# Tal urak ini, bruk Trung Quoc ba caik gian khoan Hai dương 981 di bhum tasik Viet Nam jeng daok rah tabiak dalam kan kandah.  Dalam harei 13.5, Trung Quoc hu 86 sruh kapal khik caga ka bruk ngak suan di drei. Kapal Trung Quoc số hiệu 46001 ginuh tame kapal Cảnh sát tasik 4032, ngak jaoh 10 mét lan can kapal, ngak khut 3 thông gió di baoh kapal Cảnh sát tasik 4032. Lingiu di nna, baoh kapal hải cảnh di Trung Quoc pandar phao cuh ia cuh tame sruh kapal 628 di Viet Nam tuk baoh kapal ini daok tame labik giàn khoan Trung Quoc atah di nan labaih 5 hải lý. Dahlau di nan, dom baoh kapla Trung Quoc nyu pacang cakak kapal di Viet Nam ba pandap mbang, ia menyum, jru tavao ka dom baoh kapal daok ngak bruk jhul pateok giàn khoan Hải Dương 981 di Trung Quoc meblah bhum tasik di Viet Nam.

Daok gah Viet Nam, kapal Cảnh sát tasik 4032 hu tame jaik labik giàn khoan Hai Dương 981 piah brei thau quyền ngak pô di Viet Nam saong phản đối bruk ngak suan di gah Trung Quoc, pandar Trung Quoc ba giàn khoan saong kapal khik caga tabiak truh bhum tasik Viet Nam.

# Pak Hà Nội, Mentri Thông tin saong Truyền thông hu peih bruk taduan mek saong brei thau ka bộ ảnh Atlas dunya, Bruxelles – 1827 brei mboh quyền ngak pô di Việt Nam ngan haong dua baoh pulao Hoàng Sa saong Trường Sa.  Bộ Atlas hu 6 tập khổ prong kayua urang địa lý học Phi – lip Van – đơ – ma - len (Philippe Vandermaelen), urang padang tabiak Viện Địa lý Hoàng gia Bỉ patabiak di thun 1827, dalam nan hu tập 2 – Châu Á, hu bản đồ cih jalan tasik gah kreh negar Việt Nam brei mboh pulao Hoàng Sa biak cambaih laih. Tài liệu ini hu dom urang sử học Pháp saong Bỉ taong yaom lac hu yaom glaong gah ilamu saong pháp lý dalam bruk brei mboh quyền ngak pô di Việt Nam ngan haong dua pulao Hoàng Sa saong Trường Sa.

# Harei 13 bilan 5, di jabat Rajaei, Thủ tướng Nguyễn Tấn Dũng hu taduan raok Akok Mentri Công nghiệp Myanmar U. Maung Myint daok rivang saong ngak bruk di Việt Nam. Thủ tướng caong khin Akok Mentri U.Maung Myint pambuak saong Akok mentri Công Thương Việt Nam ginum biai dom jalan ngak cambaic laic piah ba mbuan lagaih ka dom doanh nghiệp Việt Nam buh jien tame ngak mbang saong di Myanmar, dalam nan hu ndem tal bruk samar brei adat peih gilang pariak di Myanmar. Klak rabha dom suh sah ka bruk Trung Quoc ba gian khoan tame labik tasik ngak po di Viet Nam, ong U.Maung Myint khan lac, sarak di Myanmar nan lac  dom gah brei ngak njauk tui Hukum Dunya.

 # Harei 13/5, Kapul urang kumei Viet Nam brei tuyen bo phản đối bruk Trung Quoc  ba gian khoan tame Hải Dương – 981 di bhum tasik di Viet Nam. Dalam dom harei tapa,  Kapul urang kumei Viet Nam saong taong abih urang kumei Viet Nam biak pandik hatai anak bruk ngak suan trak di Trung Quốc; iew dom taneh ia di dunya, urang kumei dom taneh dalam nan hu urang kumei Trung Quốc brei panuac khik caga hòa bình saong công lý, caong khin Rajaei Trung Quốc ba giàn khoan tabiak truh bhum tasik di Viet Nam.

