# Harei 13/11,  bruk xét xử 2 urang dahlau daih ngak tướng lac Phan Văn Vĩnh, Nguyễn Thanh Hóa saong 90 urang karei dalam jalan talei me-in mbia ribau tỉ yam tapa harei ngak bruk ka 2.Tui cáo trạng, piah peih ngak hu dom bruk me-in mbia trực tuyến dalam sa tukvak suai livik, 2 bị cáo Nguyễn Văn Dương saong Phan Sào Nam taduan hu bruk daong, "bảo kê" di ong Phan Văn Vĩnh saong Nguyễn Thanh Hóa. Hadei di tuk njauk cap mek, Nguyễn Văn Dương khan lac hu yar ka ong Vĩnh 27 tỷ đồng, labaih 1,7 triệu USD saong rilo pandap hu yaom glaong, yar ka ong Hóa 22 tỷ đồng. Min ong Vĩnh saong ong Hóa jeng tah klaak bruk taduan mek yaom jien biak praong nan, bo tok taduan lac hu tacei jalan, palagaih ka Nguyễn Văn Dương, Phan Sào Nam saong đồng phạm peih bruk me-in mbia angaok  mạng.

# Tui bruk ba tabiak meng harei 16/11 tal ini, 3 mạng di động hu thuê bao praong abih lac VinaPhone, Viettel saong MobiFone meda peih bruk pabak dịch vụ salih mạng khik tamo số (MNP) ka urang pandar. Bruk peih tabiak MNP tui kuhria meda peih tabiak bruk meriak gauk di dom mạng di động dalam tukvak mạng di động  daok bão hòa.

# Urak ini, di Ninh Thuận rilo sang mac ngak tapung bei plom daok blei bei plom di urang nong tui yaom 2.800 đồng/kg. Ini meda lac yaom glaong di abih dalam 5 thun mai ini yaom lac bahrau yam tame bilan puac pablei. Tui urang dang akaok Jabat ngak nong saong patagok palei pala huyện Ninh Sơn, bilan bei thun ini, dom bhum pala bei plom praong di Nam Bộ như: Tây Ninh, Bà Rịa-Vũng Tàu, Bình Dương … taneh pala bei plom njauk ruak ka-iu hala biak rilo, ngak brei khat lihik oh sit, meda kurang bei pabak ka dom sang máy. Meyah lingik tasik siam lagaih tal abih bilan buac mek bei, urang pala bei thun ini meda hu laba glaong.

# Piah duh saong paglaong bruk hu thau ka bhapbini, abih di nyu nan lac bhapbini bangsa takik, barau ini, gilang tapuk tỉnh Đồng Nai hu pabak saong pasiam domkomputer barau duh ka urang puac. 30 baoh komputer barau cài đặt dom phần mềm lagaih hu caik di duk puac tapuk đa phương tiện piah duh ka bruk truy cập internet jeng ye pabak ka bruk bac megru, roh duah saong giải trí di urang puac tapuk dalam tỉnh, dịch vụ thư viện - thông tin; peih praong saong paglaong libik di gilang tapuk. Taphia nan, bruk pandar công nghệ thông tin jeng hu daong ka urang jakar gilang tapuk tỉnh dalam bruk khik ramik, daong duah iek tài liệu angaok phần mềm thư viện drah samal, rik daong salih barau jalan duh sami samar, siam lagaih.

# Tui bruk ba tabiak, mBan khik ramik dự án salih bruk ngak nong khang kajap tỉnh Sóc Trăng meda đầu tư ka 20 Hợp tác xã, kapul nyaom bhap bini ngak padai dalam tỉnh, yaok kapul nyaom meng 8 tal 10 tỉ đồng ngak kho, ngak jalan, jamriak, pandap panda… piah bhap bini pala drak tui jalan ngak nong khang kajap. Dự án hu yaom jien đầu tư abih tih tui kuhria lac 160 tỉ đồng. Tal abih thun 2020 meda hu 20 HTX di 6 huyện dalam tỉnh Sóc Trăng daok dalam dự án hu buh jien padang ngak cơ sở hạ tầng, pandap panda, thiết bị.

Khaw tin dunya:

# Dom urang metai dalam dom mbang khuah glai Camp Fire di bang California tagok tal 42 urang, ngak ka ini lac bala khuah glai praong dalam sajarah taneh ia Mỹ. Takik di abih 228 urang jeng daok lihik dalam mbang khuah. Bruk duah menuac daok drah samal peih ngak. Camp Fire jeng lac mbang khuah ngak khat lihik drap ar praong abih kuhria meng dahlau mai di bang bhum Tây taneh ia Mỹ ini ngan saong labaih 7.000 baoh sang saong tòa nhà njauk apui mbang ralai abih di libik Sierra,  atah di ban San Francisco 280 km nao gah Brak. Dalam tuk nan, labaih 15.000 kiến trúc jeng daok mbuan si khut khat tuk thak kapan pacang meta maong trun daok oh ka tal 800m.

# Arập Xêut daok hu jalan ngak pasiam veik 130 baoh sang megik Islam livik saman abih di taneh ia ini. Hãng thông tấn SPA di Arập Xêut brei thau, mbang ka 1 di dự án hu ngak di 30 baoh sang megik, tui yaom jien labaih 13,3 triệu đôla Mỹ. Bruk ngak nan piah khik ramik inem krung ilamu đô thị jeng yau bruk praong, dalam gah ilamu, xã hội di sajarah taneh ia ini.

# Di ban Kô-nát (Kaunas), Lát-vi-a daok rah tabiak bruk pakacah “urang hu mbuk atah abih dunya”, hu jaik 185 urang kumei hu mbaok tame. Nai Ô-đê-ta Ô-tư-kết (Odeta Autukaite), 26 thun, quốc tịch Lát-vi-a jeng urang jayah dalam bruk pakacah ngan saong mbuk atah 156 cm. Hu thau, bruk pakacah “urang hu mbuk atah abih dunya” hu yam tapa thun ka 9 gam gam./.