# Pak bal Buôn Ma Thuột, tỉnh Đắc Lắc, Phaok Thủ tướng Hoàng Trung Hải, Akaok Ban tacei pato Karja ka bruk khik ramik saong patagok glai tukvak 2011- 2020 hu dang akaok mbang nyaom Ban tacei pato piah taong yaom bruk pacang khik saong patagok glai thun 2014, 3 bilan akaok thun 2015 saong dom bruk ngak prong daalam thun 2015. Dalam 3 bilan akaok thun 2015 hu jao khik iek glai labaih 2 triệu hecta; pala bahrau jaik 6% bruk ba tabiak dalam thun… Phaok Thủ tướng Hoàng Trung Hải tacei lac: Mentri ngak nong saong patagok palei pala pambuak haong Mentri Jien padai saong dom Mentri, ngành pambuak pagam njauk ginum biai tapak haong dom puk palei piah langyah dom tavak tave; roh duah, ba tabiak jalan langyah phun jien đầu tư pala glai bahrau; pataom tame tacei pato bruk điều tra, kiểm kê glai.

# Patui mbang ravang saong ngak bruk di Trung Quốc, pak ban Tây An,  Kapul urang jakar rayo sap ndom VN kayua Tổng Giám đốc Nguyễn Đăng Tiến pan akaok hu var ngak bruk saong akaok rayo paparsap papar binguk tỉnh Thiểm Tây – sa dalam dom jabat truyền thông di Trung Quốc hu jalan patagok biak samal dalam tukvak jaik di ini. Dua gah njauk hatai gauk brei paglaong talei pambuak bruk, klah rabha alamu, brei dom kapul urang jakar, urang vak nao mai rivang gauk, nao vak tin, vak kadha, tapa nan rik daong paglaong bruk thau gauk di bhapbini dua taneh ia.

# Mentri pajeng ba saong Mentri Công an bahrau peih nyaom biai pataom iek veik bruk pambuak gauk pasang iek trọng tải radaih pajeng quý 1/2015”. Hadei di 3 bilan peih bruk pambuak gauk, hu pasang iek jaik 87 ribau 500 sruh radaih, duah mboh 9 ribau 385 sruh radaih vi phạm, hạ tải labaih 4 ribau radaih; taong phạt nộp kho bạc karja 70 tỷ đồng. Daok gah Cảnh sát giao thông hu pasang iek, taong phat labaih 970 ribau mbang ngak suan adat hukum nao mai angaok jalan mbak; taong phat nộp ka kho bạc Karja jaik 661 tỷ đồng. Nyaom biai mboh lac, dua Mentri patui veik pambuak gauk dalam bruk pasang iek, langyah catang bruk vi phạm quá tải.

# Học viện Chính trị Quốc gia Hồ Chí Minh barau peih nyaom biai pahadar 40 thun harei pei paha gah meraong, yasa taneh ia (30/4/1975 – 30/4/2015). Nyaom biai mboh lac : dom kadha alamu di Dang tacei jalan mesruh cach mang oh lac hu yaom ngak jeng jayah dalam sajarah bo daok hu makna praong saong suai livik ngan saong bruk pan akaok ba jalan dalam bruk dak padang saong khik caga taneh ia urak ini.

# Pak tỉnh Quảng Nam, Ban Khik iek Dự án patrun kathaot bhum Tây Nguyên bahrau peih nyaom biai peih ngak kế hoạch thun 2015 ka urang jakar huyện saong xã daok dalam bhum hu mbang tui dự án. Pak tỉnh Quảng Nam, dự án hu peih ngak di 15 xã di 3 huyện bhum glaong nan lac Nam Trà My, Phước Sơn saong Nam Giang. Thun ini, dự án patrun kathaot meda buh jien tame padang ngak 30 công trình hạ tầng cơ sở pak tỉnh Quảng Nam.

# Ủy ban bhapbini tỉnh Ninh Thuận barau pasang iek bruk pacang caga tua riya dalam huyện Thuận Bắc. Kuhria tal tukvak ini, ia di dom danao dalam huyen daok biak bair. Huyen njauk pataom tame ka bruk pacang pandiak bhang; paglaong trach nhiem di urang daang akaok dom kapul ngak bruk pacang pandiak bhang; paglaong khik ramik, patak pataom ia; hu jalan khik caga tapol athur, khik caga halau ia, oh caik rah tabiak khuah glai.

# Báo Lao động bahrau pambuak bruk haong Kadung jien châu Á peih ndom biai “Pasiam môi trường ngak bruk ka urang ngak”. Pak van ndom biai, bruk pasiam điều kiện ngak bruk ka urang ngak hu mong iek, taong yam tui ralo gah. Dom urang lambaok hu panuac lac: Urang pandar urang ngak njauk cam kết saong hu mbaok tapak tame bruk khik ramik an toàn vệ sinh lao động; hu jalan pato pathram saong pachreih urang ngak hu mbaok tame  bruk khik ramik an toàn vệ sinh lao động.

Khaw tin dunya

# Rajaei Chi-lê harei kabroi 24/ 4 jeng daok caik bhum gah meraong taneh ia ini dalam báo động bhong kayua huac lac, ceik apui Can-bu-cô (Calbuco) meda pruh harei ka 3 hamit dalam mbang pruh veik akaok meti hadei di jaik meteh abap ini. Jaik 5 rabau menuac dalam 21 ki-lô-mét taphia ceik apui hu ba nao plaih. Thak saong dhur mun meng pabah ceik apui khuah glaong tal labaih 20.000 mét saong meda maong mboh hu meng labik atah yaok pluh ki-lô-mét. Dom tan thak, dhur mun kapan jeng pambak tal taneh ia jaik taphia lac Ác-hen-ti-na. Rajaei taneh ia ini hu ba tabiak dom bruk ngak chip ka ban du lich Ba-ri-lo-chê (Bariloche), atah ceik apui Can-bu-cô jaik 100 ki-lô-mét.

# Brei panuac dahlau di mbang nyaom ka sre di Hy Lạp rah tabiak harei kabroi 24/4 pak bal ine Ri-ga, Lát-vi-a, urang dang akaok nyaom Akaok Mentri Jien padai dom taneh ia pandar jien ơ-rô (Eurozone) Giê-rô-en Đi-sen-blô-em (Jeroen Dijsselbloem) ndom lac, bruk di urak ini lac biak khẩn cấp saong dom gah njauk samar mek hu sa thỏa thuận ka bruk sre di Hy Lạp. Tui ong, Hy Lạp saong dom po sre caik lahik biak ralo tukvak, dalam tuk nan jeng daok ralo kadha oh njauk gauk oh ka langyah hu.

# Dom urang dang akaok dunya hu mbaok tame nyaom biai thượng đỉnh hòa bình Ixtanbun (Istanbul, Thổ Nhĩ Kỳ) ieu bruk jum pataom di bhapbini dunya dalam bruk mesruh saong kapul khủng bố IS daok đe dọa tal bruk hoa binh di dunya. Tổng thống Thổ Nhĩ Kỳ Tay-íp Éc-đô-gan (Recep Tayyip Erdogan) ndom lac, Thổ Nhĩ Kỳ daok pabak bruk pasram quan su saong daong nhan dao ka  I-rắc piah daong taneh ia ini mesruh pacang kol IS./.