chấp hành Trung ương Đảng khóa XI barau peih tabiak dalam praong prang. Nyaom biai mbang yaka 11 ini, Ban Chấp hành Trung ương Đảng ginum biai ka dom bruk nan lac : bruk menuac urang di Ban chấp hành Trung ương khóa XII, mo hinh padang karja puk palei; danakdak  mblang kapal haok pakat dunya Long Thành saong brei panuac ka harak pathau khan dom bruk praong bo mintri Chính trị hu langyah bloh meng hadei nyaom biai Trung ương X tal urak ini. Tui danakdak, nyaom biai Trung ương 11 (khóa XI) ngak bruk tal harei 7/5/2015.

/ Dua tỉnh Sơn La diViệt Nam saong Hủa Phăn di Cộng hòa dân chủ bhap bini Lào barau mbaoh tangin tame danak dak pambuak bruk khik caga glai saong pacang khuah glai bhum taphia negar tukvak 2015 – 2017. Dua tỉnh Sơn La saong Hủa Phăn daok padang danak dak, jalan patagok bruk jak ba, pathau khan bhap bini daok di labik taphia negar dalam bruk jah tak, khik caga glai, pambuak saong dom bruk patagok kinh tế di labik dua gah taphia negar.    

# Harei kabroi , Uỷ ban bhapbini xã An Vĩnh gam saong dom puk pajaih angaok pulao Lý Sơn, tỉnh Quảng Ngãi peih ngak Lễ Khao lề thế lính Hoàng Sa. Ini lac adat cambat mengkan di bhapbini pulao Lý Sơn, piah pahadar pren di dom hùng binh Bắc Hải mengkan hu buh pren yava dalam bruk padang mốc, khik caga chủ quyền di dua quần đảo Hoàng Sa saong Trường Sa di Việt Nam.

/ Dalam tuk padeih lễ meng bloh, Bình Thuận hu taduan rok jaik 200.000 mbang tuai du lịch mai rivang iek, padeih padei. Dalam nan, tuai negar langiu jaik 12.500 mbang, tuai ndih veik 82.000 mbang, tuai mai me-in dalam harei jaik 112.000 mbang. Jien mek tame gah du lịch tui kuhria hu 210 tỉ đồng, tagok 14,2% duk saong thun 2014.

#  Ban Thường vụ Tỉnh đoàn saong Sở pato megru tỉnh Sóc Trăng pambuak bruk saong Jabat lambaok kadung jien bac Vừ A Dính barau peih bruk alin paok jien bac Vừ A Dính thun bac 2014-2015 ka dom anek saih bangsa takik hu sang kan kandah yam tagok bac siam di huyện Thạnh Trị. Tapa nan, Ban Thường vụ Tỉnh đoàn hu brei 60 paok jien bac Vừ A Dính ka 30 anek saih bac pakat 1 (800.000 đồng/sa paok) saong 30 anek saih bac pakat 2 (1.000.000 đồng/sa paok).Ini lac paok pandap pachreih ba dom adei kham merat bac megru biak siam piah patui jalan caong khin di drei.   

/ Tỉnh Đồng Nai hu labaih 190 ribau ha glai, dalam nan ralo meng lac glai tự nhiên. Urak ini, langik daok pandiak khang nan ye glai biak mbuan si khuah di tanut báo động pakat 5, pakat biak nguy hiểm. Gah kiểm lâm saong dom đơn vị po glai brei menuac mai khik iek luac harei melam piah samar mboh saong samar padam pui khuah glai. Ong Lê Việt Dũng,  Phó akaok Chi cục Kiểm lâm tỉnh Đồng Nai brei thau:  “Taong abih menuac khik caga glai biak kham merat. Meng akaok bilan pandiak tal ini, kol dahlak hu dua mbang nao pasang iek bruk caga pacang khuah glai, dom đơn vị po glai peih ngak biak siam jalan pacang caga khuah glai”.            

# Melam bloh , di sang thi đấu Thái Sơn Nam, Quận 8 hu peih pakak giai caoh blaong Futsal urang kumei ban raya Hồ Chí Minh. Giải thun ini hu mbaok di 8 kapul lac Quận 8, kalup kapul Tao Đàn Quận 1, Pouyuen Việt Nam, Passion Sài Gòn, Team Ghosts saong Công ty ngak jamriak bánh mỳ Trường An. Dom kapul pakacah vil vaong sa mbang kuhria điểm xếp hạng. Giải lac tuk piah ka dom cầu thủ kumei hu patagok saong paglaong bruk bac daa, jhul pakhang bruk Futsal urang kumei di ban raya Hồ Chí Minh saong dalam taneh ia.  

Patui di ini dom khau tin dunya:

/ Di ban ine Pa-ri daok rah tabiak nyaom darak Pari 2015 – nyaom darak yaok thun praong abih di Prang saong praong ka 7 di Châu âu. Labik parang iek VN daok di pabah mbang praong khu Hall 3- “bruk đa dạng di dunya”. Meng dua thun tapa, dom mbang parang iek ao tah saong nghệ thuật VN tuk halei jeng pachreih hu bruk caik hatai di ralo tuai damuai mai mong iek nyaom darak Pari. 

# Akaok mintri jien padai Nhật Bản Tarô Asô brei thau, taneh ia ini meda peih praong đầu tư  ka dom danadak hạ tầng di châu Á. Brei panuac di sa nyaom biai di gilang pariak patagok châu Á (ADB) rah tabiak di A-dec-bai-gian, akaok mintri Asô brei thau, Nhật Bản meda đầu tư hạ tầng rilo jang di dom taneh ia châu Á saong pambuak bruk saong dom thể chế jien padai tư nhân. 

/ Gah khik caga takai tasik Lipi pacang hu 5 kapal di kol pablei menuac pajeng labaih 500 bhap bini sung hukum daok duah jalan tame takai tasik Châu Âu. Gah khik caga takai tasik Lipi hu ba dom kapal ini tame takai tasik saong cap kreik dom urang nhập cư sung hukum mai meng dom taneh ia châu Phi saong dom taneh ia Trung đông daok hu mesruh metak./.