# Thủ tướng Nguyễn Tấn Dũng bahrau mbaoh tangin tame danak dak bruk ngak pakat negar brei ka uranaih njaom HIV/AIDS tukvak  2014 - 2020. Tui nan, tal thun 2020, taong abih sang bac hu ba mbuan lagaih ka uranaih nyaom HIV/AIDS hu nao bac tui hatai caong khin. Kham merat tal thun 2020, 90% uranaih  njaom HIV/AIDS hu pabak brei dom dịch vụ gah y tế, pato pakai, tư vấn, daong dinh dưỡng saong patagok thể chất, iek glang, ma-in giải trí saong dom sarak xã hội tui quy định. Kham merat 90% labik daong ba uranaih, labik iek glang saong điều trị ka uranaih njaom HIV, dom kapul nyaom xã hội hu pambauk pagam tal uranaih HIV hu pabak brei ilamu khik caga, iek glang uranaih njaom HIV/AIDS.

# Dalam harei pataom gaok paparsap negar mbang yaka 11 daok rah tabiak di ban sit Da Lat, Lam Dong, pagaiy harei 25-4 rah tabiak 2 mbang ginum biai hu dom kadha “ peih bruk tòa soan di labik truyen thong da phuong tien “ saong “ cong nghe barau dalam ky nguyen paparsap so”. Labaih 500 urang jakar lac dom bien tap vien, urang vak, ky thuat vien di labaih 60 labik paparsap – papar binguk dalam taneh ia mai pataom mbaok. Rilo asal kadha siam lagaih di pandar cong nghe barau di bruk khik ramik, bien tap, san xuat danakdak, papar riyak hu brei thau di mbang ginum biai ini.

# Meng akaok bilan 4 tal ini, dom xã Tam Lập, An Thái, Phước Sang, Tân Hiệp, An Bình saong bal sit Phước Vĩnh huyện Phú Giáo tỉnh Bình Dương hu 2 mbang hajan khang pagam haong ribuk ngak khat lahik ralo drap ar di bhap bani, tui kuhria dahlau taong abih jien khat lahik labaih 4 tỷ đồng. Dalam nan, xã Tam Lập njauk lahik trak di abih. Tok kuhria      ta-eng mbang ka sa, dalam xã hu 1.000 phun cao su praong meng 4 tal 8 thun jaoh jaleih, 3 baoh sang par tabung, khat lahik kuhria mboh jaik 200 triệu đồng. Mbang ka 2 dalam xã hu 16.000 phun cao su praong meng 10 tal 14 thun jaoh jaleih, dua baoh sang par tabung, khat lahik jaik 2,9 tỷ đồng.

# Pagaiy 25/4), di beir mein Lam Sơn, mBan peih ngak dom harei le praong ban raya Hồ Chí Minh  peih pakak parang iek thaot binguk ngan saong kadha “tu hao 39 thun taneh ia bui sambai jang”. Parang iek 83 thaot binguk sambo saong tu lieu gireih, brei thau ka mbang methuh metak kol My daong mek taneh ia hao hung di bol lin saong bhapbini drei. Dom thaot binguk jeng khac hoa yaok tukvak jayah di mblang methuh metak gah meraong – brak ye: phong trào Đồng Khởi – Bến Tre 1960, mbang taong tame saong bruh tagok Mậu Thân 1968, Chiến dịch jalan 9 – meraong Lào, Chiến dịch Điện Biên Phủ trên không 1972 saong salah meng chiến dịch Hồ Chí Minh 1975 toàn thắng, peih paha negar meraong, yasa taneh ia. Ini jeng lac ban hung ca dai thang di bangsa…

# mBan tacei pato Tây Nam bộ brei thau, dalam bilan 5 thun 2014, danak dak an sinh xã hội di mBan tacei pato meda parabha 3.000 tấn xi măng piah daong ka dom tỉnh, bal yau Cần Thơ, Hậu Giang saong Bạc Liêu padang ngak palei pala bahrau. Jeng tui mBan tacei pato Tây Nam bộ, danak dak an sinh xã hội thun 2014 tui kuhria dahlau meda ieu pataom jaik 700 tỷ đồng dalam nan hu jien saong pandap panda. Tal urak ini, dom doanh nghiệp hu sanya daong jaik 70 tỷ đồng saong 13.000 tấn xi măng.

# Kuhria tal urak ini, urang nong huyen Long Mỹ tỉnh Hậu Giang trun pajaih hu 11.000ha padai he thu 2014, hu 42% bruk trun pajaih ba tabiak dahlau. Gah ngak nong huyen tacei pato dom xa, thi tran sangka tal bruk halau ia nội đồng, khik caga ia pruh di bilan thu, jhul khang bruk ba alamu ky thuat tame pala drak, tace pato urang nong pandar danakdak 3 trun 3 tagok, grah khak tui bảng so sambo hala padai, taphia nan, gam gam nao rravang hamu, pasang iek halak halieng khik caga siam taneh padai he thu hu nang suat tui njauk bruk ba tabiak dahlau.

# Danak dak aia hacih saong vệ sinh môi trường palei pala tukvak 2013 – 2015 di tỉnh Cà Mau akaok mereip hu ba mai ralo siam mekre. Tỉnh hu buh tabiak labaih 32 tỷ đồng piah padang ngak dom công trình aia hacih saong vệ sinh môi trường palei pala. Mai meng nan, meng akaok thun 2013 tal ini tỉnh Cà Mau hu padang ngak labaih 100 công trình ba brei aia, patagok dom pasak xã hu sang mac aia ba aia hacih brei ka urang pandar tagok tal 80%, labik daok di bhap bani hu aia hacih  tagok labaih 75%. 

Khaw tin dunya

# Pablei tabiak taneh ia langiu dom danakdak papar binguk di Nhat Ban di tài khóa salah di bilan 3/2013 mek hu abih tih 10,43 tỷ yen, bair jang duk saong ka 18,63 tỷ yên di Hàn Quốc. Dalam nan, bản quyền danakdak papar binguk di Nhật Bản hu ba mai 6,22 tỷ yen, rik daong 60% taong abih tih kim ngạch pablei tabiak taneh ia langiu dom danakdak papar binguk di taneh ini.  

# Piah palagaih haong bruk bahrau, Jabat Quốc vụ viện Trung Quốc bahrau ini hu patabiak harak tacei brei paglaong pren ngak saong ilamo duh ka bruk jien padai palei pala, peih ngak bruk jien padai palei pala saong “tam nông” patagok gam jayak. Harak ini hu ndom lac,  dom thun jaik di ini jien padai palei pala Trung Quốc hu patagok biak ralo, akaok mereip padang hu hệ thống dịch vụ jien padai palei pala đa tầng, mboh hu siam, labik pabak dịch vụ oh padeih peih prong song mboh lac bruk jien padai palei pala jeng lac kadha praong abih dalam taong abih hệ thống jien padai.

# Tui gah truyen thong Malaysia barau ini brei thau : mbang ravang Malaysia di Tổng thống Mỹ Barack Obama meng harei 26-28/4 lac mbang ravang sajarah hu cang meng suai lavik. Đại sứ Mỹ di Malaysia, Joseph Y. Yun ndom lac mbang ravang di Tổng thống Obama brei thau ka bruk praong prang di talei pambuak bruk dua gah Mỹ - Malaysia, jhul khang talei pambuak bruk di dom gah ye : ginum biai pato megru, ngoai giao, pambuak bruk khu vuc saong pambuak bruk pablei salih, dau tu../