Khaw tin pagaiy harei 7-5-2015

# Di sang Quốc hội, akaok Quốc hội Nguyễn Sinh Hùng hu raok kapul  Hạ nghị sĩ Mỹ kayua ông Matt Salom (Mát Sa-lầm) - Chủ tịch Tiểu ban Châu Á - Thái Bình Dương - Ủy ban Đối ngoại Hạ viện Mỹ par akaok. Akok Quốc hội Nguyễn Sinh Hùng bui sambai salam raok ong Mát Sa-lầm saong kapul  Hạ viện Mỹ ravang Việt Nam saong jia tame mbang ravang di kapul meda rik daong pakhang pakajap talei pambuak bruk di dua taneh ia. 

/ Ngak tui tacei pato di Thủ tướng rajaei, tỉnh Ninh Thuận hu taduan jaik 142 tấn brah meng gilang kkik mepiah di negar daong piah peih brei ka 2.330 anek saih daok bac di dom sang bac, di bhum biak kan kandah di tỉnh dalam thun bac 2014 – 2015. Tui nan, yaok anek saih hu peih brei 15 kh brah sa bilan. NT hu 27 xã, phường, ban sit biak kan kandah.

# Pachreih tui bruk ba tabiak di kapul Chữ thập đỏ Việt Nam dak padang saong patabiak "Ngân hàng limo – ba pren gam saong bhapbini dom huyen kathaot, xa biên giới padang ngak palei pale barau” , Công ty bảo hiểm Prudential Việt Nam alin brei 150 drei limo ka dom sang kan kandah di 3 tỉnh Kon Tum, Bắc Cạn saong Gia Lai saong yaom jien abih tih jaik 2 tỉ meteh.

/ meng akaok thun tal ini, bruk taong cap ikan ngừ đại dương di tỉnh Phú yên gam gam gaok kan kandah kayua jien ka yaok mbang nao tasik tagok glaong, pabah lamnge tame tabiak kan kandah. Urak ini 2/3 dalam abih tih jaik 700 kapal ikan di tỉnh Phú yên hu salih tapa dom bruk ngak karei. Ong Lê Văn Trúc, Phó akaok thường trực Uỷ ban bhap bini tỉnh Phú Yên brei thau: Phú yên oh lagaih di labik lac vah ikan truyền thống oh hu pambuak bruk. Phú yên bo oh hu ikan ngừ mete praong kakah kanyik nan lac nao tame. Urak ini drei brei pambuak bruk gam salih bruk ngak, brei kuhria tal bruk an toàn glaong.

# Kuhria caga ka mbang nyaom ka 9, Quốc hội mbang XIII, Kapul urang Quốc hội tỉnh Đắc Lắc hu var taom gaok cử tri di xã Dray Bhăng, huyện Chư Quynh.  Rilo kadha hu dom cu tri payua tagok urang Quốc hội saong caong khin hu langyah dalam tukvak drah samar di abih. Bruk hu cử tri xã Dray Bhăng sangka rilo lac bruk pala drak. Rilo cu tri pok panuac caong, karja njauk hu co che, sarak piah khik ramik yaom vat tu ngak nong, hu jalan chế tài khang jang dalam pasang iek, langyah bruk pablei salih khak ja, ngak kan kandah saong khat lahik praong tal pala drak  di urang nong.

/ Peih ngak nghị định 67 di rajaei ka dom sarak patagok kaya ikan, gah ngak nông saong patagok palei pala dalam tỉnh Bạc Liêu daok peih bruk pasang iek dom harak ba-ar brei mesraiy tui njauk quy định, pambuak saong gilang pariak karja VN – dhar Bạc Liêu tacei pato dom gilang pariak thương mại ngak siam bruk đầu tư, taphia di nan peih ngak khang kajap bruk mbaoh tangin sanya pambuak bruk di gilang pariak saong urang taong cap ikan ka bruk brei mesraiy taong cap ikan atah binek tui nghị định ini. Tui kuhria mboh, tal urak ini Bạc Liêu hu 75 baoh sang ngan saong 117 kapal ginup điều kiện mesraiy phun jien abih tih labaih 41 tỷ đồng.

 # Di ban sit Cao Lãnh, tỉnh Đồng Tháp barau peih harei pataom doah kadha daoh bhapbini VN mbang yaka 6 thun 2015 bhum gah meraong. Harei pataom daoh kadha daoh bhapbini VN mbang yaka 6 bhum gah meraong kayua tỉnh Đồng Tháp pambuak bruk dang ngak hu 12 kapul di 12 tinh, ban gah timul, gah pai saong ban raya HCM pataom tame. Harei pataom hu jaik 40 tiết mục di 200 nghệ nhân, nghệ sĩ oh ka chuyên lambaok vakil ka rilo bangsa daok di dom puk palei daoh. Dom kadha daoh bhapbini, dan vu ragu ragam hu pilih ruah, yaih khan di harei pataom mbang ini jeng biak dac trung di yaok bhum, puk palei. Abih di nyu nan lac hu dom ragam barau hu dauh pataom, hu padang ngak tui jalan bharau biak gheih, pabak tame dalam  kho tàng nghệ thuật diễn xướng phong phú di dom bangsa .

Patui di ini dom khau tin dunya:

/ Jabat khí tượng NB hu panuac lac, ceik pui Ha-cô-nê jaik ban ine Tô-ki-ô meda samar pruh veik. Panuac nan hu ba tabiak mesup kabroi tui mong puk palei saong urak ini hu patagok pakat 2 dalam tanut cảnh báo 5 pakat. Mbang pruh puac di abih di ceik pui ini di thun 1170.

# Tui panuac brei thau di rajaei Nga barau  ba tabiak, harei kabroi di ban ien Mát-xcơ-va (Nga), Thủ tướng Nga Đờ-mi-tơ-ri Mét-vê-đép saong Chủ tịch Hội đồng karja Cuba Ra-un Cát-xtrô peih bruk ginum biai ka danakdak pambuak tal gah nang luong, pajeng ba, pasang iek y te. Tui nan thau lac, dua urang dang akaok pataom tame ginum biai ka bruk patagok  talei pambuak bruk kinh te – pablei salih di Nga saong Cu Ba jeng ye bruk peih ngak dom danakdak ka gah nang luong, pajeng ba, jru tavao, pasang iek y te atau rilo bruk karei kayua kein laba di dua gah.  

/Patao  Ả-rập Xê-út Xan-man barau hu panuac lac, Ả-rập Xê-út meda padang sa pasak piah tacei pato bruk parabha viện trợ ka dom urang njauk cap kareik dalam bruk srau kadau di Yêmen. Bruk ngak ini hu Patao Ả-rập Xê-út ba tabiak dalam harak ndom puac di sa nyaom meyai pakat glaong di Hội đồng pambuak bruk vùng vịnh hu peih tabiak di Ri-át. Patao Xan-man brei thau, pasak daong ngak pahala ini hu padang tagok piah daong ka dom bruk ngak di LHQ saong dom kapul nyaom karei./.