 # Dom harei tapa, gam haong bhap bani dalam negar, urang Cam di Việt Nam biak pandik hatai saong phản đối bruk Trung Quốc ba giàn khoan tame bhum tasik di Việt Nam. Tiến sĩ Phú Văn Hẳn – sa trí thức Cam daong ngak bruk saong diuk rai pak bal raya Hồ Chí Minh brei thau, ong jang yau dom urang Cam karei biak njauk hatai haong kadha ndom puac di Thủ tướng Nguyễn Tấn Dũng pak Nyaom biai pakat glaong ASEAN bahrau rah tabiak pak My-an-ma.

# Huyen bhum ceik Bac Ai, tinh Ninh Thuận hu labiah 90% bhap bini urang bangsa Raglai. Urak ini, ia di dom binek pak huyện Bác Aí daok biak takik, dalam nan binek Sông Sắt ia daok labaih 30 triệu met khoi, binek Trà Co daok labaih 3 triệu khôi ia, binek ia Phước Nhơn daok 70 ribau mét khối ia…oh ginup ia pruh ka phun pala dalam huyện. Yaok pluh hecta phun pala dalam bilan Đông Xuân njauk khut khat trak, rilo hamu apuh meda metai thu abih, abih di nyu nan lac tangei saong padai ia. Piah caga ka bruk nan, huyện Bac Aí daok jak ba mikva urang ngak nong brei ngak catang dom jalan pandar patak pataom ia.

          Khaw tin dunya:

# Mikva Agama Phật Việt Nam daok pak negar Lào hu mbaok tame Đại lễ Phật Đản likau chraong daong palei negar hu sron mbon, raidiuk haniem phol, ngak mbang kaya meda , tapa nan brei mboh bruk jum pataom, pamaong tal bhum palei negar saong brei mboh bruk pandik hatai anak dom bruk ngak suan di Trung Quốc di tasik Biển Đông. Sư thày Thích Minh Quang- Trụ trì Chùa Phật tích Viêng chăn brei thau, karei dom thun dahlau, raya Phật Đản thun ini nan lac harei Liên hợp Quốc iek ini yau harei salamat di dunya, yau nan ye langiu bruk likau brei chraong daong palei negar hu sron mbon, raidiuk haniem phol, ngak mbang kaya meda, dunya salamat, dom dom phật tử Việt Nam daok negar langiu daok brei mboh bruk jum pataom, pamaong tal bhum palei, suh sah anak bruk ngak suan di Trung Quoc pak Bien Dong.

# Pak bal Vla-đi-mia (Vladimir) di Liên bang Nga hu rah tabiak Harei ilamo Việt Nam. Dalam dom harei ini, bhap bani Việt Nam hu brei mboh hatai di drei ngan haong taneh aia, palei negar meng blah harak thư ngỏ, brei mboh hatai pachreih tui taong abih dom jalan ngak di karja Việt Nam dalam langyah bruk meriak gauk angaok bhum tasik kayua bruk ngak ngang ngược di Trung Quốc. Blah thư ngỏ taduan mek hu yaok rituh chữ ký di bhap bani saong dam dara Việt Nam. Ralo urang Nga jeng pachreih tui saong saong halar hatian mboh tangin tame bức thư. Dalam tuk nan, anak Đại sứ quán Trung Quốc pak bal ine Kiev di Ucraina hu rah tabiak bruk mit-tinh di labaih dua rituh urang Việt Nam saong ayut sahabat dunya piah phản đối Trung Quốc caik giàn khoan Hải dương 981 pak Biển Đông dalam bhum tasik di Việt Nam. Kapul urang nan hu trun jalan saong yar glaong dom biểu ngữ, băng rôn meng sap Việt, sap Ucraina, sap Anh saong sap Lo; ba gauk preo khang dom khẩu hiệu pandar Trung Quốc padeih chip bruk ngak suan di drei.

# Liên minh châu Âu (EU) harei 13 bilan 5 brei patabiak mbo tanut chuan birau ka bruk xếp hạng dom sang bac đại học. Jalan ngak nan iew lac "U-Multirank",daong taong yaom bruk ngak hu ngak jeng di labaih 850 sang bac đại học di dunya. U-Multirank hu rilo tanut salih birau dut saong dom tanut chuẩn xếp hạng dunya urak ini tapa bruk ba tabiak dom jalan taong yaom tui rilo gah saong hu lagaih jang./.